ព័ត៌មានជាតិ
ក្រុមគ្រួសារ “ត្រកូលឡេង” ឧបត្ថម្ភ ៤លានរៀល ដល់ លោកអេ ភូថង ដែលកំពុងមានជំងឺកូវីដ-១៩
បន្ទាប់ពីទទួលបានដំណឹងស្តេចប្រដាល់គុនខ្មែរ លោក អេ ភូថង មានវិជ្ជមានវីរុសកូវីដ-១៩ កំពុងសម្រាកនៅមណ្ឌលព្យាបាលស្តាតកូវីដស្តាតអូឡាំពិក ខណ្ឌចំការមន រាជធានីភ្នំពេញ លោកឧកញ៉ា ឡេង និមល ក្រុមគ្រួសារត្រកូល “ឡេង” ដោយមានបេះដូងមនុស្សធម៌ស្រឡាញ់បានឧបត្ថម្ភថវិកាចំនួន ៤លានរៀល ដើម្បីសម្រួលជីវភាពគ្រួសាររបស់លោក។
តាមរយៈទំព័រហ្វេសប៊ុកនៅរសៀលថ្ងៃទី១៧ ខែកក្កដានេះ លោកឧកញ៉ា ឡេង និមល អគ្គនាយកក្រុមហ៊ុន ឡេង ណាវ៉ាត្រា ខ្នាតយក្ស បានឲ្យដឹងថា៖ “ខ្ញុំបាទ ក្រុមគ្រួសារត្រកូល (ឡេង) ជូនលោកគ្រូ អេ ភូថង ស្ដេចប្រដាល់ ៤.000.000 រៀល (បួនលានរៀល) ដើម្បីជួយសម្រួលជីវភាពគ្រួសារលោកគ្រូ”។
ទន្ទឹមនឹងនេះ លោកឧកញ៉ាក៏សូមជូនពរឲ្យលោក អេ ភូថង ឆាប់ជាសះស្បើយពីជំងឺកូវីដ-១៩ ដ៏កាចសាហាវមួយនេះ ដើម្បីត្រឡប់មកផ្ទះ ហើយនឹងបន្តបណ្តុះបណ្តាលសិស្សគណជំនាន់ក្រោយក្នុងវិស័យកីឡាប្រដាល់គុនខ្មែររបស់យើងបានរីកចំរើន។
ថ្មីៗនេះ ក្រុមគ្រួសារត្រកូល “ឡេង” បានបន្តឧបត្ថម្ភថវិកា និងគ្រឿងឧបភោគ បរិភោគជាច្រើនដល់ជនរងគ្រោះ រាជរដ្ឋាភិបាល អង្គការ សមាគម គិតជាទឹកប្រាក់វ៉ាល់លានដុល្លារអាមេរិក និយាយជារួម និយាយដោយឡែក សម្រាប់លោកឧកញ៉ាសប្បុរសធម៌ ឡេង និមល លោកតែងតែចូលរួមបរិច្ចាគថវិកាដល់ក្រសួង សមាគម និងជនរងគ្រោះជាច្រើនរួមមាន៖
១.លោកឧកញ៉ា និងលោកជំទាវ បានឧបត្ថម្ភថវិកាចំនួន ៤ពាន់ដុល្លារ ជូនសម្ដេចតេជោ ហ៊ុន សែន ដើម្បីទិញវ៉ាក់សាំងកូវីដ១៩ ចែកជូនប្រជាពលរដ្ឋដោយឥតគិតថ្លៃ។
២.បងប្អូនប្រកូល ឡេង គឺឧកញ៉ា ឡេង និមល ឧកញ៉ា ឡេង ប្រុស អ្នកឧកញ៉ា ឡេង ណាវ៉ាត្រា និងប្អូនស្រីជំទាវឧកញ៉ា ឡេង បញ្ញាពណ៌ បានបន្តឧបត្ថម្ភថវិកាចំនួន ៦ម៉ឺនដុល្លារអាមេរិកទៅក្រសួងការងារ និងបណ្តុះបណ្តាលវិជ្ជាជីវៈ ដើម្បីចូលរួមចំណែកក្នុងយុទ្ធនាការចាក់វ៉ាក់សាំងបង្ការកូវីដ-១៩ ជូនកម្មករ និយោជិត។
៣.បងប្អូន អ្នកឧកញ៉ា ឡេង ណាវ៉ាត្រា បានឧបត្ថម្ភនូវថវិកាចំនួន ២០៥,០០០ដុល្លារ (មួយម្ភៃម៉ឺនប្រាំពាន់ដុល្លារ) ដល់ក្រុមគ្រួពេទ្យ TYDA ដែលដឹកនាំផ្ទាល់ដោយលោកឧត្តមសេនីយ៍ឯក ហ៊ុន ម៉ាណែត ប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ និងលោកជំទាវវេជ្ជបណ្ឌិត ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ។
សូមរម្លឹកជូនថា បងប្អូនក្រុមគ្រួសារត្រកូល “ឡេង” សុទ្ធសឹងតែជាអតីតពលករធ្វើការនៅប្រទេសកូរ៉េខាងត្បូង ដែលធ្លាប់ហែលឆ្លងការលំបាករាប់មិនអស់ ហើយកន្លងទៅតែងតែផ្សារភ្ជាប់បេះដូងជាមួយកម្មករ និយោជិតនៅកម្ពុជា និងបានចូលរួមសកម្មភាពមនុស្សធម៌ជារឿយៗជាមួយរដ្ឋាភិបាល៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត