ព័ត៌មានជាតិ
គម្រោងសាងសង់អគាររដ្ឋបាលសាលាខេត្តព្រះសីហនុថ្មី កំពុងតែស្ថិតក្នុងដំណាក់ខួងបុកគ្រឹះនៅឡើយ
មកដល់ពេលនេះ គម្រោងសាងសង់អគាររដ្ឋបាលសាលាខេត្តព្រះសីហនុថ្មី កំពុងតែស្ថិតក្នុងដំណាក់នៃការខួងបុកគ្រឹះនៅឡើយ ខណៈគម្រោងនៃការសាងសង់ នឹងត្រូវចំណាយពេលរហូតដល់ ១៨ខែ។ នេះបើតាមការឲ្យដឹងពីអ្នកនាំពាក្យសាលាខេត្តព្រះសីហនុ។ លោក គួច ចំរើន អភិបាល នៃគណៈអភិបាលខេត្តព្រះសីហនុ កាលពីថ្ងៃទី ១៧ ខែឧសភា បានអញ្ជើញដឹកនាំកិច្ចប្រជុំស្តាប់ ការធ្វើបទបង្ហាញអំពីដំណើរការសាងសង់អគាររដ្ឋបាលខេត្តថ្មី នេះផងដែរ។
គួររំលឹកថា កាលពីថ្ងៃទី ៧ ខែមីនា ឆ្នាំ ២០២២កន្លងទៅនេះ រដ្ឋបាលខេត្តព្រះសីហនុ បានរៀបចំពិធីក្រុងពាលីបញ្ចុះបឋមសិលាសាងសង់ អគាររដ្ឋបាលសាលាខេត្តព្រះសីហនុថ្មី នៅលើទីតាំងចាស់ ស្ថិតនៅវិថី ២ធ្នូ សង្កាត់លេខ ៣ ក្រុងព្រះសីហនុ ខេត្តព្រះសីហនុ។ អគាររដ្ឋបាលសាលាខេត្តព្រះសីហនុថ្មី មានផ្ទៃក្រឡាសរុប ៤៤,០៩៣ម៉ែត្រការ៉េ កម្ពស់ ៤ជាន់ គ្រោងសាងសង់ដោយប្រើរយៈពេល ១៨ខែ។
លោក ឃាង ភារម្យ អ្នកនាំពាក្យសាលាខេត្តព្រះសីហនុ បានឲ្យដឹងថា អគាររដ្ឋបាលសាលាខេត្តព្រះសីហនុថ្មីនេះ រចនាឡើងក្នុងទម្រង់រចនាបថ ស្ថាបត្យកម្មខ្មែរអគារដំបូលប៉ិត ដែលវិចិត្រពិពិធលម្អដោយគ្រឿងលម្អស្ថាបត្យកម្មខ្មែរតាមបែប កំពូលប៉ិត ប៉ប្រក ផ្តែរ សសរពេជ្រ ល្បាក់ ជាដើម។ យ៉ាងណាក៏ដោយលោក ឃាង ភារម្យ នៅមិនទាន់អាចបញ្ជាក់អំពីតម្លៃនៃសាងសង់នេះ ថាត្រូវចំណាយអស់ប៉ុន្មាននៅឡើយទេ។
កាលពីថ្ងៃទី ៤ ខែកុម្ភៈ ឆ្នាំ ២០២២កន្លងទៅនេះ រដ្ឋបាលខេត្តព្រះសីហនុ បានចេញសេចក្ដីជូនដំណឹងស្ដីពី ការផ្លាស់ប្ដូរទីតាំងបំពេញការងាររដ្ឋបាលសាលាខេត្ត ទៅទីតាំងថ្មីជាបណ្ដោះអាសន្ន ដើម្បីបើកការដ្ឋានសាងសង់អគាររដ្ឋបាលសាលាខេត្តថ្មី។
រដ្ឋបាលខេត្តព្រះសីហនុ បានបញ្ជាក់ថា ការសាងសង់អគាររដ្ឋបាលសាលាខេត្តព្រះសីហនុថ្មី គឺដើម្បីជួយសម្រួលក្នុងការបំពេញការងារ និងផ្តល់សេវាជូនប្រជាពលរដ្ឋ ប្រកបដោយប្រសិទ្ធភាពខ្ពស់ សក្តិសមជាខេត្តតំបន់សេដ្ឋកិច្ច ពិសេសគំរូពហុបំណង៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង