ព័ត៌មានជាតិ

មន្ត្រីសុខាភិបាលស្នើឱ្យក្រសួងទេសចរណ៍ផ្សព្វផ្សាយវិធានការការពារជំងឺគ្រុនចាញ់ដល់ភ្ញៀវទេសចរបោះតង់តាមព្រៃភ្នំ

បានផុស

៥ years មុន

នៅ

ថ្ងៃពុធ ៥ មករា ២០២២

ដោយ

មន្ត្រីក្រសួងសុខាភិបាលបានស្នើឱ្យក្រសួងទេសចរណ៍សហការណ៍ជាមួយមន្ត្រីសុខាភិបាលតាមបណ្តាខេត្តនានាធ្វើការផ្សព្វផ្សាយស្តីពីវិធានការការពារជំងឺគ្រុនចាញ់ដល់ភ្ញៀវទេសចរដែលនិយមចូលចិត្តបោះតង់លំហែកាយនៅតាមតំបន់ព្រៃភ្នំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត ហ៊ុយ រ៉េកុល ប្រធានមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ប៉ារ៉ាស៊ីតសាស្ត្រនិងបាណកសាស្ត្របានមានប្រសាសន៍នៅព្រឹកថ្ងៃទី៥ ខែមករានេះថា បច្ចុប្បន្ននេះប្រជាពលរដ្ឋកម្ពុជាមួយចំនួនបានធ្វើដំណើរកម្សាន្តតាមតំបន់រមណីយដ្ឋានទេសចរណ៍នៅតាមតំបន់ព្រៃភ្នំនានាដោយស្នាក់នៅតាមតង់ដែលអាចជាការប្រឈមនឹងការឆ្លងជំងឺគ្រុនចាញ់ ព្រោះថាជំងឺគ្រុនចាញ់ឆ្លងតាមមូសដែកគោលញីខាំពេលដែលយើងមិនបានសម្រាកនៅក្នុងមុងពិសេសមុងជ្រលក់ថ្នាំឱ្យបានត្រឹមត្រូវទេនោះ។

លោកវេជ្ជបណ្ឌិត ហ៊ុយ រ៉េកុល បានបន្តថា «ស្របពេលដែលប្រទេសកម្ពុជាមានសុខសន្តិភាពនោះមានភ្ញៀវទេសចរខ្មែរយើងកាន់តែច្រើនឡើងៗ បានជ្រើសរើសការធ្វើដំណើរកម្សាន្តតាមតំបន់ព្រៃភ្នំដោយការបោះតង់សម្រាកលំហែកាយជួបជុំមិត្តភ័ក្តិបងប្អូននិងក្រុមគ្រួសារនៅពេលថ្ងៃឈប់សម្រាកឬបុណ្យទានផ្សេងៗ »។

លោកវេជ្ជបណ្ឌិត បានស្នើឱ្យក្រសួងទេសចរណ៍ពិសេសម្ចាស់រមណីយដ្ឋានទេសចរណ៍តាមតំបន់ព្រៃភ្នំសូមសហការជាមួយមន្ត្រីសុខាភិបាលតាមខេត្តដើម្បីផ្សព្វផ្សាយស្តីពីវិធានការការពារជំងឺគ្រុនចាញ់ដល់ភ្ញៀវទេសចរឱ្យបានយល់ដឹងដើម្បីចូលរួមការពារការចម្លងពីជំងឺគ្រុនចាញ់និងផ្តល់មុងជ្រលក់ថ្នាំដោយឥតគិតថ្លៃសម្រាប់ពួកគាត់សម្រាកពេលយប់។

លោកវេជ្ជបណ្ឌិត បានអំពាវនាវដល់ភ្ញៀវទេសចរដែលធ្វើដំណើរកម្សាន្តនៅតំបន់ព្រៃភ្នំនៅតំបន់ប្រឈមនឹងហានិភ័យខ្ពស់នៃការឆ្លងជំងឺគ្រុនចាញ់ហើយយកការបោះតង់សម្រាកលំហែកាយនោះត្រូវមានការប្រុងប្រយ័ត្នចំពោះជំងឺគ្រុនចាញ់មុននឹងចូលទៅតំបន់ព្រៃភ្នំទាំងនោះត្រូវស្វែងរកព័ត៌មានពីវិធីការពារជំងឺគ្រុនចាញ់ឱ្យបានច្បាស់លាស់ជាមុនសិនមុននឹងចូលព្រៃទៅកំសាន្តនិងសូមស

ម្រាកនៅក្នុងមុងជ្រលក់ថ្នាំឱ្យបានត្រឹមត្រូវដែលជាវិធីមួយមានប្រសិទ្ធភាពបំផុតក្នុងការការពារពីមូសដែកគោលញីខាំដែលជាភ្នាក់ងារចម្លងនៃជំងឺគ្រុនចាញ់៕

អត្ថបទ៖ សំអឿន