ព័ត៌មានជាតិ
លោកសុខ សម្បត្តិ ផ្ដាំផ្ញើដល់ពលរដ្ឋ ដែលខ្វះខាតស្បៀងអាចមកទំនាក់ទំនងរដ្ឋបាលខណ្ឌ សាលាខណ្ឌ និងផ្តល់ស្បៀងជូនភ្លាម
លោកសុខ សម្បត្តិ អភិបាល នៃគណៈអភិបាលខណ្ឌព្រែកព្នៅ បានផ្ដាំផ្ញើដល់ប្រជាពលរដ្ឋដែលខ្វះខាតទាំងអស់ ដែលមានការខ្វះខាតស្បៀងអាចមកទំនាក់ទំនងតាមរយៈមន្ត្រីក្នុងមូលដ្ឋាន ហើយរាយការណ៍មករដ្ឋបាលខណ្ឌ នោះសាលាខណ្ឌនិងផ្តល់ស្បៀងចែកជូនបងប្អូនប្រជាពលរដ្ឋ មិនឲ្យនរណាម្នាក់ស្លាប់ ដោយអត់បាយក្នុងដំណាក់ជំងឺកូវីដនេះ នៅក្នុងខណ្ឌព្រែកព្នៅនោះឡើយ។
លោកអភិបាលខណ្ឌព្រែកព្នៅមានប្រសាសន៍បែបនេះនៅក្នុងពិធីប្រគល់អំណោយដ៏ថ្លៃថ្លារបស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា តាមរយៈឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ ជូនដល់ប្រជាពលរដ្ឋចាស់ជរា និងជនពិការចំនួន៥០គ្រួសារមកពីសង្កាត់ទាំង៥ក្នុងខណ្ឌព្រែកព្នៅ នាព្រឹកថ្ងៃទី១៣ ខែតុលា ឆ្នាំ២០២១នេះ។
ក្នុងឱកាសនោះផងដែរលោកសុខ សម្បត្តិ បានផ្តាំផ្ញើសួរសុខទុកពីសំណាក់សម្តេចតេជោ និងសម្តេចកិត្តិព្រឹទ្ធបណ្ឌិតប៊ុន រ៉ានីហ៊ុន សែន និងឯកឧត្តមអភិបាលរាជធានីភ្នំពេញ ដល់លោកតាលោតយាយ និងជនពិការទាំងអស់ ដែលបានមកទទួលអំណោយនាឱកាសនេះដោយក្តីនឹករលឹក ជានិច្ចកាលសម្តេចតែងតែយកចិត្តទុក្ខដាក់ខ្ពស់ ចំពោះសុខទុក្ខលំបាកប្រជាពលរដ្ឋ។ សូមបងប្អូនជឿចុះមិនថាតែក្នុងកាលៈទេសៈណាក៏ដោយ សម្តេចទាំងទ្វេតែងតែ នៅជាមួយប្រជាពលរដ្ឋដឹងសុខ ដឹងទុក ផ្តល់ភាពកកក្តៅមិនទៅណាចោលបងប្អូនប្រជាពលរដ្ឋនោះឡើយ។
ក្នុងនោះផងដែរ លោក សុខ សម្បត្តិ បានផ្តាំផ្ញើដល់បង្អូនដែលមានការខ្វះខាតស្បៀងអាចមកទំនាក់ទំនងតាមរយៈមន្ត្រីក្នុងមូលដ្ឋានហើយរាយការមកសាលាខណ្ឌ សាលាខណ្ឌនិងផ្តល់ស្បៀងចែកជូនបងប្អូនប្រជាពលរដ្ឋ មិនឲ្យនរណាម្នាក់ស្លាប់ដោយអត់បាយ ក្នុងដំណាក់នេះ នៅក្នុងខណ្ឌព្រែកព្នៅនោះឡើយ។
លោកអភិបាលខណ្ឌបានមានប្រសាសន៍បន្ថែមទៀតថា រាជរដ្ឋាភិបាលកម្ពុជា ក៏ដូចអាជ្ញាធររាជធានីភ្នំពេញ និងអាជ្ញាធរខណ្ឌ គឺមិនទុកឲ្យប្រជាពលរដ្ឋណាម្នាក់មានបញ្ហា ដោយការដាច់ស្បៀងហូបចុកនោះឡើយ។ ជាមួយគ្នានោះ លោកក៏បានណែនាំដល់សូមពុកម៉ែបងប្អូនចូលរួមទាំងអស់គ្នាក្នុងអំឡុងពេលនេះ ដើម្បីសេចក្តីសុខ សុខភាព គោរពអនុវត្តន៍តាមការណែនាំអាជ្ញាធរ និងវិធានការសុខាភិបាល ៣ការពារ និង៣កុំ ឲ្យបានខ្ជាប់ខ្ជួន។ គួរបញ្ជាក់ថា អំណោយដែលចែកជូននាពេលនេះក្នុងមួយគ្រួសាៗ ទទួលបានអង្ករ២៥គីឡូក្រាម មី១កេស ឃិត១កញ្ចប់ និងថវិកា៥ម៉ឺនរៀលផងដែរ៕
អត្ថបទ៖ ឧត្តរ៉ា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង