ព័ត៌មានជាតិ

ភ្លេចបិទ ធុងហ្គាសផ្ទុះឆាបឆេះ ផ្ទះមេចុងភៅអស់១ខ្នងទាំងស្រុងផ្អើលសមត្ថកិច្ចអន្តរាគមន៍

បានផុស

៥ years មុន

នៅ

ថ្ងៃព្រហស្បតិ៍ ២៣ កញ្ញា ២០២១

ដោយ

ភ្នំពេញ ៖ គ្រោះអគ្គិភ័យមួយបានឆាបឆេះផ្ទះចុងភៅ ទទួលធ្វើម្ហូបបុណ្យ ម្ហូបការ យ៉ាងសន្ធោសន្ធៅបង្កការភ្ញាក់ផ្អើលដល់បងប្អូនប្រជាពលរដ្ឋនិងសមត្ថកិច្ចចុះអន្តរាគមន៍ភ្លាមៗកាលពីវេលាម៉ោង៤ និង០០នាទីរសៀលថ្ងៃទី២៣ ខែកញ្ញា ឆ្នាំ២០២១ ស្ថិតនៅផ្លូវបេតុង ផ្ទះលេខ380A ក្នុងភូមិទ្រា សង្កាត់ស្ទឹងមានជ័យទី១ ខណ្ឌមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់ផ្ទះរងគ្រោះខាងលើឈ្មោះ ស៊ីវ សាំង ភេទប្រុស អាយុ ៦០ឆ្នាំ មុខរបរមេចុងភៅ ស្នាក់នៅចំណុចកើតហេតុខាងលើ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុក្រុមគ្រួសារម្ចាស់ផ្ទះបានចេញទៅក្រៅបាត់ សល់តែស្ត្រីវ័យចំណាស់ម្នាក់នៅចាំផ្ទះ ដោយម្ចាស់ផ្ទះបានបើកធុងហ្គាសចោលហើយភ្លេចបិទវិញ ទើបបណ្ដាលឲ្យផ្ទុះធុងហ្គាសឆាបឆេះយ៉ាងសន្ធោសន្ធៅ បង្កការភ្ញាក់ផ្អើលដល់ប្រជាពលរដ្ឋដែលរស់នៅក្បែរនោះ នាំគ្នាជួយយកបំពង់បាញ់ពន្លត់អគ្គីភ័យ ទប់ស្កាត់កុំឲ្យមានការរាលដាលឆាបឆេះដល់ផ្ទះផ្សេង និងរាយការណ៍ទៅសមត្ថកិច្ចជំនាញបង្ការ និងពន្លត់អគ្គីភ័យជាច្រើនគ្រឿងមកធ្វើការបាញ់ពន្លត់។ តែដោយសារស្ថានភាពភ្លើងឆេះខ្លាំងពេកគ្រប់គ្រងស្ថានការណ៍មិនបាន ទើបបណ្ដាលឲ្យឆាបឆេះផ្ទះខាងលើនេះតែម្ដង តែមិនរាលដាលដល់ផ្ទះអ្នកជិតខាងនោះឡើយ។

សូមបញ្ជាក់ថា នៅក្នុងប្រតិបត្តិការជួយសង្គ្រោះនេះមិនបណ្ដាលឲ្យមនុស្សណាម្នាក់រងរបួសនោះទេ ហើយសមត្ថកិច្ចបានប្រើប្រាស់រថយន្តពន្លត់ អគ្គិភ័យសរុបទាំងអស់ ចំនួន ១៤គ្រឿង ដោយប្រើប្រាស់ទឹកអស់ ចំនួន ១៣ឡាន ស្មើនឹង ៥៤ម៉ែត្រគូប ដោយប្រើប្រាស់រយៈពេល៣០នាទី ដើម្បីធ្វើការបានបាញ់ពន្លត់ឱ្យរលត់ទៅវិញជាស្ថាពរនៅល្ងាចថ្ងៃខែឆ្នាំដដែល៕

ដោយ ៖ សុខា