ព័ត៌មានជាតិ
លោក ម៉ៅ ធនិន អំពាវនាវឲ្យសកម្មជនបក្សប្រជាជនកម្ពុជា ចូលរួមទប់ស្កាត់រាល់ព័ត៌មានបំពុលសង្គមរបស់ពួកអមិត្ត
លោកបណ្ឌិត ម៉ៅ ធនិន ប្រធានគណៈកម្មាធិការគណបក្សប្រជាជនកម្ពុជាខេត្តកំពត បានលើកឡើងថា តាមការសង្កេតជាក់ស្តែង នៅក្នុងមូលដ្ឋានខេត្តកំពត ក៏ដូចជាទូទាំងប្រទេស នៅសេសសល់បក្សពួកក្រុមអមិត្ត ហើយរដូវកាលបោះឆ្នោតខិតជិតមកដល់ ក្រុមនេះនឹងធ្វើសកម្មភាពជាក់ជាមិនខាន ពិសេសការបង្ហោះព័ត៌មានបំពុលសង្គម។ លោក ម៉ៅ ធនិន បានអំពាវនាវដល់សកម្មជន យុវជនគណបក្ស ត្រូវនាំគ្នាចូលរួមទប់ស្កាត់ បំភ្លឺ និងវាយបកឲ្យមានប្រសិទ្ធភាព។
មានប្រសាសន៍ នៅក្នុងពិធីបិទវគ្គបណ្ដុះបណ្ដាល សកម្មជនយុវជនគណបក្សប្រជាជនកម្ពុជាខេត្តកំពត ស្ដីពី “ការគ្រប់គ្រង និងការឆ្លើយតបព័ត៌មានប្រកបដោយប្រសិទ្ធភាព” ធ្វើឡើងកាលពីថ្ងៃទី ២៤ ខែមេសា ឆ្នាំ ២០២២ លោកបណ្ឌិត ម៉ៅ ធនិន សមាជិកគណៈកម្មាធិការកណ្ដាល និងជាប្រធានគណៈកម្មាធិការគណបក្សប្រជាជនកម្ពុជាខេត្តកំពត បានឲ្យដឹងថា នៅឆ្នាំ ២០២២ និង ២០២៣នេះ ជាឆ្នាំដែលកំដៅនយោបាយ អាចនឹងកើនឡើងតាមរូបភាពផ្សេងៗ ពីក្រុមពួកអមិត្ត ក្នុងចេតនាផ្ដួលរំលំរាជរដ្ឋាភិបាលស្របច្បាប់ ដែលដឹកនាំដោយគណបក្សប្រជាជនកម្ពុជា។
ជាពិសេសការបង្ហោះព័ត៌មានបំពុលសង្គម តាមរយៈប្រព័ន្ធផ្សព្វផ្សាយ នៅតាមបណ្ដាញសង្គមនានាក្នុងយុគសម័យឌីជីថល។ ដូច្នេះយើងទាំងអស់គ្នា ត្រូវចូលរួមទប់ស្កាត់ឲ្យខាងតែបាន នូវរាល់ព័ត៌មានបំភ្លើស បំពុលសង្គមរបស់ពួកគេ។ លោក ម៉ៅ ធនិន បានបន្តថា ទន្ទឹមនឹងការទប់ស្កាត់ សកម្មជនគណបក្សក៏ត្រូវចេះឆ្លើយបំភ្លឺ បកស្រាយ ឲ្យបានឆាប់រហ័ស និងមានប្រសិទ្ធភាពខ្ពស់ និងចេះវាយបកទៅពួកគេវិញ។ ប៉ុន្តែត្រូវរក្សាឲ្យបាននូវក្រមសីលធម៌ គុណធម៌ ក្នុងនាមជាសមាជិកបក្សកាន់អំណាច ដែលមានភាពចាស់ទុំក្នុងរឿងនយោបាយ។
ប្រធានគណបក្សខេត្ត បានជំរុញដល់សកម្មជន យុវជនគណបក្សអស់ ត្រូវក្លាហាន ហ៊ាននិយាយ ហ៊ានថា ហ៊ានវាយបកទៅពួកអមិត្តទាំងនោះ ដោយផ្អែកទៅលើហេតុផល និងភាពជាក់ស្តែងក្នុងសង្គម ព្រោះពួគគេក្រៅតែចេះបំផ្លាញ់ គ្មានចេះធ្វើអ្វីសម្រាប់ប្រជាជន និងសង្គមជាតិទេ។
លោក មឿង គង្គា សមាជិកគណបក្សខេត្ត បានឲ្យដឹងថា វគ្គបណ្តុះបណ្តាលនេះ បានអនុវត្តលើ ៩ ក្រុង ស្រុក រួចមកហើយ សម្រាប់សកម្មជនយុវជនគណបក្ស។ ដោយឡែក វគ្គបណ្ដុះបណ្ដាល ពេលនេះ មានយុវជនគណបក្សមូលដ្ឋាន មកពីបណ្ដាមន្ទីរ អង្គភាពជុំវិញខេត្ត និងក្រុង ស្រុកសរុបចំនួន៨៩១នាក់ ហើយលោក នេត្រ ភក្រ្តា សមាជិកក្រុមការងារគណបក្ស ចុះមូលដ្ឋានខេត្តកំពត ធ្វើជាគ្រូឧទ្ទេស៕
អត្ថបទ៖ សេង ណារិទ្ធ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore