ព័ត៌មានជាតិ
សម្ដេចតេជោ ហ៊ុន សែន អរគុណពលរដ្ឋខ្មែររស់នៅអាមេរិក ដែលកំពុងរង់ចាំសម្ដេចអញ្ជើញទៅដល់ទីនោះ
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងអំណរគុណដល់ប្រជាពលរដ្ឋខ្មែររស់នៅសហរដ្ឋអាមេរិក ដែលកំពុងរង់ចាំសម្ដេច និងគណៈប្រតិភូជាន់ខ្ពស់ នៃរាជរដ្ឋាភិបាលកម្ពុជា អញ្ជើញទៅដល់ទីនោះ ដើម្បីចូលរួមកិច្ចប្រជុំកំពូលពិសេសអាស៊ាន-អាមេរិក។
តាមរយៈសារជាសំឡេង នៅរសៀលថ្ងៃទី ១០ ខែឧសភានេះ សម្ដេចតេជោនាយករដ្ឋមន្ត្រី បានឲ្យដឹងថា សម្ដេច និងគណៈប្រតិភូជាន់ខ្ពស់នៃរាជរដ្ឋាភិបាលកម្ពុជា បាននិងកំពុងចុះចតនៅទីក្រុងសេអ៊ូល នៃប្រទេសកូរ៉េខាងត្បូងដើម្បីចាក់ប្រេង។
បន្ទាប់ពីចុះចតចាក់ប្រេង នៅសេអ៊ូលរយៈពេល ១ម៉ោងរួចហើយ គឺសម្ដេចតេជោ និងគណៈប្រតិភូ នឹងបន្តធ្វើដំណើរឆ្ពោះទៅរដ្ឋអាឡាសស្ការ នៃសហរដ្ឋអាមេរិក ដោយត្រូវចំណាយពេលប្រមាណ ៧ម៉ោង។ បន្ទាប់មកទៀត ចេញពីរដ្ឋអាឡាសស្ការ គឺសម្ដេចតេជោ និងគណៈប្រតិភូ នឹងអញ្ជើញធ្វើដំណើរទៅទីក្រុងវ៉ាស៊ីនតោន នៃសហរដ្ឋអាមេរិក ដើម្បីចូលរួមកិច្ចប្រជុំកំពូលពិសេសអាស៊ាន-អាមេរិក ចាប់ពីថ្ងៃទី ១២ ដល់ថ្ងៃទី ១៣ ខែឧសភា ឆ្នាំ ២០២២។
សម្ដេចតេជោ ហ៊ុន សែន បានថ្លែងអំណរគុណដល់ប្រជាពលរដ្ឋខ្មែររស់នៅសហរដ្ឋអាមេរិក ដែលបានត្រៀមទទួល និងស្វាគមន៍សម្ដេច និងគណៈប្រតិភូ ដែលនឹងទៅដល់ទីនោះ។ សម្ដេចតេជោនាយករដ្ឋមន្ត្រី មានប្រសាសន៍ថា «ហើយសូមជូនដំណឹង ចំពោះបងប្អូននៅសហរដ្ឋអាមេរិកឲ្យបានជ្រាប ដំណើរទៅដល់នេះ គឺក្នុងពេលវេលាដែលស្នាក់នៅទីនោះ ល្ងាចថ្ងៃ ១០ ខ្ញុំនឹងមានការជួបបងប្អូន និងបាយទឹកជាមួយគ្នាប្រមាណជា ១០នាក់ ហើយបន្តទៅថ្ងៃទី ១១ យើងនឹងមានការជួបគ្នា សំណេះសំណាលជាមួយគ្នា អរគុណសម្រាប់បងប្អូននៅសហរដ្ឋអាមេរិក ដែលកំពុងរង់ចាំដំណើរទៅដល់របស់ខ្ញុំនៅទីនោះ ហើយនឹងការជួបជុំគ្នាដ៏ល្អមួយ»៕
អត្ថបទ៖ ឃួន សុភ័ក្រ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង