ព័ត៌មានជាតិ

ក្រោយភ្លៀងធ្លាក់ប៉ុន្មានថ្ងៃជាប់គ្នា អាជ្ញាធរខេត្តកែប ចុះកាយបើកផ្លូវទឹកតាមបណ្តោយផ្លូវជាតិលេខ៣៣ ដើម្បីបង្ការទឹកជន់លិច

បានផុស

៤០ វិនាទី មុន

នៅ

ថ្ងៃអង្គារ ១៤ កក្កដា ២០២៦

ដោយ

នៅថ្ងៃទី១៣ ខែកក្កដា ឆ្នាំ២០២៦ លោក ហូរ មិថុនា អភិអភិបាលរងខេត្តកែប និងជាប្រធានលេខាធិការដ្ឋានគណៈកម្មាធិការគ្រប់គ្រងគ្រោះមហន្តរាយខេត្ត បានដឹកនាំក្រុមកាងារចុះប្រតិបត្តិការកាយបើកផ្លូវទឹកដែលកកស្ទះជាបន្ទាន់ នៅតាមបណ្តោយ ផ្លូវជាតិលេខ៣៣ ក្បែររង្វង់មូលសេះស ដែលជាចំណុចងាយនឹងមានការកកស្ទះលំហូរទឹកនៅពេលមានភ្លៀងធ្លាក់ខ្លាំង។ ការចុះកាយបើកផ្លូវទឹកនេះ គឺដើម្បីជួយរំដោះទឹកជន់លិចលំនៅឋានប្រជាពលរដ្ឋ ក្រោយពីមានភ្លៀងធ្លាក់ជាប់ៗគ្នាប៉ុន្មានថ្ងៃនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ៊ួ មិថុនា បានគូសបញ្ជាក់ថា ការដោះស្រាយបញ្ហាលំហូរទឹកនេះ គឺជាវិធានការចាំបាច់ដើម្បីត្រៀមបង្ការគ្រោះមហន្តរាយទឹកជំនន់ ដែលអាចកើតមានឡើងក្នុងរដូវវស្សានេះ។ លោកក៏បានថ្លែងអំណរគុណចំពោះមន្ទីរជំនាញ និងប្រជាពលរដ្ឋ ដែលបានចូលរួមយ៉ាងសកម្មក្នុងការសម្រេចបេសកកម្មមួយនេះប្រកបដោយជោគជ័យ។

អាជ្ញាធរខេត្តកែប ក៏បានអំពាវនាវដល់ប្រជាពលរដ្ឋទាំងអស់ សូមបន្តមានការប្រុងប្រយ័ត្នខ្ពស់ចំពោះស្ថានភាពអាកាសធាតុ និងចូលរួមរក្សាអនាម័យបរិស្ថាន ដោយកុំចោលសំរាមចូលក្នុងប្រព័ន្ធលូ ឬផ្លូវទឹក ដើម្បីចៀសវាងការកកស្ទះដែលនាំឱ្យមានការជន់លិចនារដូវវស្សានេះ៕

អត្ថបទ៖ សឹង រ៉ាត់