ព័ត៌មានជាតិ

លោកជំទាវ ម៉ែន សំអន ប្រគេនទេយ្យវត្ថុ និងបច្ច័យទៅថ្វាយសម្តេចសង្ឃនាយក នន្ទ ង៉ែត និង បូរ គ្រី

បានផុស

៣ years មុន

នៅ

ថ្ងៃចន្ទ ៤ តុលា ២០២១

ដោយ

លោក តុង វណ្ណៈ នាយករងខុទ្ទកាល័យព្រមទាំងសហការី នៅខុទ្ទកាល័យតំណាងដ៏ខ្ពង់ខ្ពស់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បាននាំយកទេយ្យវត្ថុ និងបច្ច័យទៅថ្វាយប្រគេនដល់សម្តេចអភិសេរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បូរ គ្រី និង សម្តេចសង្ឃនាយកនៃព្រះរាជាណាចក្រកម្ពុជា នន្ទ ង៉ែត នៅវត្តបទុមវតី រាជធានីភ្នំពេញនៅព្រឹកថ្ងៃចន្ទទី៤ តុលា ឆ្នាំ ២០២១ ត្រូវនឹងថ្ងៃបិណ្ឌទី១៣នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទេយ្យវត្ថុ និងបច្ច័យទៅថ្វាយប្រគេនដល់សម្តេចសង្ឃនាយករួមមានអង្ករ ស្ករស ទឹកសុទ្ធ ទឹកក្រូច មី ទឹកដោះគោ ម៉ាស អាកុលទឹកត្រី ទឹកស៊ីអ៉ីវ ត្រីងៀត អំបិល និងបច្ច័យ របស់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួង ទៅថ្វាយប្រគេនដល់សម្តេចអភិសេរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បូរ គ្រី និង សម្តេចសង្ឃនាយកនៃព្រះរាជាណាចក្រកម្ពុជា នន្ទ ង៉ែត នៅវត្តបទុមវតី។

ក្នុងនាមតំណាងដ៏ខ្ពង់ខ្ពស់លោកជំទាវកិត្តិសង្គហបណ្ឌិត ម៉ែន សំអន លោក តុង វណ្ណៈ នាយករងខុទ្ទកាល័យសូមបួងសួងមហាបុណ្យកុសលទាំងអស់នេះ បានដល់ញាតិទាំងឡាយរបស់លោកជំទាវឧបនាយករដ្ឋមន្ត្រី និងសូមញាតិទាំងឡាយនោះ បានដល់សេចក្តីសុខរីករាយទាំងអស់គ្នា។

មួយចំណែកទៀត សូមអំណាចនៃមហាបុណ្យកុសលនាពេលនេះ ជួយឃុំគ្រងអភិបាលរក្សាលោកជំទាវឧបនាយករដ្ឋមន្ត្រី សូមបន្តមានសុខភាពល្អពេញបរិបូរណ៍ កាយពលមាំមួន ក្លៀវក្លា ជន្មាយុយឺនយូរ បញ្ញាញាណភ្លឺថ្លា ព្រមបានប្រកបដោយពុទ្ធពរនិងពរទាំងប្រាំប្រការគឺ អាយុ វណ្ណៈ សុខៈពលៈ និងបដិភាណ ជានិច្ចនិរន្តរ ដើម្បីជាម្លប់ដល់កូនចៅមន្ត្រីរាជការគ្រប់ឋានានុក្រម បានសុខចម្រើន សួស្ដី សុខដុមរមនា សុភមង្គល និងសម្រេចបានជោគជ័យគ្រប់ការងារភារកិច្ចបម្រើជាតិមាតុភូមិ៕

អត្ថបទ៖ វិមាន

Related Topics:ប្រគេនទេយ្យវត្ថុ