ព័ត៌មានជាតិ

ចុះត្រួតពិនិត្យទីតាំងផលិតស្រា.ស ស្រាថ្នាំ និងឃ្លាំងស្តុកទំនិញចំនួន៧ នៅក្នុងខេត្តស្វាយរៀង

បានផុស

៥ years មុន

នៅ

ថ្ងៃចន្ទ ២១ មិថុនា ២០២១

ដោយ

សាខាការពារអ្នកប្រើប្រាស់ កិច្ចការប្រកួតប្រជែង និង បង្ក្រាបការក្លែងបន្លំខេត្តស្វាយរៀង បានសហការជាមួយមន្ទីរពាណិជ្ជកម្មខេត្ត អាជ្ញាធរដែនដី នៅថ្ងៃទី២១ ខែមិថុនា ឆ្នាំ២០២១ បានចុះត្រួតពិនិត្យទំនិញ នៅតាម សិប្បកម្ម ផលិតស្រាស ស្រាថ្នាំ និងឃ្លាំងស្តុកទំនិញស្ថិតនៅទីរួមខេត្តស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ផឹង និល ប្រធានសាខា(ក ប ប)ខេត្តស្វាយរៀង បានថ្លែងថា ដោយមានការណែនាំពីឯកឧត្តមរដ្ឋមន្ត្រីក្រសួងពាណិជ្ជកម្មនិងទទួលបទបញ្ជាផ្ទាល់ពីឯកឧត្តមប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋាន( ក ប ប) បានចុះត្រួតពិនិត្យ ទីតាំងផលិតស្រាស ស្រាថ្នាំ ចំនួន ៧ ទីតាំង និងត្រួតពិនិត្យទំនិញចម្រុះចំនួន ៣ ឃ្លាំង និងបានធ្វើTest Kits បឋមលើផ្លែឈើ នៅទីរួមខេត្តស្វាយរៀង ។

លោកបានបញ្ជាក់ថាសកម្មភាពការងារ ត្រួតពិនិត្យ មន្ត្រីជំនាញយើងបានយកសំណាកគំរូស្រាស ទាំង ៧ ទីតាំងយកមកវិភាគរកសារធាតុមេតាណុលនៅមន្ទីពិសោធន៍របស់អគ្គនាយកដ្ឋាន( ក ប ប) ដើម្បីធ្វើវិភាគតាមបច្ចេកទេស។ ក្នុងនោះដែរមន្ត្រីជំនាញបានផ្សព្វផ្សាយនូវការយល់ដឹង អំពីបច្ចេកទេសនៃការផលិតស្រាស ដែលមានសុវត្ថិភាពនិងផលប៉ះពាល់ដល់សុខភាព និង អាយុជីវិតដល់អ្នកផលិតផងដែរ។

លោក ផឹង និល បានថ្លែងអំពាវនាវដល់បងប្អូនប្រជាពលរដ្ឋទាំងអស់ ត្រូវមានការប្រុងប្រយ័ត្នក្នុងការផឹកស្រាស ស្រាថ្នាំនឹងត្រូវឈ្វេងយល់អំពីប្រភពនៃការផលិតឲ្យបានច្បាស់លាស់ និងសូមស្នើដល់អ្នកផលិតស្រាសទាំងអស់ ត្រូវផលិតស្រាដែលមានសុវត្ថិភាពដល់អ្នកហូប មិនត្រូវឆ្លៀតកេងចំណេញដាក់សារធាតុហាមឃាត់ជាដាច់ខាតនាំឲ្យប៉ះពាល់ដល់សុខភាពនិងអាយុជីវិតរបស់ប្រជាពលរដ្ឋនិងអាចប្រឈមនឹងផ្លូវច្បាប់មានទោសទណ្ឌផងដែរ៕

អត្ថបទ៖ ភក្ដី

សូមចុចអាន៖ បាក់រលំស្លាកប៉ាណូមួយផ្ទាំងនៅផ្លូវជាតិលេខ៣៣ កំពត-កែប