ព័ត៌មានជាតិ

ខេត្តកំពង់ស្ពឺ រៀបចំបើកយុទ្ធនាការចាក់វ៉ាក់សាំងដល់កុមារ១២ឆ្នាំ ដល់យុវវ័យអាយុក្រោម១៨ឆ្នាំ ក្នុងពេលខាងមុខឆាប់ៗនេះ

បានផុស

៥ years មុន

នៅ

ថ្ងៃសៅរ៍ ៧ សីហា ២០២១

ដោយ

កំពង់ស្ពឺ ៖ រដ្ឋបាលខេត្តកំពង់ស្ពឺ បាននឹងកំពុងត្រៀមលក្ខណៈ ដើម្បីរៀបចំ បើកយុទ្ធនាការចាក់វ៉ាក់សាំងដល់យុវវ័យ ដែលមានអាយុក្រោម១៨ឆ្នាំ មកដល់១២ឆ្នាំ នៅថ្ងៃទី១០ ខែសីហា ឆ្នាំ២០២១ ខាងមុខនេះ។

ចំពោះកុមារ ដែលមិនទាន់គ្រប់អាយុ១២ឆ្នាំ ឬខ្វះ ៣០ថ្ងៃ ក៏អាចទទួលបានវ៉ាក់សាំងការពារជំងឺកូវីដ-១៩ នេះបានដែរ ។

សូមបញ្ជាក់ថា ក្នុងខេត្តកំពង់ស្ពឺ កុមារមានអាយុចាប់ពីអាយុ១២ឆ្នាំ រហូតដល់យុវវ័យអាយុ១៨ឆ្នាំ ដែលគ្រោងនឹងចាក់វ៉ាក់សាំងការពារជំងឺកូវីដ-១៩ មានជំនួន ១១៥,១៨៧នាក់ ក្នុងនោះស្រីមានចំនួន៥៥,៧៥២៣នាក់។

គិតត្រឹមនៅថ្ងៃទី០៧ ខែសីហា ឆ្នាំ២០២១នេះ ខេត្តកំពង់ស្ពឺអ្នកជំងឺកូវីដ-១៩ ចំនួន១៣នាក់ បានជាសះស្បើយ និងមានអ្នកជំងឺ ចំនួន២០៣នាក់ទៀត កំពង់សម្រាកព្យាបាល។

សម្រាប់ថ្ងៃនេះផងដែរ ក្នុងខេត្តកំពង់ស្ពឺ មានសញ្ញាល្អដោយគ្មានអ្នកឆ្លងជំងឺកូវីដ-១៩ អ្នកឆ្លងថ្មីទេហើយក៏មិនមានអ្នកស្លាប់ដែរ ។ អ្នកឆ្លងសរុប៤១១នាក់ មានអ្នកជាសះស្បើយសរុប ៣៧៩៣នាក់ អ្នកស្លាប់សរុប ៩៨នាក់។

ការបើកយុទ្ធនាការចាក់វ៉ាក់សាំង ចំពោះកុមារមានអាយុចាប់ពី១២ឆ្នាំរហូតដល់យុវវ័យអាយុ១៨ឆ្នាំនឹងចាប់ផ្ដើមនៅថ្ងៃអង្គារទី១០ ខែសីហា ឆ្នាំ២០២១ ខាងមុខនេះ សម្រាប់ ក្មេងអាយុ១២ឆ្នាំនៅខ្វះ៣០ថ្ងៃ ក៏អាចចាក់បានដែរ។

លោកវ៉ីសំណាង អភិបាលខេត្តកំពង់ស្ពឺ បាន លើកឡើងថា សម្រាប់ឯកសារភ្ជាប់ ជាប់មកជាមួយមានដូចជា សំបុត្រកំណើត លិខិតបញ្ជាក់ពីអាជ្ញាធរ ឬលិខិតឆ្លងដែន។

លោកអភិបាលខេត្តក៏បានអំពាវនាវ ដល់បងប្អូន ប្រជាពលរដ្ឋ ដែលមានកូន ចាប់ពីអាយុ១២ឆ្នាំរហូតដល់១៨ឆ្នាំ យកទៅចាក់ថ្នាំ ការពារជំងឺកូវីដ-១៩ ឲ្យបានគ្រប់ៗគ្នា ដើម្បីចៀសផុតពីជំងឺកូវីដ-១៩ទាំងអស់គ្នា៕

ដោយ ៖ ភួង រដ្ឋា