ភ្លៀងលាយឡំ និងខ្យល់កន្ត្រាក់ បានឆក់យកជីវិតក្មេងស្រីម្នាក់នៅក្នុងឃុំផ្លូវទូកស្រុកកំពង់លែង

កុមារីម្នាក់បានស្លាប់,ផ្ទះ ៦ ខ្នងបាក់លិចចូលក្នុងទឹកនិង១៥ខ្នងទៀតរបើកដំបូល ដោយគ្រោះធម្មជាតិភ្លៀងលាយឡំនិងខ្យល់កន្ត្រាក់ កាលពីល្ងាចថ្ងៃទី០៨ ខែវិច្ឆិកា ឆ្នាំ២០២១ ស្ថិតនៅក្នុងភូមិពាមខ្នង ឃុំផ្លូវទូក ស្រុកកំពង់លែង ខេត្តកំពង់ឆ្នាំង ។

ហេតុការណ៍គ្រោះធម្មជាតិខាងលើនេះបានកើតឡើងនៅវេលាម៉ោង៥និង៣០នាទីល្ងាច ថ្ងៃទី ០៨ខែវិច្ឆិកា ឆ្នាំ២០២១។ សមត្ថកិច្ចនគបាលមូលដ្ឋានបានឲ្យដឹង នៅព្រឹកថ្ងៃទី៩វិច្ឆកានេះថា៖ហេតុការណ៍ខ្យល់កន្ត្រាក់ខាងលើនេះបណ្តាលឲ្យផ្ទះបណ្តែតទឹករងការខូចខាតក្រទ្បាប់ផ្ទះបងប្អូនប្រជាពលរដ្ឋលិចទៅក្នុងទឹកបាត់ អស់ចំនួន០៦ខ្នងនិងចំនួន១៥ខ្នងផ្សេងទៀតរបើកដំបូលអស់បណ្តាលអោយក្មេងស្រីម្នាក់ស្លាប់ផងដែរ ។

សមត្ថកិច្ចនគបាលមូលដ្ឋានបានបញ្ជាក់ឲ្យដឹងថាក្មេងស្រីរងគ្រោះបានស្លាប់មានឈ្មោះ ហុន ណាវី អាយុ​ ៥ ឆ្នាំរស់នៅភូមិពាមខ្នង ឃុំផ្លូវទូក ស្រុកកំពង់លែង ខេត្ត កំពង់ឆ្នាំងត្រូវបានក្រុមគ្រួសាររៀបចំធ្វើបុណ្យតាមប្រពៃណីផងដែរ ៕

អត្ថបទ៖ណារី