ព័ត៌មានជាតិ

ជួយសង្គ្រោះស្ត្រីឈឺពោះឆ្លងទន្លេទាំងកណ្តាលយប់នៅលើកោះរ៉ុងដោយសុវត្ថិភាព

បានផុស

២ years មុន

នៅ

ថ្ងៃសៅរ៍ ៦ វិច្ឆិកា ២០២១

ដោយ

ស្ត្រីឈឺពោះសម្រាលកូនទាំងកណ្ដាលអធ្រាត្រនៅក្រុងកោះរ៉ុង ត្រូវបានជួយសង្គ្រោះទាន់ពេលវេលាពីសំណាក់អភិបាលក្រុងកោះរុងនិងក្រុមការងាររបស់ឧកញ៉ា ទៀ វិចិត្រ ដែលបានផ្តល់កិច្ចអន្តរាគមន៍ទាន់ពេលវេលាដោយបានបញ្ជូនអូរប័រពេទ្យរបស់ក្រុមហ៊ុន GTVC ទៅទទួលអ្នកជំងឺមកកាន់កំពង់ផែនៅក្រុងព្រះសីហនុ ដោយសុវត្ថិភាពនឹងបន្តដឹកតាមរថយន្តសង្គ្រោះរបស់ក្រុមហ៊ុនផ្ទាល់ដើម្បីយកទៅសង្គ្រោះនៅមន្ទីរពេទ្យបង្អែកខេត្តព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការឲ្យដឹងរបស់លោក នួន ប៊ុនថុល អភិបាលក្រុងកោះរុងបានឲ្យដឹងថា ក្រោយពេលទទួលបានព័ត៌មានស្ត្រីឈឺពោះសម្រាលកូននៅលើកោះរ៉ុងមិនមាន លទ្ធភាពរកមធ្យោបាយមកសម្រាលកូននៅមន្ទីរពេទ្យបង្អែកខេត្តព្រះសីហនុបាន,គាត់បានឈឺពោះសម្រាលកូននៅម៉ោង ២ទៀបភ្លឺថ្ងៃទី៦ ខែ វិច្ឆិកា។ ពេលនោះ លោកបានស្នើសុំកិច្ចអន្តរាគមន៍ពីឧកញ៉ា ទៀ វិចិត្រ។

ស្ត្រីដែលឈឺពោះសម្រាលកូននោះមានឈ្មោះ ទឹម ទេវី អាយុ៣៨ឆ្នាំជាប្រជាពលរដ្ឋរស់នៅភូមិដើមថ្កូវ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ។ កិច្ចជួយសង្គ្រោះត្រូវបានធ្វើឡើងភ្លាមដោយឧកញ៉ា ទៀ វិចិត្រ បានបញ្ជូនបានបញ្ជូនតាមអូប័រពេទ្យរបស់ក្រុមហ៊ុនGTVCដឹកស្ត្រីឈឺពោះឆ្លងទន្លេមកកាន់កំពង់ផែនៅក្រុង ព្រះសីហនុដោយសុវត្ថិភាពនឹងបន្តដឹកតាមរថយន្តសង្គ្រោះរបស់ក្រុមហ៊ុនផ្ទាល់ដើម្បីយកទៅសង្គ្រោះនៅមន្ទីរពេទ្យបង្អែកខេត្តព្រះសីហនុ។

លោក នូន ប៊ុនថុល ក្នុងនាមប្រជាពលរដ្ឋកោះរ៉ុងបានសូមអរគុណយ៉ាងជ្រាលជ្រៅចំពោះឱកញ្ញ៉ា ទៀ វិចិត្រ និងសហការីតែងតែផ្តល់កិច្ចអន្តរាគមន៍ទាន់ពេលវេលា ចំពោះប្រជាពលរដ្ឋនៅក្រុងកោះរ៉ុងរបស់លោក ដែរមានទុក្ខធុរៈមិនថាថ្ងៃឬក៏យប់នោះទេ។ លោកក៏បានសុំការអធ្យាស្រ័យដោយលោកមិនបានស្លៀកពាក់សមរម្យ ដោយសារប្រញាប់ពេកក្នុងការចេញទៅអន្តរាគមន៍ជួយពួកគាត់បានទាន់ពេលវេលា៕

ដោយ ៖ ណារី