ព័ត៌មានជាតិ

ពលរដ្ឋស្នើឲ្យអាជ្ញាធរក្រុងតាខ្មៅ ពិនិត្យនិងជួសជុលផ្លូវ១១៣ ខណៈបច្ចុប្បន្នកំពុងរងការខូចខាតខ្លាំង

បានផុស

៤ years មុន

នៅ

ថ្ងៃព្រហស្បតិ៍ ៥ ឧសភា ២០២២

ដោយ

ផ្លូវលេខ១១៣ ស្ថិតក្នុងសង្កាត់តាខ្មៅ ក្រុងតាខ្មៅ ប្រវែងជាង១គីឡូម៉ែត្រ រងការខូចខ្ទេចខ្ទីបែរជាអាជ្ញាធរសង្កាត់ និងក្រុងតាខ្មៅ ជាពិសេសក្រសួងសាធារណការខេត្តកណ្តាល អត់មើលឃើញទាល់តែសោះ។ មិនតែប៉ុណ្ណោះពេលមេឃភ្លៀងមកម្តងៗ ដក់ទឹក មើលមិនឃើញជង្ហក់ ធ្វើអោយអ្នកធ្វើដំណើរ និងពលរដ្ឋរស់នៅក្បែរនោះ ងាយរងគ្រោះថ្នាក់ជាយថាហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពលរដ្ឋនៅក្បែរនោះសុំមិនបញ្ចេញឈ្មោះ បានប្រាប់អោយដឹងថា ជារៀងរាល់ថ្ងៃពួកគាត់ធ្វើដំណើរពិបាកខ្លាំងណាស់។ ពួកគាត់បានស្នើរសុំអាជ្ញាធរក្រុងតាខ្មៅ និងមន្ទីរសាធារណការ និងដឹកជញ្ជូនខេត្តកណ្តាល មេត្តាជួយពិនិត្យ និងជួសជុលឡើងវិញផង ។

ពួកគាត់សង្ឃឹមថា បន្ទាប់ពីសារព៏ត៌មានចុះផ្សាយ រួចថ្នាក់ដឹកនាំបានដឹង និងពិនិត្យមន្ត្រីក្រោមៗ ជាក់ជាមិនខាន បើនៅតែបែបនេះគឺ ពលរដ្ឋពិបាកក្នុងការរស់នៅ និងប្រកបមុខរបរចិញ្ចឹមក្រពះហើយ៕

អត្ថបទ៖ ឆៃ យ៉ា