ព័ត៌មានជាតិ
ការលើកកម្ពស់អនាម័យនៅជនបទ គឺជាផ្នែកមួយដែលមិនអាចខ្វះបាន
សៀមរាប ៖ ស្រុកអង្គរជុំ ត្រូវបានកំណត់ជាស្រុកគោលដៅទី១ របស់ខេត្តសៀមរាប ដែលនឹងបញ្ចប់ការបន្ទោរបង់ពាសវាលពាសកាលនៅដំណាច់ខែវិច្ឆិកា ២០២១។
លោក ង៉ាន់ ភិរុណ អភិបាលរងខេត្តសៀមរាប បានមានប្រសាសន៍ថា ការលើកកម្ពស់អនាម័យនៅជនបទ គឺជាផ្នែកមួយដែលមិនអាចខ្វះបាន ក្នុងការធ្វើឲ្យប្រសើរឡើងនូវកម្រិតជីវភាពរស់នៅរបស់ប្រជាជន ស្របទៅតាមគោលនយោបាយកាត់បន្ថយភាពក្រីក្ររបស់រាជរដ្ឋាភិបាលកម្ពុជា ហើយរដ្ឋបាលខេត្តសៀមរាប បាននឹងកំពុងយកចិត្តទុកដាក់យ៉ាងខ្លាំងក្នុងការជំរុញការអភិវឌ្ឍនានានៅតាមមូលដ្ឋាន សំដៅកាត់បន្ថយភាពក្រីក្ររបស់ប្រជាជន ស្របតាមគោលនយោបាយរបស់រាជរដ្ឋាភិបាលកម្ពុជា ក្នុងនោះការផ្គត់ផ្គង់ទឹកស្អាត និងការលើកកម្ពស់អនាម័យជនបទ គឺជាផ្នែកមួយសំខាន់ដែលរដ្ឋបាលខេត្តបានយកចិត្តទុកដាក់ខ្ពស់។
លោក ង៉ាន់ ភិរុណ មានប្រសាសន៍បន្ថែមថា ជាផែនការរបស់រដ្ឋបាលខេត្តសៀមរាប បានកំណត់យកស្រុកអង្គរជុំ ជាស្រុកគោលដៅទី១ ដែលត្រូវជំរុញសម្រេចឲ្យបាននូវការបញ្ឈប់ការបន្ទោរបង់ពាសវាលពាសកាលថ្នាក់ស្រុក នៅក្នុងដំណាច់ខែវិច្ឆិកា ឆ្នាំ២០២១នេះ ដោយបច្ចុប្បន្នមានឃុំចំនួន៤ ក្នុងចំណោមឃុំទាំង៧ របស់ស្រុកនេះ បានបញ្ចប់ការបន្ទោរបង់ពាសវាលពាសកាល បើទោះបីជាឃុំចំនួនបីទៀត នៅមិនទាន់បានបញ្ចប់ការបន្ទោរបង់ពាសវាលពាសកាលក៏ពិតមែន ក៏អត្រាអនាម័យបានគ្របដណ្តប់៩៩,៥៣ភាគរយ ពោលនៅសល់តែពលរដ្ឋចំនួន៧០ខ្នងផ្ទះប៉ុណ្ណោះ ដែលពួកគាត់នៅបន្ទោរបង់ពាសវាលពាសកាល។
លោក ង៉ាន់ ភិរុណ មានប្រសាសន៍យ៉ាងដូច្នេះ ក្នុងឱកាសអញ្ជើញជាអធិបតីរួមជាមួយលោក ជ្រុន ថេរ៉ាវ៉ាត់ រដ្ឋលេខាធិការ ក្រសួងអភិវឌ្ឍន៍ជនបទ ក្នុងទិវាជាតិលើកកម្ពស់អនាម័យជនបទលើកទី១២ នៅស្រុកអង្គរជុំ កាលពីថ្ងៃទី២៦ ខែវិច្ឆិកា ឆ្នាំ២០២១ម្សិលមិញនេះ។
លោក ជ្រុន ថេរ៉ាវ៉ាត់ រដ្ឋលេខាធិការ នៃក្រសួងអភិវឌ្ឍន៍ជនបទ បានមានប្រសាសន៍ថា ការប្រកាសដាក់ស្រុកអង្គរជុំ ជាស្រុកដែលបញ្ឈប់ការបន្ទោរបង់ពាសវាលពាលកាល នៅថ្ងៃទី៣០ ខែវិច្ឆិកា ឆ្នាំ២០២១ខាងមុខនេះ ជាការរីករាយមួយសម្រាប់ខេត្តសៀមរាប ប៉ុន្តែសុំឲ្យអាជ្ញាធរខេត្តទេសចរណ៍មួយនេះ ជំរុញបន្ថែមទៀតដល់ថ្នាក់ក្រុងស្រុក ចំនួន១១ទៀត រៀបចំផែនការ និងចូលរួមប្រឡងប្រណាំងទាំងអស់គ្នា ដើម្បីធ្វើឲ្យខេត្តសៀមរាបទាំងមូល មានសោភ័ណភាព និងបរិស្ថានស្រស់ស្អាតបរិបូរណ៍ ជាការទាក់ទាញភ្ញៀវទេសចរជាតិនិងអន្តរជាតិ ចូលមកទស្សនាកម្សាន្ត ខណៈដែលរាជរដ្ឋាភិបាលកម្ពុជា បានកំណត់ទិសដៅ ផ្គត់ផ្គង់ទឹកស្អាត និងអនាម័យឲ្យបាន៩០ភាគរយនៅឆ្នាំ២០២៣ និងមានទស្សនវិស័យនៅឆ្នាំ២០២៥ ប្រជាពលរដ្ឋគ្រប់រូបនៅតាមសហគមន៍ជនបទ ត្រូវមានការផ្គត់ផ្គង់ទឹកស្អាត និងអនាម័យគ្រប់គ្រាន់ ព្រមទាំងរស់នៅក្នុងបរិស្ថានអនាម័យប្រកបដោយនិរន្តរភាព។
សូមបញ្ជាក់ថា នៅក្នុងឆ្នាំ២០២០ កន្លងទៅ ខេត្តសៀមរាប មានអត្រាផ្គត់ផ្គង់ទឹកស្អាតមានរហូតដល់ទៅ៧៥,៦០ភាគរយ និងអត្រាគ្របដណ្តប់អនាម័យមានចំនួន៧៩,១០ភាគរយ ហើយនៅក្នុងឆ្នាំ២០២១នេះ ខេត្តសៀមរាប មានភូមិដែលបញ្ឈប់ការបន្ទោរបង់ពាសវាលពាលកាលចំនួន២៥៥ភូមិ និងឃុំមានចំនួន១៥ឃុំ៕
ដោយ ៖ គឿនវេត
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
ឯកឧត្តម ហ៊ុន ម៉ានី៖ ការបោះឆ្នោតជូនគណបក្សប្រជាជនកម្ពុជា គឺជាការបោះឆ្នោតប្រកបដោយភាពជឿជាក់ និងការពារសុខសន្តិភាព
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ២១ ម៉ោង agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ