ព័ត៌មានជាតិ

អាជ្ញាធរសង្កាត់ដង្កោ ចុះរៀបចំសណ្ដាប់ធ្នាប់ និងណែនាំដល់ប្រជាពលរដ្ឋដែល រំលោភចិញ្ចើមផ្លូវសាធារណៈ

បានផុស

៤ ខែ មុន

នៅ

ថ្ងៃអង្គារ ១០ មីនា ២០២៦

ដោយ

កាលពីព្រឹកថ្ងៃទី ១០ ខែមីនា ឆ្នាំ ២០២៦ លោក លត់ ឃីម ចៅសង្កាត់រងទី ១ តំណាងលោកស្រី សឿង សេរី ចៅសង្កាត់ដង្កោ បានដឹកនាំកម្លាំងប្រជាការពារសង្កាត់ ចុះរៀបចំសណ្ដាប់ធ្នាប់តាមបណ្ដោយផ្លូវ ៥០ ម៉ែត្រ ភូមិបាគូ និងណែនាំដល់ប្រជាពលរដ្ឋដែលមានអាជីវកម្មស្តុកទំនិញអេតចាយលើចិញ្ចើមផ្លូវសាធារណៈ ត្រូវថែរក្សាចិញ្ចើមផ្លូវ ចៀសវាងបង្កគ្រោះថ្នាក់ចរាចរណ៍ណាមួយកើតឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរ បានឲ្យដឹងថា ដោយឃើញប្រជាពលរដ្ឋមួយចំនួននៅមិនទាន់អនុវត្តតាមការណែនាំរបស់អាជ្ញាធរ នៅតែដាក់ស្តុកទំនិញអេតចាយមកលើចិញ្ចើមផ្លូវសាធារណៈ ប៉ះពាល់សណ្ដាប់ធ្នាប់ ជាពិសេសខ្លាចបង្កគ្រោះថ្នាក់ចរាចរណ៍ណាមួយ ទើបអាជ្ញាធរចុះរៀបចំសណ្ដាប់ធ្នាប់ និងណែនាំបន្ថែម ដោយឲ្យរំកិលចូលផុតពីចិញ្ចើមផ្លូវសាធារណៈ ប្រវែង៤ ម៉ែត្រ។ បន្ថែមនោះ អាជ្ញាធរ ក៏បានចែកសេចក្ដីជូនដំណឹងរបស់រដ្ឋបាលសង្កាត់ដង្កោដល់ប្រជាពលរដ្ឋនាំគ្នាគោរពច្បាប់ទាំងអស់គ្នា។