ព័ត៌មានជាតិ

សមាជិក CPP មួយម៉ឺននាក់ចូលរួមដង្ហែក្បួនបិទយុទ្ធនាកាឃោសនារបោះឆ្នោតនៅក្រុងសៀមរាប

បានផុស

៤ years មុន

នៅ

ថ្ងៃសុក្រ ៣ មិថុនា ២០២២

ដោយ

នៅថ្ងៃទី ៣ ខែមិថុនា ២០២២ នេះសមាជិកសមាជិការបស់គណបក្សប្រជាជនកម្ពុជា ប្រមាណជាង ១ ម៉ឺននាក់ មកពី ១២ សង្កាត់ ក្នុងក្រុងសៀមរាបបានជួបប្រជុំគ្នានៅមុខផ្សារកុងទន័រចូលរួមដង្ហែក្បួនបិទយុទ្ធនាការឃោសនាបោះឆ្នោតក្រុមប្រឹក្សា ឃុំ សង្កាត់ អាណត្តិទី ៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីប្រកាសបិទយុទ្ធនាការឃោសនាបោះឆ្នោតក្រុមប្រឹក្សាឃុំ សង្កាត់ អាណត្តទី៥នេះ ក្រោមអធិបតីភាពរបស់សម្តេចពិជ័យសេនា ទៀ បាញ់ អនុប្រធានគណបក្សប្រជាជនកម្ពុជា និងជាប្រធានក្រុមការងាររបស់គណៈកម្មាធិការកណ្តាលចុះជួយខេត្តសៀមរាប។

សម្តេចពិជ័យសេនា ទៀ បាញ់ មានប្រសាសន៍ថា ក្នុងរយៈពេល១៤ថ្ងៃនេះ គណបក្សប្រជាជនកម្ពុជាខេត្តសៀមរាប បានដឹកនាំយុទ្ធនាការឃោសនានៅទូទាំងខេត្តដល់ទីបញ្ចប់នេះ ដោយបានប្រព្រឹត្តទៅក្នុងបរិយាកាសសេរី អព្យាក្រឹត អហិង្សា និងសុវត្ថិភាព ក្នុងការផ្សព្វផ្សាយកម្មវិធីនយោបាយរបស់គណបក្សខ្លួន។

ម៉្យាងទៀត ការប្រារព្ធបិទយុទ្ធនាការឃោសនាបោះឆ្នោត ក្រុមប្រឹក្សាឃុំ សង្កាត់ អាណត្តទី៥ នេះ ក្នុងគោលបំណងលើកកម្ពស់ស្មារតី ដល់គ្រប់អង្គការចាត់តាំងគណបក្ស សមាជិកគណបក្ស អ្នកគាំទ្រគណបក្ស និងប្រជាជន ក្នុងការប្រមូលកម្លាំងសរុប វិធានការសរុប និងមធ្យោបាយសរុប ដើមី្បឆ្ពោះទៅចូលរួមការបោះឆ្នោតក្រុមប្រឹក្សាឃុំ សង្កាត់ អាណត្តទី៥ និងការពង្រឹងបាននូវប្រពៃណីស្នេហាជាតិ និងកសាងសមិទ្ធផលដ៏ថ្លៃថ្លាជូនសង្គមជាតិ៕