ព័ត៌មានជាតិ

រដ្ឋបាលខេត្តបាត់ដំបង ទទួលវ៉ាក់សាំងជំរុញដូសទី៣ សម្រាប់ចាក់ដល់មន្ត្រីរាជការនិងក្រុមគ្រូពេទ្យជួរមុខ

បានផុស

៥ years មុន

នៅ

ថ្ងៃសៅរ៍ ៧ សីហា ២០២១

ដោយ

បាត់ដំបង ៖ រដ្ឋាភិបាលបញ្ជូនវ៉ាក់សាំងAstraZenecaដូសទី៣ជាង២ម៉ឺនដូស បានមកដល់ខេត្តបាត់ដំបងដើម្បីត្រៀមផ្តល់ការចាក់ដល់មន្ត្រីរាជការរួមទាំងក្រុមគ្រូពេទ្យជួរមុខជាខេត្តគោលដៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិតឱសថបណ្ឌិតវឿង ប៊ុនរ៉េត ប្រធានមន្ទីរសុខាភិបាលនៃរដ្ឋបាលខេត្តបាត់ដំបងបានប្រាប់ឲ្យដឹងថា វ៉ាក់សាំងAstraZenecaដូសទី៣របស់មិត្តជប៉ុនត្រូវបានរាជរដ្ឋាភិបាលបញ្ជូនមកដល់ខេត្តបាត់ដំបងហើយនៅព្រឹកថ្ងៃទី០៧ ខែសីហា ឆ្នាំ២០២១នេះ។

វ៉ាក់សាំងដូសទី៣ជាដូសជំរុញបន្ថែម ដែលរដ្ឋបាលខេត្តបាត់ដំបងទើបទទួលនេះផលិតនៅប្រទេសជប៉ុនសរុបចំនួន២០៧៣០ដូស ហើយនឹងចាប់ផ្តើមចាក់ជូនដល់មន្ត្រីរាជការរួមទាំងក្រុមគ្រូពេទ្យជួរមុខដែលកំពុងបំពេញការងារមមាញឹកពិនិត្យនិងព្យាបាលនូវជំងឺកូវីដ១៩ពិសេសនៅតាមខ្សែបន្ទាត់ព្រំដែនខេត្តបាត់ដំបងដែលនឹងចាប់ផ្តើមចាក់ពីថ្ងៃទី០៨ ខែសីហា ឆ្នាំ២០២១តទៅ។

លោកឱសថបណ្ឌិតវឿង ប៊ុនរ៉េត បានបញ្ជាក់ដែរថា ហេតុផលនៃការផ្តល់នូវវ៉ាក់សាំងប្រភេទAstraZeneca ទៅដល់មន្ត្រីរាជការនិងក្រុមគ្រូពេទ្យជួរមុខមុននេះ ដោយសារក្រុមការងារទាំងអស់ងាយនិងប្រឈមខ្លាំងព្រោះកំពុងទប់ទល់ប្រយុទ្ធប្រឆាំងជាមួយនឹងជំងឺកូវីដ.១៩ ក៏ដូចជាប្រភេទបំប្លែងថ្មីdeltaផ្ទាល់ ដែលកើតមានទៅលើប្រជាពលរដ្ឋពិសេសពលករខ្មែរដើម្បីទប់ស្កាត់ការឆ្លងរីករាលដាលធ្ងន់ធ្ងរដល់សហគមន៍៕

ដោយ ៖ សៅ សារិទ្ធ