ព័ត៌មានជាតិ

កុំភ្លេចតាមដានផ្សាយផ្ទាល់ព្រឹកនេះ អ្នកចង់រកលុយតាម YouTube

បានផុស

៥ years មុន

នៅ

ថ្ងៃសុក្រ ២០ សីហា ២០២១

ដោយ

សិក្ខាសាលាដ៏សំខាន់ជាការចែករំលែកលើការប្រើប្រាស់បណ្តាញ YouTube នឹងចាប់ផ្តើមនាពេលបន្តិចទៀតនេះ។

សិក្ខាសាលាដែលរៀបចំពេញមួយព្រឹក មានប្រធានបទសំខាន់ៗ សម្រាប់អ្នកចង់ក្លាយជាអ្នកជំនាញផលិតមាតិកាលើ YouTube ដែលផ្តល់ឱកាសឱ្យអ្នកចូលរួមជួបដោយផ្ទាល់ជាមួយថ្នាក់ដឹកនាំក្រសួង និងតំណាង YouTube ដើម្បីស្វែងយល់កាន់តែច្បាស់អំពីស្តង់ដារ និងលក្ខខណ្ឌសម្រាប់ការផលិតមាតិកាដែលអាចរកចំណូលបាន ។

កម្មវិធីនេះមានការជួយជ្រោមជ្រែងពីក្រសួងប្រៃសណីយនិងទូរគមនាគមន៍ ដោយមានកិច្ចសហការជាមួយក្រុមហ៊ុន Google និង YouTube នាំវាគ្មិនពីបរទេសជំនាញៗ មានបទពិសោធន៍ចែករំលែកបច្ចេកទេស និងមូលដ្ឋានចំណេះដឹងក្នុងការផលិតវិដេអូដាក់លើ YouTube។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សិក្ខាសាលាក្រោមប្រធានបទ “ក្លាយជាអ្នកជំនាញ ផលិតមាតិកា YouTube (Be Professional YouTubers)” ប្រិយមិត្តទាំងអស់អាចចូលរួមតាមរយៈប្រព័ន្ធវីដេអូ (Google Meet) នៅវេលាម៉ោង ៩:០០នាទីព្រឹក ឬអាចតាមដានតាមផេករបស់ក្រសួងប្រៃសណីយ៍ និងទូរគមនាគមន៍។ មិនពិបាកអាចទស្សនាតាមរយៈតំណភ្ជាប់ខាងក្រោមនេះផ្ទាល់ក៏បាន។

គួរបញ្ជាក់ថា វេទិកានេះមានចំណុចសំខាន់ពីរ៖

១. ជំរុញឱ្យមានការផលិតមាតិកាវីដេអូកាន់តែមានប្រយោជន៍សម្រាប់អ្នកទស្សនា ជាពិសេសលើកស្ទួយដល់ការផលិតមាតិកាវីដេអូប្រកបដោយគំនិតច្នៃប្រឌិត មិនចម្លងពីអ្នកដទៃ។

២. ផ្តល់ឱកាសឱ្យអ្នកចូលរួមជួបដោយផ្ទាល់ជាមួយថ្នាក់ដឹកនាំក្រសួង និងតំណាង YouTube ដើម្បីស្វែងយល់កាន់តែច្បាស់អំពីស្តង់ដារ និងលក្ខខណ្ឌសម្រាប់ការផលិតមាតិកាដែលអាចរកចំណូលបាន៕

អត្ថបទ៖ ប៊ុណ្ណារ៉ា

Related Topics:ក្រសួងប្រៃសណីយ៍ និងទូរគមនាគមន៍