ព័ត៌មានជាតិ
លោកស្រី ឆាយ ស៊ីវលីន ប្តេជ្ញាទាក់ទាញទេសចរចូលកម្ពុជាក្រោយឡើងកាន់តំណែងប្រធានសមាគមជាថ្មី
លោកស្រី ឆាយ ស៊ីវលីន ត្រូវបានបោះឆ្នោតឲ្យឡើងកាន់តំណែងជាប្រធានសមាគមទេសចរណ៍កម្ពុជាបន្តទៀត ក្រោយពីកាន់តំណែងនេះបានមួយអណត្តិរួចហើយ។
លោកស្រី បានប្រាប់កម្ពុជាថ្មីថា« ខ្ញុំអាចចូលរួមបន្តបេសកម្មរបស់ខ្ញុំតទៅទៀត នូវអ្វីដែលមិនទាន់ចប់…ព្រោះថាការដឹកនាំរបស់ខ្ញុំ កន្លងមកដោយសារការរីករាលដាលជំងឺកូវីដ-១៩ ក៏ធ្វើឲ្យផែនការខ្លះនៅទ្រឹងមួយកន្លែង មិនទាន់បានចប់សប់គ្រប់…អ៊ីចឹងឥឡូវនេះយើងមានឱកាសបន្តធ្វើទៀត ឲ្យបានចប់ផែនការរបស់យើង។ ហើយខ្ញុំក៏ពេញចិត្តទទួលធ្វើកិច្ចការនេះបន្តទៀត»។
លោកស្រី ឆាយ ស៊ីវលីន បានគូសបញ្ជាក់ថា ផែនការដំបូងដែលត្រូវធ្វើបន្ទាប់ពីទទួលតំណែងជាថ្មីម្តងទៀតនេះ គឺកិច្ចការងារសម្របសម្រួលផ្នែកអាកាសចរឲ្យមានការហោះហើរ ហើយនិងជួយរកទីផ្សារឲ្យត្រូវផងដែរ។ លើសពីនេះទៀត គឺសម្របសម្រួលជាមួយសហគមន៍ទេសចរណ៍ ព្រោះសហគមន៍ទេសចរណ៍មានតួនាទីសំខាន់ក្នុងការពន្យាការស្នាក់នៅរបស់ភ្ញៀវទេសចរ។ លោកស្រីបន្តថា « យើងមិនចង់ឲ្យភ្ញៀវទេសចរណ៍មកមើលតែតំបន់សំខាន់ៗតែប៉ុន្មានកន្លែងនឹងហើយ គាត់ត្រឡប់ទៅវិញដូចពីមុនទេ យើងចង់ឲ្យគាត់(ភ្ញៀវ)ស្នាក់នៅឲ្យយូរ ស្របពេលដែលយើងប្រកាសបើកប្រទេសនៅពេលនេះ យើងបើកមុនគេ ហើយការចាក់វ៉ាក់សាំងរបស់យើងក៏ឈានមុខគេផងដែរ…អ៊ីចឹងយើងមានយុទ្ធសាស្រ្តមួយធ្វើយ៉ាងម៉េចឲ្យកម្ពុជាក្លាយជាគោលដៅទេសចរណ៍ពិតប្រាកដ»។
ប្រធានសមាគមទេសចរណ៍កម្ពុជា បានបន្ថែមថា សព្វថ្ងៃសមាគមបានជួយរាល់បញ្ហាប្រឈមរបស់សមាជិកទាក់ទងនឹងច្បាប់ទម្លាប់ គោលនយោបាយ ផែនការយុទ្ធសាស្រ្តផ្សេងៗ។ លោកស្រីថា« តួនាទីរបស់យើងជួយដល់សមាជិកសមាគម រៀបចំយុទ្ធសាស្រ្ត រកផលិតផលអ្វីដែលថ្មី ដាក់ជូនឲ្យសមាជិក…ហើយយើងក៏តំណាងឲ្យកម្ពុជានៅក្នុងថ្នាក់អាស៊ាន ដូចជា អាស៊ានចង់បានអ្វីពីកម្ពុជា ហើយកម្ពុជាចង់បានអ្វីពីអាស៊ាន និងជំរុញកិច្ចសហការរវាងកម្ពុជា និងអាស៊ាន»។
សូមបញ្ជាក់ថា លោកស្រី ឆាយ ស៊ីវលីន បានជាប់ជាប្រធានសមាគមទេសចរណ៍កម្ពុជាចំនួន២អាណត្តិមកហើយ ក្រោយមានការបោះឆ្នោតសម្រេចរបស់សគណៈកម្មការសមាគមទេសចរណ៍កម្ពុជា កាលពីថ្ងៃទី២៦ ខែវិច្ឆិកា ឆ្នាំ២០២១ នៅសណ្ឋាគារ Courtyard by Marriott សង្កាត់បឹងរាំង២ ខណ្ឌដូនពេញ៕
អត្ថបទ៖ ទួន សុផល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»