ព័ត៌មានជាតិ
កម្មកររោងចក្រនៅតំបន់បិទខ្ទប់ ភ្នំពេញ តាខ្មៅ ព្រះសីហនុ នឹងទទួលបានជំនួយសាច់ប្រាក់ ១៦ ម៉ឺនរៀល
លោក ហេង សួរ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា កម្មករនិយោជិតផ្នែកវាយនភ័ណ្ឌ កាត់ដេរ ផលិតស្បែកជើង និងផលិតផលធ្វើដំណើរនិងកាបូបនៅរាជធានីភ្នំពេញ ក្រុងតាខ្មៅ និងក្រុងព្រះសីហនុនឹងទទួលបានជំនួយសាច់ប្រាក់ចំនួន១៦ ម៉ឺនរៀល ស្របតាមការសម្រេចរបស់រាជរដ្ឋាភិបាលកម្ពុជា។
ក្រសួងសេដ្ឋកិច្ច និងហិរញ្ញវត្ថុ បានចេញសេចក្ដីសម្រេចមួយជុំវិញការផ្ដល់ជំនួយសង្គមជាសាច់ប្រាក់ សម្រាប់ប្រជាពលរដ្ឋ ដែលមានការលំបាកផ្នែកជីវភាព និងប្រជាពលរដ្ឋដែលឆ្លងជំងឺកូវីដ១៩ ព្រមទាំងគ្រួសាររបស់ប្រជាពលរដ្ឋដែលមានអ្នកស្លាប់ដោយសារជំងឺកូវីដ១៩។
តាមប្រការ៥ នៃសេចក្ដីសម្រេចនេះ បញ្ជាក់ថា “កម្មករ-និយោជិត បម្រើការងារនៅតាមរោងចក្រ-សហគ្រាសនៅក្នុងវិស័យកាត់ដេរ សម្លៀកបំពាក់ស្បែកជើង និងកាបូប នៅក្នុងតំបន់ក្រោមការអនុវត្តបិទខ្ទប់ជាលក្ខណៈទ្រង់ទ្រាយធំ នៃរាជធានីភ្នំពេញក្រុងតាខ្មៅនៃខេត្តកណ្ដាល និងក្រុងព្រះសីហនុ ត្រូវទទួលបានការឧបត្ថម្ភជាសាច់ប្រាក់ចំនួន ១៦០ ០០០ រៀល តែមួយលើកគត់”។
សេចក្ដីសម្រេចបញ្ជាក់ថា សម្រាប់ប្រជាពលរដ្ឋ ដែលមានការលំបាកផ្នែកជីវភាព ស្ថិតក្រោមការអនុវត្តវិធានការបិទខ្ទប់ទ្រង់ទ្រាយធំ នៃរាជធានីភ្នំពេញ ក្រុងតាខ្មៅ នៃខេត្តកណ្ដាល និងក្រុងព្រះសីហនុ នឹងទទួលបានការឧបត្ថម្ភសាច់ប្រាក់សរុបចំនួន ១៥៦ ០០០ រៀល សម្រាប់គ្រួសារដែលមានសមាជិកតែម្នាក់ ចំណែកឯគ្រួសារដែលមានសមាជិកចំនួន ២ នាក់ ដល់ ៣ នាក់ នឹងទទួលបានការឧបត្ថម្ភសាច់ប្រាក់ចំនួន២៤៣ ៧០០ រៀល រីឯគ្រួសារដែលមានសមាជិក៤នាក់ នឹងទទួលបានថវិកា៣១១ ០០០ រៀល។
ជាថវិកាដែលរាជរដ្ឋាភិបាលឧបត្ថម្ភដើម្បីទ្រទ្រង់ជីភាពរស់នៅ ក្នុងការចំណាយ ទៅលើស្បៀងអាហារ និងថ្លៃទឹក ភ្លើង ២ ខែ។ សម្រាប់គ្រួសារដែលមានអ្នកឆ្លងជំងឺកូវីដ១៩ និងមានការលំបាកផ្នែក ជីវភាពនិងទទួលបានជំនួយសាច់ប្រាក់ដូចគ្នា។
សេចក្ដីសម្រេច បញ្ជាក់ថា សម្រាប់គ្រួសារដែលមានបណ្ណសមធម៌ ដែលកំពុងទទួលការឧបត្ថម្ភជារៀងរាល់ខែ ពីកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ ក្នុងអំឡុងពេលប្រយុទ្ធនឹងជំងឺកូវីដ១៩ មិនទទួលបានការឧបត្ថម្ភនេះបន្ថែមទៀតទេ។
ដោយឡែកសម្រាប់គ្រួសារដែលមានអ្នកស្លាប់ដោយសារជំងឺកូវីដ១៩ ត្រូវផ្តល់ឧបត្ថម្ភសាច់ប្រាក់សរុប ៤៤ ម៉ឺន រៀល( ៤៤០ ០០០) សម្រាប់សមាជិកគ្រួសារម្នាក់ និង៦២៥ ៥០០ រៀល សម្រាប់មាជិក២ ទៅ៣នាក់ និង៧៦០ ០០០ ម៉ឺនរៀល សម្រាប់ គ្រួសារដែលមានសមាជិក ៤ នាក់៕ អត្ថបទ៖ ឡេង ដេត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង