Connect with us

ព័ត៌មានជាតិ

កម្ពុជា​ទទួល​បាន​ជំនួយ​វ៉ាក់សាំង​ Pfizer ​ពីអូស្ត្រាលី​លើកដំបូង​ជិត ៨ សែនដូស​

បានផុស

នៅ

វ៉ាក់សាំង​បង្ការ​ជំងឺ​កូវីដ​-១៩​ ប្រភេទ Pfizer ចំនួន​ ៧៨៣,០០០ ​​ដូស ​ដែល​ជា​ជំនួយ​របស់​ ប្រទេសអូស្ត្រាលី ត្រូវ​បាន​ដឹក​ជញ្ជូន​មក​ដល់​កម្ពុជា​ហើយនៅ​​ល្ងាច​ថ្ងៃ​ទី ២៦ ខែធ្នូ ឆ្នាំ២០២១នេះ ហើយពិធី​ប្រគល់ និងទទួលបានធ្វើឡើងក្រោម​អធិបតីភាព​សម្ដេច​តេជោ ហ៊ុន សែន នាយករដ្ឋមន្ត្រីកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អូស្ត្រាលី​បាន​ផ្ដល់​វ៉ាក់សាំង​ប្រភេទ Pfizer ​រហូត​ដល់ ២,៣៥០,៥៣០​ដូស ​មក​ដល់​រាជ​រដ្ឋាភិបាល​កម្ពុជា ប៉ុន្តែចំនួន​វ៉ាក់សាំង​ជាង ១.៥​​ លាន​ដូស​ទៀត នឹង​ត្រូវ​ដឹក​ជញ្ជូន​មក​ដល់​កម្ពុជា​នៅ​ថ្ងៃ​ទី​ ២៨ ខែ​ធ្នូ​ នេះ។

មានប្រសាសន៍នៅក្នុងពិធីនោះ សម្ដេច​តេជោ ហ៊ុន សែន បាន​ថ្លែង​អំណរ​គុណ​ចំពោះ​រដ្ឋាភិបាល និង​ប្រជាជន​អូស្ត្រាលី​ ដែល​បាន​ផ្ដល់​ជំនួយ​ជា​វ៉ាក់សាំង​បង្ការ​ជំងឺ​កូវីដ-១៩​មក​ដល់​កម្ពុជា។

ចំណែក​ឯ​តំណាង​ស្ថានទូត​អូស្ត្រាលី​ប្រចាំ​កម្ពុជា បាន​លើក​ឡើង​ថា ជំនួយ​វ៉ាក់សាំង​បង្ការ​ជំងឺ​កូវីដ-១៩​នេះ គឺ​ជា​ផ្នែក​មួយ​នៃ​ការ​ជួយ​គាំ​ទ្រ​របស់​រដ្ឋាភិបាល​អូស្ត្រាលី​មក​ដល់​វិស័យ​សុខាភិបាល​កម្ពុជា ជា​ពិសេស​គាំ​ទ្រ​ដល់​ការ​ប្រយុទ្ធ​ប្រឆាំង​នឹង​ការ​ឆ្លង​រាល​ដាល​នៃ​មេរោគ​កូវីដ-១៩៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម