ព័ត៌មានជាតិ
អគារព្យាបាល ថ្មីទំនើបនៅតាខ្មៅ សាងសង់រួច ១០០% ត្រៀមទទួលអ្នកជំងឺកូវីដ-១៩
ភ្នំពេញ៖ អគារសម្រាប់ព្យាបាលអ្នកជំងឺកូវីដ-១៩ បំពាក់សម្ភារបរិក្ខារទំនើបៗស្ថិតនៅក្នុងមន្ទីរពេទ្យ ជ័យជំនះក្រុងតាខ្មៅ ខេត្តកណ្តាល សម្រេចការសាងសង់បាន១០០% និងចាប់ផ្តើមទទួលព្យាបាលអ្នកជំងឺ ក្នុងពេលឆាប់ៗខាងមុខ។
លោក គង់ សោភ័ណ្ឌ អភិបាលខេត្តកណ្ដាលបានមានប្រសាសន៍ថា អគារសម្រាប់ព្យាបាលអ្នកជំងឺកូវីដ-១៩នេះ មានពីរអគា ដោយអគារទី១ ឈ្មោះថា អគារវះកាត់សុភាវី មានទំហំ ៤០ម៉ែត្រx១៣ម៉ែត្រ កំពស់ ៥ជាន់ ក្នុងមួយជាន់មាន១៥បន្ទប់ ស្មើ ៧០បន្ទប់ និងអគារទី២ ឈ្មោះថា អគារសម្ភព សុភាវ័ន្ត ទំហំ៤០ម៉ែត្រx១៣ម៉ែត្រ កំពស់ ៤ជាន់ ក្នុងមួយជាន់មាន១៥បន្ទប់ ស្មើនិង៦០បន្ទប់ បំពាក់ប្រព័ន្ធ អុកស៊ីហ្សែន ព្រមទាំងមានជណ្ដើរយន្ត និងមានសម្ភារបរិក្ខារទំនើបៗតាមជាន់នីមួយៗដូចគ្នាផងដែរ ។
លោកអភិបាលខេត្តបានបន្តទៀតថា មកដល់ពេលនេះអគារទាំងពីរ សម្រេចលទ្ធផលសាងសង់បាន ១០០% អាចទទួលព្យាបាលអ្នកជំងឺបានប្រមាណ ៣០០នាក់។
យ៉ាងណាក៏ដោយ លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល ដែលបានចុះពិនិត្យអគារសម្រាប់ព្យាបាលអ្នកជំងឺកូវីដ-១៩ កាលពីថ្ងៃទី១១សីហា បានណែនាំឲ្យក្រុមវិស្វករបន្ថែមប្រព័ន្ធពន្លត់អគ្គីភ័យស្វ័យប្រវត្តិ ដើម្បីការពារសុវត្តិភាពដល់អ្នកជំងឺ ក៏ដូចជាគ្រុមគ្រូពេទ្យ៕
អត្ថបទ៖ សំអឿន
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ