ព័ត៌មានជាតិ

មេឃភ្លៀងលាយខ្យល់កន្ត្រាក់ បណ្តាលឲ្យដើមឈើដ៏ធំ១ដើមរលំកាត់ទទឹងផ្លូវ

បានផុស

៥ years មុន

នៅ

ថ្ងៃពុធ ៣០ មិថុនា ២០២១

ដោយ

ខណៈដែលមេឃភ្លៀងលាយឡំជាមួយខ្យល់កន្ត្រាក់ផងនោះ បានបណ្ដាលឲ្យដើមគ្រាប់បែកមួយដើមដ៏ធំនៅត្រង់រូបសំណាកអណ្ដើកក្បែរបរិវេណវត្តភ្នំបានរលំកាត់ទទឹងផ្លូវបណ្ដាលឲ្យស្ទះចរាចរណ៍នៅម្តុំនោះផងដែរ តែសំណាងល្អមិនមានគ្រោះថ្នាក់ឬខូចខាតទ្រព្យសម្បត្តិនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍រលំដើមឈើនោះ បានកើតឡើងកាលពីរសៀលថ្ងៃទី៣០ ខែមិថុនា ឆ្នាំ២០២១នៅខាងកើតស្ថានទូតអាមេរិកខាងលិចវត្តភ្នំក្នុងសង្កាត់វត្តភ្នំខណ្ឌដូនពេញរាជធានីភ្នំពេញ។

ប្រភពព័ត៌មានពីកន្លែងកើតហេតុបានឲ្យដឹងថា ខណៈដែលមានងងឹតមានភ្លៀងលាយឡំជាមួយខ្យល់កន្ត្រាក់ផងនោះបានបណ្ដាលឱ្យដើមគ្រាប់បែកដ៏ធំមួយដើមនៅខាងកើតខាងទូតអាមេរិកបានរលំកាត់ទទឹងផ្លូវទៅប៉ះនិងរបងវត្តភ្នំពេញបណ្តាលឲ្យស្ទះចរាចរពេញម្ដុំនោះតែម្ដង។

ពាក់ព័ន្ធនឹងហេតុការណ៍នោះ កើតឡើងភ្លាមៗលោកសុខ ពេញវុធ អភិបាលនៃគណៈអភិបាលខណ្ឌដូនពេញ បានចុះចាត់ចាត់ចែងក្រុមការងារសហការជាមួយមន្ទីរសាធារណការចុះអារកាត់ដើមឈើនោះដើម្បីបញ្ចៀសការកកស្ទះផងដែរ៕

ដោយ ៖ រស្មី