ព័ត៌មានជាតិ
អគ្គនាយករងពន្ធនាគារម្នាក់ រងពាក្យបណ្ដឹងពាក់ព័ន្ធនឹងការស៊ីដាច់ប្រាក់ រត់ការចូលក្របខណ្ឌ
មានការបែកធ្លាយរឿងលោកផ្កាយ ៣ម្នាក់ ដែលមានតួនាទី ជាអគ្គនាយករងពន្ធនាគារក្រសួងមហាផ្ទៃ ស៊ីដាច់ប្រាក់គេប្រមាណ ៧១,០០០ ដុល្លារអាមេរិក ដែលថាយកទៅរត់ការចូល ក្របខណ្ឌមន្ត្រីនគរបាលជាតិ តែមិនបាន ក៏ត្រូវគេចោមរោមប្ដឹងតែម្ដង។
នៅថ្ងៃទី ៤ ខែកុម្ភៈ ឆ្នាំ ២០២២នេះ សារព័ត៌មានកម្ពុជាថ្មី ទើបទទួលបានពាក្យបណ្តឹង និងឯកសារពាក់ពន្ធជាច្រើនច្បាប់ រួមទាំងរូបថតជនពាក់ព័ន្ធ តាមរយៈប្រព័ន្ធសារអេឡិចត្រូនិច (តេឡេក្រាម) ដែលភាគីដើមបណ្ដឹង បានអះអាងថា ជាជនរងគ្រោះ បានដាក់ប្តឹងទៅនាយកដ្ឋាននគរបាលព្រហ្មទណ្ឌ ក្រសួងមហាផ្ទៃ ចោទប្រកាន់លោកផ្កាយ ៣ អគ្គនាយករងពន្ធនាគារម្នាក់ ដែលមានខ្លឹមសារដូចខាងក្រោម៖ បណ្តឹងចុះថ្ងៃទី ៩ ខែមិថុនា ឆ្នាំ ២០២១ របស់យុវជនមួយក្រុម ដែលស្នើសុំលក្ខខណ្ឌមិនទាន់បញ្ចេញឈ្មោះ មានកម្មវត្ថុ៖ សុំប្តឹងឈ្មោះ អ៊ិន រស្មីឬទ្ធា ហៅ សុខ វ៉ាន់នា ភេទប្រុស អាយុ ៥១ឆ្នាំ ស្នាក់នៅផ្ទះលេខ ២៤ ផ្លូវលេខ ១១៥ ភូមិសន្សំកុសល សង្កាត់បឹងទំពុន ខណ្ឌមានជ័យ រាជធានីភ្នំពេញ ពីបទ.ឆបោក លើទឹកប្រាក់ចំនួន ៧១,០០០ដុល្លារអាមេរិក។
ពាក្យបណ្តឹងបានបញ្ជាក់ថា កាលពីថ្ងៃទី ១២ ខែសីហា ឆ្នាំ ២០២០ ឈ្មោះ អ៊ិន រស្មីឬទ្ធា ហៅ សុខ វ៉ាន់នា បានមកប្រើល្បិចអះអាងថា ក្រសួងមហាផ្ទៃ ត្រូវការជ្រើសរើសក្របខ័ណ្ឌនគរបានជាតិ សម្រាប់ឆ្នាំ២០២០ ជាច្រើននាក់ ខ្លួនមានឋានន្ទរស័ក្តិផ្កាយ ៣ អាចជួយឲ្យចូលក្របខ័ណ្ឌបាន តម្រូវយកម្នាក់ ១០,០០០ ដុល្លារអាមេរិក ដោយធានាថារយៈពេល ២ទៅ ៣ខែ នឹងបានចូលក្របខ័ណ្ឌ បើមិនបាននឹងប្រគល់ប្រាក់វិញគ្រប់ចំនួន។
ដោយមានការជឿទុកចិត្ត ទើបមានយុវជនមួយក្រុមមានគ្នា ៧នាក់ បានប្រគល់ប្រាក់ចំនួន ៧១,០០០ ដុល្លារអាមេរិក ឲ្យទៅឈ្មោះ អ៊ិន រស្មីឬទ្ធា ហៅ សុខ វ៉ាន់នា ដើម្បីឲ្យបងប្អូនចំនួន ៧នាក់ចូលក្របខ័ណ្ឌមន្រ្តីនគរបាលជាតិ។ ប៉ុន្តែក្រោយពេលទទួលបានប្រាក់ហើយ មកដល់បច្ចុប្បន្ននេះឈ្មោះ អ៊ិន រស្មីឬទ្ធា ហៅ សុខ វ៉ាន់នា មិនបានឲ្យក្រុមយុវជនទាំង ៧នាក់ បានចូលក្របខ័ណ្ឌទេ ហើយមិនបានប្រគល់ប្រាក់ឲ្យវិញ ដូចការអះអាងនោះដែរ ថែមទាំងគេចខ្លួនតែម្តង។
ក្រោយពីមានពាក្យបណ្តឹងនោះហើយ នាយកដ្ឋាននគរបាលព្រហ្មទណ្ឌ បានចេញលិខិតកោះហៅឈ្មោះ អ៊ិន រស្មីឬទ្ធា ហៅ សុខ វ៉ាន់នា លើកទី ១ និងលើកទី ២ ដើម្បីចូលបំភ្លឺលើពាក្យបណ្តឹង របស់ក្រុមយុវជនទាំង ៧នាក់។ ប៉ុន្តែចុងចម្លើយ មិនបានចូលខ្លួនទាំង ២លើក តាមការកំណត់នោះឡើយ។ ហើយពាក្យបណ្តឹងនោះ សមត្ថកិច្ចនឹងត្រៀមបញ្ជូនទៅតុលាការ បើសិនជាភាគីទាំងពីរ មិនអាចដោះស្រាយបញ្ចប់គ្នាបាន នៅចំពោះមុខនាយកដ្ឋាននគរបាលព្រហ្មទណ្ឌ នោះ៕
អត្ថបទ៖ មករា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង