ព័ត៌មានជាតិ
ស្ថានទូតអាមេរិក៖ ករណីគប់ស្បែកជើងសំដៅ សម្ដេចតេជោ ហ៊ុន សែន កំពុងនៅស៊ើបអង្កេត
មន្ត្រីអ្នកនាំពាក្យស្ថានទូតសហរដ្ឋអាមេរិកប្រចាំព្រះរាជាណាចក្រកម្ពុជា ប្រាប់ថា សហរដ្ឋអាមេរិក បើកការស៊ើបអង្កេតលើ ករណីគប់ស្បែកជើងសំដៅ សម្ដេចតេជោ ហ៊ុន សែន នៅទីក្រុងវ៉ាស៊ីនតោន កន្លងទៅនេះ កំពុងស្ថិតក្នុងការស៊ើបអង្កេតនៅឡើយ ដោយលោកមិនទាន់អាចផ្ដល់លទ្ធផលលម្អិតបានទេ នៅពេលនេះ។
តាមរយៈសារអេឡិចត្រូនិច (Email) នៅថ្ងៃទី២៣ ខែឧសភា ឆ្នាំ២០២២នេះ លោក Chad Roedemeier មន្ត្រីអ្នកនាំពាក្យស្ថានទូតអាមេរិកប្រចាំកម្ពុជា បានប្រាប់ “កម្ពុជាថ្មី” ថា៖ “ខ្ញុំមិនអាចផ្តល់ព័ត៌មានបន្ថែមដល់អ្នកបានទេនៅពេលនេះ ព្រោះបច្ចុប្បន្ន កំពុងស្ថិតក្នុងការស៊ើបអង្កេត”។
លោក Chad Roedemeier មិនបានឆ្លើយតបនឹងសំណួររបស់ “កម្ពុជាថ្មី” អំពី ថាតើទង្វើគប់ស្បែកជើងនោះជាសិទ្ធិបញ្ចេញមតិ ឬហិង្សា? និងតាមច្បាប់សហរដ្ឋអាមេរិក តើបុរសនោះនឹងមានទោស ឬទេ ហើយទោសកម្រិតណា? នោះទេ។
មន្ត្រីអ្នកនាំពាក្យស្ថានទូតអាមេរិកប្រចាំកម្ពុជា រូបនេះធ្លាប់ប្រាប់ “កម្ពុជាថ្មី” ថា សហរដ្ឋអាមេរិកយកចិត្តទុកដាក់លើសុវត្ថិភាព និងសន្តិសុខរបស់មន្ត្រីការទូតទាំងអស់ និងឥស្សរជនដែលមកទស្សនាយ៉ាងយកចិត្តទុកដាក់។ ទាក់ទងនឹងឧប្បត្តិហេតុជាក់លាក់នៅថ្ងៃទី ១១ ខែឧសភា សមត្ថកិច្ចសហរដ្ឋអាមេរិកមានការស៊ើបអង្កេតលើបញ្ហានេះ។ ការស៊ើបអង្កេតនេះនឹងមានភាពហ្មត់ចត់ និងពេញលេញស្របតាមច្បាប់របស់សហរដ្ឋអាមេរិក។
គួររំលឹកថា សម្ដេចតេជោ ហ៊ុន សែន បានអញ្ជើញទៅចូលរួមកិច្ចប្រជុំកំពូលពិសេសអាស៊ាន និងសហរដ្ឋអាមេរិក នៅទីក្រុងវ៉ាស៊ីនតោន កាលពីថ្ងៃទី១១ ខែឧសភា ឆ្នាំ២០២២ (ថ្ងៃទី១២ ខែឧសភា ម៉ោងនៅកម្ពុជា) ហើយខណៈពេលសម្ដេចបានជួបសំណេះសំណាលជាមួយប្រជាពលរដ្ឋ រស់នៅប្រទេសកាណាដា និងសហរដ្ឋអាមេរិកប្រមាណជាង ២ ០០០ នាក់ ស្រាប់តែមានបុគ្គលម្នាក់បានយកស្បែកជើងគប់ទៅលើសម្ដេចតេជោ តែមិនបានប៉ះសម្ដេចនោះទេ ដោយហោះចំនឹងទូរសព្ទ របស់អ្នកគាំទ្រម្នាក់។
បុគ្គលនោះ ត្រូវបានក្រុមសន្តិសុខជម្លៀសចេញពីទីតាំងកើតហេតុ ដោយមិនមានការចាប់ខ្លួនឡើយ។ បុគ្គលនេះត្រូវបានគេស្គាល់ថា មានឈ្មោះ អ៊ុក ទូច ជាពលរដ្ឋខ្មែរអាមេរិកកាំង អាយុ ៧១ឆ្នាំ។ ក្នុងកិច្ចសម្ភាសជាមួយវិទ្យុអាស៊ីសេរី លោក អ៊ុក ទូច បានបញ្ជាក់ថា លោកមានបំណងគប់ស្បែកជើងលើសម្តេចតេជោ តាំងពីនៅទីក្រុង សេអ៊ូល ប្រទេសកូរ៉េខាងត្បូង ដោយតាមរយៈការបន្លំខ្លួនជាអ្នកគាំទ្រ។
នៅថ្ងៃទី១៧ ខែឧសភា ឆ្នាំ២០២២ សម្ដេចតេជោ ហ៊ុន សែន បានអំពាវនាវឱ្យអ្នកគាំទ្រស្ងប់ស្ងាត់ និងកុំតបតដោយហិង្សា។ សម្ដេចតេជោ បានគូសបញ្ជាក់ថា ក្រសួងការបរទេសកម្ពុជា នឹងមិនធ្វើកំណត់ទូតណាមួយ ដែលទាមទារឱ្យសហរដ្ឋអាមេរិក ចាត់វិធានការផ្លូវច្បាប់លើបុរសនោះនោះទេ ប៉ុន្តែវាអាស្រ័យលើការសម្រេច និងច្បាប់របស់សហរដ្ឋអាមេរិក។ សម្ដេចបានលើកសំណួរថា៖ “តើសហរដ្ឋអាមេរិកចាត់ទុកថានេះជាសិទ្ធិបញ្ចេញមតិ ឬអំពើហិង្សា? ប្រសិនបើសហរដ្ឋអាមេរិកចាត់ទុកទង្វើបែបនេះជាផ្នែកនៃសេរីភាពនៃការបញ្ចេញមតិ វាអាចរីករាលដាលដល់ប្រទេសផ្សេងទៀត រួមទាំងប្រទេសកម្ពុជាផងដែរ។ នេះមិនមែនជាការគំរាមកំហែងទេ ប៉ុន្តែគ្រាន់តែជាការវិភាគប៉ុណ្ណោះ”៕
អត្ថបទ៖ ច័ន្ទ វីរៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ