ព័ត៌មានជាតិ
ក្រសួងសេដ្ឋកិច្ចបានចុះហត្ថលេខាជាមួយវិទ្យាស្ថាននគរូបនីយកម្មនិងឌីសាញស៊ិនជិនរៀបចំផែនការមេអភិវឌ្ឍន៍ខេត្តព្រះសីហនុ
នៅថ្ងៃទី១៨ ខែតុលា ឆ្នាំ២០២១នេះ ក្រសួងសេដ្ឋកិច្ចនិងហិរញ្ញវត្ថុនិងវិទ្យាស្ថាននគរូបនីយកម្មនិងឌីសាញស៊ិនជិន(UPDIS)បានរួមគ្នាចុះហត្ថលេខាលើកិច្ចសន្យាសេវាកម្ម រៀបចំផែនការមេដើម្បីអភិវឌ្ឍន៍និងប្រែក្លាយខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង។
ពិធីចុះហត្ថលេខានេះធ្វើឡើងក្រោមវត្តមានរបស់លោកអគ្គបណ្ឌិតសភាចារ្យ អូន ព័ន្ធមុនីរ័ត្នឧបនាយករដ្ឋមន្ត្រីរដ្ឋមន្ត្រីក្រសួងសេដ្ឋកិច្ចនិងហរិញ្ញវត្ថុនិងជាប្រធានគណៈកម្មាធិការសម្របសម្រួលអន្តរក្រសួងរៀបចំផែនការមេដើម្បីអភិវឌ្ឍន៍ខេត្តព្រះសីហនុទៅជាតំបន់សេដ្ឋកិច្ចពិសេសពហុបំណង។
លោកអគ្គបណ្ឌិតសភាចារ្យ អូន ព័ន្ធមុនីរ័ត្ន បានមានប្រសាសន៍ថា ការចុះហត្ថលេខានេះពិតជាមានភាពចាំបាច់ចូលរួមដល់យុទ្ធសាស្ត្រកំណើនសេដ្ឋកិច្ចមួយថ្មីដើម្បីឆ្លើយតប សេចក្តីត្រូវការរបស់កម្ពុជានៅក្នុងបរិការណ៍នៃការប្រែប្រួលរចនាសម្ព័ន្ធសេដ្ឋកិច្ចក្នុងស្រុកនិងសភាពការណ៍ប្រែប្រួលសេដ្ឋកិច្ចតំបន់និងពិភពលោក។
រាជរដ្ឋាភិបាលកម្ពុជា បានកំណត់ចក្ខុវិស័យប្រែក្លាយខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណងនិងជាប៉ូលសេដ្ឋកិច្ចដ៏សំខាន់ក្នុងការទាក់ទាញ និងស្រូបយកការវិនិយោគពីបរទេស ដែលអាចឈានទៅជាក្បាលម៉ាស៊ីនមួយថ្មី សម្រាប់ជំរុញកំណើនសេដ្ឋកិច្ចជាតិឱ្យរីកលូតលាស់ទៅមុខឥតឈប់ឈរ។
លោក ស៊ីម៉ា ស៊ាវ (Mr. Sima Xiao) ប្រធានវិទ្យាស្ថាននគរូបនីយកម្មនិងឌីសាញស៊ិនជិន (UPDIS) បានថ្លែងថា កិច្ចព្រមព្រៀងនេះនឹងនាំមកនូវឱកាសថ្មីសម្រាប់ការអភិវឌ្ឍ ប្រទេសនីមួយៗក្នុងតំបន់ដោយលោកមានជំនឿចិត្តចំពោះសេដ្ឋកិច្ចក៏ដូចជាទីផ្សារនៅអាស៊ីអាគ្នេយ៍ដែលមានប្រទេសកម្ពុជា។
លោក ស៊ីម៉ា ស៊ាវ សង្ឃឹមថា ស្ថិតក្រោមការដឹកនាំរបស់រាជរដ្ឋាភិបាលកម្ពុជានិងការចូលរួមរបស់ភាគីនីមួយៗខេត្តព្រះសីហនុនិងអាចបញ្ចប់នូវបេសកកម្មគោលនយោបាយអភិវឌ្ឍន៍វិស័យឧស្សាហកម្ម ២០១៥-២០២៥ ក្លាយជាមជ្ឈមណ្ឌលហិរញ្ញវត្ថុពាណិជ្ជកម្មអន្តរជាតិជាមជ្ឈមណ្ឌលនវានុវត្តន៍ឧស្សាហកម្ម និង ឡូជីស្ទីកនៅអាស៊ីអាគ្នេយ៍ក៏ដូចជា តំបន់ទេសចរណ៍ឆ្នេរសមុទ្ទពិភពលោកចូលរួមចំណែកដ៏សំខាន់ក្នុងការជួយជំរុញដល់ដំណើរការធ្វើឱ្យប្រទេសកម្ពុជាសម្រេចនូវគោលដៅអភិវឌ្ឍន៍ជាតិ។
គួររំលឹកជូនថារាជរដ្ឋាភិបាលកម្ពុជាបានចេញអនុក្រឹត្យមួយបង្កើតគណៈកម្មធិការបច្ចេកទេសអន្តរក្រសួងរៀបចំគោលនយោបាយគ្រប់គ្រងនិងប្រើប្រាស់ដីធ្លីដើម្បីអភិវឌ្ឍខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណងកាលពីថ្ងៃទីថ្ងៃទី១១ ខែមិថុនា ឆ្នាំ២០២១ គណៈកម្មធិការនេះមានអក្សរកាត់ «គ.ប.ដ»ដឹកនាំដោយលោកឧបនាយក រដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដីនគរូបនីយកម្មនិងសំណង់អមដោយអនុប្រធាន២រូប និងមានសមាសភាពសរុប ២៥រូប។
គ.ប.ដ. មានតួនាទីនិងភារកិច្ចដូចតទៅ ដឹកនាំនិងសម្របសម្រួលអន្តរក្រសួងស្ថាប័នក្នុងការរៀបចំគោលនយោបាយគ្រប់គ្រងនិងប្រើប្រាស់ដីធ្លីដើម្បីអភិវឌ្ឍខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង។ ផ្តល់ការណែនាំជាយុទ្ធសាស្ត្រនិងបច្ចេកទេសក្នុងការរៀបចំគោលនយោបាយគ្រប់គ្រងនិងប្រើប្រាស់ដីធ្លីដើម្បីអភិវឌ្ឍខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង។ តាមដាននិងត្រួតពិនិត្យវឌ្ឍនភាពនៃការរៀបចំគោលនយោបាយរៀបចំរបាយការណ៍ស្តីពីវឌ្ឍនភាពនៃការរៀបចំគោល នយោបាយគ្រប់គ្រងនិងប្រើប្រាស់ដីធ្លីជូនក្រុមប្រឹក្សារៀបចំផែនការមេដើម្បីអភិវឌ្ឍខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង។ ធ្វើកិច្ចសហប្រតិបត្តិការបច្ចេកទេសនិងហិរញ្ញវត្ថុជាមួយដៃគូអភិវឌ្ឍជាតិនិងអន្តរជាតិ។
ខេត្តព្រះសីហនុជាខេត្តមាត់សមុទ្រដែលបានក្លាយជាប៉ូលសេដ្ឋកិច្ចសំខាន់មួយសម្រាប់ប្រទេសកម្ពុជាក្រៅពីរាជធានីភ្នំពេញនិងខេត្តសៀមរាប។ ក្រៅពីកន្លែងទេសចរណ៍និង ច្រកចេញចូលទំនិញដោយមានកំពង់ផែអន្តរជាតិធំជាងគេ ខេត្តនេះមានការលូតលាស់យ៉ាងលឿនរហ័សនូវហេដ្ឋារចនាសម្ព័ន្ធយ៉ាងលឿន។ រយៈពេល៤ឆ្នាំចុងក្រោមនេះ គិត ចាប់ពីឆ្នាំ២០១៧ ដល់ខែធ្នូ ឆ្នាំ២០២០ ខេត្តព្រះសីហនុមានសំណង់បានអនុញ្ញាតឲ្យសាងសង់មានចំនួន១,៥១៤អគារ មានក្រឡាផ្ទៃសរុប ១៤,៧៣៦,៥៥៩ម៉ែត្រការ៉េ និង ទុនវិនិយោគសរុប ៨,០៤៩,៦៩២,៨៣១ដុល្លារអាមេរិក៕
ដោយ ៖ ណារី
ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ