ព័ត៌មានជាតិ

ទារកអាយុ២១ថ្ងៃ មានជំងឺស្ដួចត្បៀតសរសៃឈាមក្រហមបេះដូង ត្រូវបានជួយសង្គ្រោះដោយជោគជ័យ

បានផុស

៤ years មុន

នៅ

ថ្ងៃព្រហស្បតិ៍ ២៣ កញ្ញា ២០២១

ដោយ

បើតាមការបង្ហោះតាមបណ្តាញសង្គមហ្វេសប៊ុកផេករបស់លោកវេជ្ជបណ្ឌិតDr Beat richner បានបង្ហោះនៅព្រឹកថ្ងៃទី២៣ ខែកញ្ញា ឆ្នាំ២០២១នេះថា ទោះស្ថិតក្នុងបរិបថនៃការរាតត្បាតជំងឺកូវីដ-១៩ក្តី ក៏ការវះកាត់បេះដូងដ៏ស្មុគស្មាញ នៅតែបន្តជាប្រក្រតីក្នុងគន្លងថ្មី ប្រកបដោយគុណភាព ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងមានទារកតូចនេះអាយុទើបបាន២១ថ្ងៃ ទម្ងន់២គីឡូ៧ខាំ បញ្ជូនមកពីមន្ទីរពេទ្យឯកជនមួយ ក្នុងស្ថានភាពធ្ងន់ធ្ងរបំផុត មានជំងឺស្តួចត្បៀតសរសៃឈាមក្រហមបេះដូងពីកំណើត និងមានសរសៃឈាមក្រហមតភ្ជាប់សរសៃឈាមសួត នាំឲ្យរីកបេះដូង ។

ចាំបាច់ត្រូវវះកាត់កែតម្រូវជាបន្ទាន់ និងអរគុណក្រុមគ្រូពេទ្យឯកទេសបេះដូងកម្ពុជានៃមន្ទីរពេទ្យគន្ធបុប្ផាភ្នំពេញ ដឹកនាំដោយលោកវេជ្ជបណ្ឌិតឯកទេស ប៉ុន ឡាឌីន ដែលបានជួយសង្គ្រោះជីវិតទារកតូចម្នាក់នេះ ។

រាល់ការព្យាបាលទាំងអស់ គឺឥតគិតថ្លៃសម្រាប់គ្រប់ៗគ្នា ដោយគ្មានការរើសអើង រាល់១ដុល្លាររបស់លោកអ្នក គឺពិតជាបានជួយព្យាបាល សង្គ្រោះ និងការពារជីវិត និងអរគុណគន្ធបុប្ផា អរគុណមូលនិធិគន្ធបុប្ផាកម្ពុជា អរគុណមូលនិធិគន្ធបុប្ផាស្វីស៕

អត្ថបទ៖ រស្មី