ព័ត៌មានជាតិ
រដ្ឋមន្ត្រីសាធារណការស្នើ ADB ជួយបំពាក់អំពូលភ្លើងវៃឆ្លាត តាមបណ្តារាជធានី-ខេត្តនៅកម្ពុជា
លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូ បានស្នើដល់ធនាគារអភិវឌ្ឍន៍អាស៊ី ហៅកាត់ ADB ជួយបំពាក់អំពូលភ្លើងវៃឆ្លាតតាមបច្ចេកវិទ្យាទំនើបទាន់សម័យសន្សំសំចៃភ្លើង( LED )នៅតាមបណ្តារាជធានី-ខេត្ត ដើម្បីគ្រប់គ្រងថាមពលឱ្យមានប្រសិទ្ធភាព។
ថ្លែងក្នុងជំនួបជាមួយគណៈប្រតិភូធនាគារអភិវឌ្ឍន៍អាស៊ីតាមប្រព័ន្ធវីដេអូដឹកនាំលោក Pradeep Tharakan ជំនាញការADB ទទួលបន្ទុកកិច្ចការបម្រែបម្រួលអាកាសធាតុនៅពីថ្ងៃទី២៥ ខែមករា លោក ទេសរដ្ឋមន្ត្រី ស៊ុន ចាន់ថុល បានមានប្រសាសន៍ថា បណ្តារាជធានី-ខេត្ត ដែលចង់ឱ្យធនាគារអភិវឌ្ឍន៍អាស៊ីជួយបំពាក់អំពូលភ្លើង LED ដូចជា កំពង់ចាម កំពត កែប កោះកុង និងបណ្ដារាជធានីខេត្តមួយចំនួនទៀត ដើម្បីសន្សំសំចៃថាមពលអគ្គិសនី ជួយដល់បរិស្ថាន ជួយធានាផ្នែកសន្តិសុខនៅពេលរាត្រី និង ធានានូវសុវត្ថិភាពចរាចរណ៍ ព្រមទាំង កាត់បន្ថយនូវការចំណាយថវិកាច្រើនទៀត។
លោកទេសរដ្ឋមន្ត្រី បានបន្តថា រាជរដ្ឋាភិបាលកម្ពុជា បានបំពាក់អំពូលភ្លើង LED នៅតាមផ្លូវចំនួន៣៧ខ្សែ នៅក្នុងក្រុងព្រះសីហនុ និងផ្លូវ៣៨ខ្សែ ដែលទើបបញ្ចប់ការសាងសង់ស្ថិតនៅក្នុងក្រុងសៀមរាប ដើម្បីជាការចាប់ផ្ដើមនូវការសម្របខ្លួនជាបណ្តើរៗទៅនឹងគោលនយោបាយប្រើប្រាស់ថាមពលប្រកបដោយប្រសិទ្ធភាព។ លោក ស៊ុន ចាន់ថុល មានប្រសាសន៍ថា គម្រោងបំពាក់អំពូលភ្លើង LED នៅតាមផ្លូវនេះ គឺស្របគ្នានឹងការអភិវឌ្ឍហេដ្ឋារចនាសម្ព័ន្ធនានា មានដូចជា ការគាំទ្រដល់ការប្រើប្រាស់រថយន្តដើរដោយថាមពលអគ្គិសនី ការស្នើសុំកាត់បន្ថយពន្ធនាំរថយន្តថ្មី ដើម្បីកាត់បន្ថយការបំភាយឧស្ម័នកាបូន ទៅក្នុងបរិយាកាស។
ចំណែក លោក Pradeep Tharakanវិញ បានបញ្ជាក់អំពីគម្រោងជ្រើសរើសអាគារមួយកន្លែងនៅក្នុងរាជធានីភ្នំពេញ ដើម្បីជាគម្រោងសាកល្បងសម្រាប់ការប្រើប្រាស់ឧបករណ៍ ជួយបង្កើនប្រសិទ្ធភាពនៃការប្រើប្រាស់ថាមពល កាត់បន្ថយការចំណាយ និងចូលរួមចំណែកដល់ការកាត់បន្ថយការបំភាយឧស្ម័នកាបូនធ្វើឱ្យប៉ះពាល់បរិស្ថាន។
គួរបញ្ជាក់ថា ជំនួបរវាងក្រសួងសាធារណការ និងដឹកជញ្ជូ និងធនាគារអភិវឌ្ឍន៍អាស៊ីនេះ ផ្តោតការពិភាក្សាជាសំខាន់ទៅលើគោលនយោបាយជាតិសម្រាប់ប្រសិទ្ធភាពនៃការប្រើប្រាស់ថាមពល ការសន្សំសំចៃលើការប្រើប្រាស់ថាមពល ជាពិសេស ការប្រើប្រាស់ថាមពលពន្លឺព្រះអាទិត្យ និងខ្យល់ ដែលជាថាមពលកកើតឡើងវិញ និងការប្រើប្រាស់រថយន្តដើរដោយថាមពលអគ្គិសនី ដើម្បីកាត់បន្ថយការបំភាយឧស្ម័នកាបូនធ្វើឱ្យប៉ះពាល់បរិយាកាសផែនដី៕
អត្ថបទ ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ