ព័ត៌មានជាតិ

អភិបាលខេត្តកំពង់ចាម ចុះពិនិត្យស្ថានភាពផ្លូវតាមមូលដ្ឋានក្នុងសង្កាត់បឹងកុក ដើម្បីធ្វើការអភិវឌ្ឍន៍

បានផុស

៥ years មុន

នៅ

ថ្ងៃពុធ ៨ កញ្ញា ២០២១

ដោយ

ឯកឧត្តម អ៊ុន ចាន់ដា អភិបាល នៃគណៈអភិបាល ខេត្តកំពង់ចាម នៅព្រឹកថ្ងៃទី០៨ ខែកញ្ញា ឆ្នាំ២០២១នេះ បានដឹកនាំក្រុមការងារចុះពិនិត្យតាមភូមិមួយចំនួន ក្នុងសង្កាត់បឹងកុក ក្រុងកំពង់ចាម ដើម្បីធ្វើការអភិវឌ្ឍ ។

តាមមន្ត្រីរដ្ឋបាលខេត្តកំពង់ចាម ឲ្យដឹងថា បន្ទាប់ពីមានភ្លៀងធ្លាក់មួយមេធំ ឯកឧត្តមអភិបាលខេត្ត បានអញ្ជើញចុះពិនិត្យមើលនៅតាមភូមិសាស្ត្រមួយចំនួន ក្នុងសង្កាត់បឹងកុក ជាពិសេសគឺផ្ដោតទៅលើស្ថានភាពផ្លូវ និងប្រព័ន្ធបង្ហូរទឹកផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីដដែលបានឲ្យដឹងទៀតថា ផ្លូវមួយចំនួនក្នុងសង្កាត់បឹងកុក បច្ចុប្បន្នកំពុងធ្វើការស្ថាបនាជាផ្លូវក្រាលបេតុង ដែលមានប្រវែងប្រមាណជាង ១.៥០០ម៉ែត្រ និងប្រព័ន្ធលូបង្ហូរទឹកផងដែរ ស្ថិតនៅក្នុងសង្កាត់បឹងកុក។ ក្នុងនោះផ្លូវក្រាលបេតុង១ខ្សែ ប្រវែងជាង១.៣០០ម៉ែត្រ ទទឹង៦ម៉ែត្រ និង១ខ្សែ ទៀតប្រវែងជាង២០០ម៉ែត្រ ទទឹង៥ម៉ែត្រ និងត្រូវស្ថាបនាលូរំដោះទឹកប្រវែងជាង១.០០០ម៉ែត្រ និងលូដែលត្រូវជួសជុលប្រវែងជាង៤០០ម៉ែត្រផងដែរ ។ ដោយគម្រោងផ្លូវទាំង២ខ្សែនេះ ប្រើប្រាស់ថវិកាឆ្នាំ២០២២ របស់រដ្ឋបាលខេត្តកំពង់ចាម ។

មន្ត្រីរដ្ឋបាលខេត្តបានបន្តថា ទន្ទឹមនឹងការអភិវឌ្ឍផ្លូវ និងលូកំពុងស្ថាបនានេះ លោកអភិបាលខេត្ត បានចុះពិនិត្យដោយផ្ទាល់ និងមានគម្រោងបន្តស្ថាបនាផ្លូវបេតុងបន្ថែមទៀតនៅក្នុងសង្កាត់បឹងកុក នាពេលខាងមុខនេះ ៕

អត្ថបទ៖ ហុង ម៉េងហៀ