កុំច្រឡំ ក្រសួងបន្តអំពាវនាវដល់គ្រួសារក្រីក្រ និងងាយរងគ្រោះមកផ្ទៀងផ្ទាត់ឈ្មោះដើម្បីទទួលសាច់ប្រាក់មិនផ្អាកទេ

បន្ទាប់ពីទទួលបានគោលនយោបាយជាតិគាំពារសង្គម (២០១ ៦-២០២៥) រាជរដ្ឋាភិបាលបានផ្ទេរការអនុវត្តកម្មវិធីឧបត្ថម្ភសាច់ប្រាក់ជូនដល់គ្រួសារក្រីក្រ និងងាយរងគ្រោះពិសេសដែលទទួលផលប៉ះបាល់ដោយសារជំងឺរាតត្បាត​កូវិដ១៩ នេះតាមរយះក្រសួងសង្គមកិច្ចអតីតយុទ្ធជន និងយុវនីតិសម្បទា នោះរួចមកនាយកដ្ឋានសុខមាលភាពសង្គមបានធ្វើការអំពាវនាវដល់បងប្អូនក្រីក្រនិងងាយរងគ្រោះស្ត្រីមានផ្ទៃពោះ និងកុមារអាយុក្រោម២ឆ្នាំទូទាំងប្រទេសមកពិនិត្យផ្ទៀងផ្ទាត់ឈ្មោះតាមមូលដ្ឋាន ឃុំ សង្កាត់ ដែលរស់នៅស្នាក់អាស្រ័យរៀងៗខ្លួនដើម្បីទទួលបានសាច់ប្រាក់បន្តពីការជួយឧបត្ថម្ភបន្តរបស់រាជរដ្ឋាភិបាល។

បើយោងតាមរបាយការណ៍របស់នាយកដ្ឋានសុខមាលភាពសង្គមនៃក្រសួងសង្គមកិច្ចអតីតយុទ្ធជន និងយុវនីតិសម្បទាបានបញ្ចាក់មុននេះថាបងប្អូនគ្រួសារក្រីក្រស្ត្រីមានផ្ទៃពោះ កុមារអាយុក្រោម២ឆ្នាំ ដែលងាយរងគ្រោះពិសេសទទួល​ផលប៉ះបាល់ដោយសារជម្ងឺរាតត្បាតកូវិដ១៩ សូមអញ្ជើញមកពិនិត្យឈ្មោះឲ្យបានត្រឹមត្រូវនៅតាមមូលដ្ឋានឃុំ សង្កាត់រៀងៗខ្លួនដើម្បីបន្តទទួលសាច់ប្រាក់ឧបឋមពីរាជរដ្ឋាភិបាល។
ដោយឡែកគ្រួសារដែលមិនទាន់បានទទួលសាច់ប្រាក់ឧបត្ថម្ភពីរាជរដ្ឋាភិបាលដូចពត៏មានខាងលើសូមរួសរាន់មកទំនាក់ទំនងជាមួយអាជ្ញាធរមូលដ្ឋានដែលខ្លួនស្នាក់អាស្រ័យនោះដើម្បីទទួលបានអត្ថប្រយោជន៍ដែលរាជរដ្ឋាភិបាលបានផ្តល់ជូនដោយមិនបានផ្អាកទេហើយកុំយល់ច្រឡំតាមពត៏មានខ្លះប្រឌិតឡើងខុសការពិត៕

អត្ថបទ ៖ វិមាន