Connect with us

ព័ត៌មានជាតិ

ពលរដ្ឋនៅភូមិកំពង់ស្វាយលើ ប្តេជ្ញាបោះឆ្នោតជូនគណបក្សប្រជាជនកម្ពុជា ដើម្បីរក្សាសន្តិភាព និងការអភិវឌ្ឍ

បានផុស

នៅ

ប្រជាពលរដ្ឋរាប់រយនាក់នៅភូមិកំពង់ស្វាយលើ ឃុំព្រែកថ្មី ស្រុកកោះធំ ខេត្តកណ្តាល ប្តេជ្ញាបោះឆ្នោតជូនគណបក្សប្រជាជនកម្ពុជា ដើម្បីរក្សាសន្តិភាព និងការអភិវឌ្ឍបន្តទៀត។

ការប្តេជ្ញាចិត្តបែបនេះ គឺ​ក្នុងជំនួបសំណេះសំណាលជាមួយគណៈពង្រឹង​គណបក្សប្រជាជនកម្ពុជា ចុះជួយភូមិកំពង់ស្វាយលើ នាព្រឹកថ្ងៃទី ២៦ ខែឧសភា ឆ្នាំ ២០២២ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នាង វិសាល គណៈពង្រឹងគណបក្សប្រជាជនកម្ពុជា ចុះជួយភូមិកំពង់ស្វាយលើ បានជួបសំណេះសំណាលជាមួយប្រជាពលរដ្ឋប្រកបដោយភាពរីករាយ និងស្និតស្នាលបំផុត ដោយលោកបានបញ្ជាក់ថា មានតែគណបក្សប្រជាជនកម្ពុជា មួយគត់ ដែលធ្វើឲ្យប្រទេសជាតិយើងមានសុខសន្តិភាពពេញលេញ និងមានការ​អភិវឌ្ឍលើគ្រប់វិស័យ។

និយាយដោយឡែកវិញ គឺនៅក្នុងឃុំព្រែកថ្មី មានការអភិវឌ្ឍយ៉ាងឆាប់រហ័ស ជាពិសេសប្រជាពលរដ្ឋមានជីវភាពធូរធារគ្រប់ៗគ្នា ដោយសារប្រទេសជាតិមានសុខសន្តិភាព។

លោក នាង វិសាល បន្តថា មន្ទីរពេទ្យស្តង់ដារមួយនៅស្រុកកោះធំ ក៏កំពុងកសាងផងដែរ ដែលជាសមិទ្ធិផលមិនអាចកាត់ថ្លៃបាន ក្រោមការដឹកនាំប្រកបដោយគតិបណ្ឌិតរបស់ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រីដឹកនាំប្រទេសបច្ចុប្បន្ន។

ដោយឡែក ខេត្តកណ្តាល វិញ គឺមាន ឯកឧត្តមបណ្ឌិតសភាចារ្យ អូន ព័ទ្ធមុនីរ័ត្ន ជាប្រធានគណបក្សខេត្តកណ្តាល ខណៈ ឯកឧត្តមទេសរដ្ឋមន្ត្រី ស៊ុន ចាន់ថុល ជាប្រធានគណបក្សប្រជាជនកម្ពុជាស្រុកកោះធំ និងមានឯកឧត្តម ចៅ តុល អនុប្រធានអចិន្ត្រៃយ៍គណបក្សស្រុកកោះធំ និងជាប្រធានក្រុមការងារចុះជួយឃុំព្រែកថ្មីតែម្តង។

ក្រោយស្តាប់ការធ្វើបទបង្ហាញយ៉ាងក្បោះក្បាយពីសំណាក់លោក នាង វិសាល រួចមក ឃើញថា ប្រជាពលរដ្ឋក្នុងអង្គពិធី បានជ្រួលជ្រាបយ៉ាងច្បាស់អំពីគុណតម្លៃ និងការលះបង់របស់គណបក្សប្រជាជនកម្ពុជា ក្នុងការរក្សាសន្តិភាព និងការអភិវឌ្ឈ។ ដូច្នេះ ប្រជាពលរដ្ឋរាប់រយនាក់ក្នុងអង្គពិធី បានប្តេជ្ញាចិត្តថា នឹងបោះឆ្នោតជូនគណបក្សប្រជាជនកម្ពុជា ដែលឈរលេខរៀងទី ២ គ្រប់ៗគ្នា ក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ នៅថ្ងៃអាទិត្យ ទី ៥ ខែមិថុនា ឆ្នាំ ២០២២ ខាងមុខនេះ៕

អត្ថបទ ៖ ឆៃ យ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម