បងប្អូន៣នាក់ ត្រូវជនមួយក្រុមស្ទាក់ប្លន់សម្ភារៈមានតម្លៃ នៅក្បែរវត្តស្ទឹងមានជ័យ

មនុស្សប្រុសស្រីមានគ្នា៣នាក់ជិះម៉ូតូធូដេមួយគ្រឿងឌុបគ្នាបំណងទៅលេងផ្ទះបងប្អូននៅជាប់របងវត្តស្ទឹងមានជ័យ ស្រាប់តែមានជនសង្ស័យមួយក្រុមស្ទាក់ព្រួតវាយប្លន់យកសម្ភារៈមានតម្លៃមួយចំនួន រួចគេចខ្លួនបាត់។

ហេតុការណ៍ នេះបានបានកេីតឡេីងនៅក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ កាលពីវេលាម៉ោង១០យប់ ថ្ងៃទី២៥ ខែតុលា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះសុំមិនបញ្ចេញឈ្មោះបានឱ្យដឹងថា មុនពេលកេីតហេតុ ខ្លួន និងបងប្អូន២នាក់ទៀតបានជិះម៉ូតូម៉ាកធូដេមួយគ្រឿងឌុបគ្នាបំណងទៅលេងផ្ទះបងនៅខាងក្រោយវត្តស្ទឹងមានជ័យ ខណៈមកដល់ចំណុចកេីតហេតុស្រាប់តែមានជនល្មើសមួយក្រុមបានមកស្ទាក់ពីមុខម៉ូតូឱ្យឈប់ រួចវាយពួកគាត់ និងប្លន់យកលេបថបមួយគ្រឿង ទូរស័ព្ទម៉ាក iPhone មួយគ្រឿងទៀត ហេីយគេចខ្លួនបាត់អស់។

ក្រោយកេីតហេតុជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលស្ទឹងមានជ័យទី១។
ប្រជាពលរដ្ឋបានលេីកឡេីងថា ទីតាំងខាងលេីតែងតែមានជនសង្ស័យធ្វេីសកម្មភាពប្លន់ទ្រព្យសម្បត្តិអ្នកដំណេីរជាញឹកញាប់ តែមិនដែលឃេីញសមត្ថកិច្ចបង្ក្រាបបានសោះ។ ដូចនេះប្រជាពលរដ្ឋស្នេីដល់លោកអធិការនគរបាលខណ្ឌមានជ័យ មេត្តាពង្រឹងការល្បាតក្នុងមូលដ្ឋាន ជាពិសេសទីតាំងម្តុំវត្តស្ទឹងមានជ័យតែម្តង ដេីម្បីការពារសុវត្តិភាពជូនប្រជាពលរដ្ឋ និងភូមិសង្កាត់មានសុវត្តិភាព៕

អត្ថបទ៖ សុខា