ព័ត៌មានជាតិ
រដ្ឋមន្ត្រីសុខាភិបាល ស្នើកូរ៉េជួយបណ្តុះបណ្តាលជំនាញវះកាត់កែសម្ផស្សមុខមាត់
លោកសាស្ត្រាចារ្យ ម៉ម ប៊ុនហេង រដ្ឋមន្ត្រី ក្រសួងសុខាភិបាល បានស្នើឱ្យភាគីកូរ៉េជួយបណ្តុះបណ្តាលជំនាញវះកាត់កែសម្ផស្សមុខមាត់ដល់ក្រុមគ្រូពេទ្យកម្ពុជា ខណៈបច្ចុប្បន្ននេះជំនាញនេះនៅមានចំនួនតិចតួចនៅឡើយ។
ការស្នើសុំនេះបានធ្វើឡើងនៅព្រឹកថ្ងៃទី២៥ ខែមិថុនានេះ នៅក្នុងសិក្ខាសាលារួមកម្ពុជាកូរ៉េលើកទី២ ស្តីពីជំងឺត្រចៀក ច្រមុះ និងបំពង់ក នៅសណ្ឋាគារហាយ៉ាតរីជិនស៊ីភ្នំពេញ ដែលមានអ្នកជំនាញ សាស្ត្រាចារ្យ និងវេជ្ជបណ្ឌិតមកពីមជ្ឈមណ្ឌលសកលវិទ្យាល័យ ស៊ុនជុនយ៉ាង នៃសាធារណរដ្ឋកូរ៉េជាច្រើនរូប។
លោករដ្ឋមន្ត្រីបានមានប្រសាសន៍ថា ការវះកាត់កែសម្ផស្សមុខមាត់នេះពិតជាមានសារៈសំខាន់ខ្លាំងណាស់ចំពោះអ្នកជំងឺដែលទទួលការវះកាត់លើផ្នែកច្រមុះត្រចៀក មាត់ធ្មេញ ក្នុងការធ្វើយ៉ាងណាឱ្យពួកគាត់មានសម្រស់ស្រស់ស្អាតដូចមុនបន្ទាប់ពីទទួលការវះកាត់រួច ព្រោះនៅពេលអ្នកជំងឺមានមុខមាត់ស្អាតបាតសមរម្យនឹងធ្វើឱ្យជីវីតរស់នៅក្នុងសង្គមបានពេញលេញ និងល្អប្រសើរ។
លោករដ្ឋមន្ត្រីបានបន្តថា៖ “ប្រទេសកូរ៉េពូកែខ្លាំងណាស់ផ្នែកជំនាញវះកាត់កែសម្ផស្សមុខមាត់ធ្វើឱ្យស្អាតនេះ។ អ៊ីចឹងទេសូមឱ្យកូរ៉េជួយបណ្តុះបណ្តាលជំនាញនេះដល់ក្រុមគ្រូពេទ្យមន្ទីរពេទ្យព្រះអង្គឌួងឱ្យបានច្រើនបន្ថែមទៀត ដើម្បីទទួលបានចំណេះ និងជំនាញទាំងនេះមកព្យាបាល និងវះកាត់ជូនប្រជាពលរដ្ឋប្រកបដោយប្រសិទ្ធិភាព និងគុណភាពខ្ពស់”។
លោករដ្ឋមន្ត្រីបានបន្តទៀតថា បច្ចុប្បន្ននេះមានគ្រូពេទ្យម្នាក់របស់មន្ទីរពេទ្យព្រះអង្គឌួង បានបញ្ជួនទៅរៀនសូត្រជំនាញវះកាត់កែសម្ផស្សមុខមាត់នេះនៅប្រទេសកូរ៉េ ដោយលោកចាត់ទុកថា វាជាចំនួនតិចតូចនៅឡើយដែលសូមឱ្យភាគីកូរ៉េជួយបង្កើនបន្ថែមចំនួនឱ្យបានច្រើនថែមទៀត។
គួរបញ្ជាក់ថា នៅក្នុងអំឡុងពេលនៃសិក្ខាសាលានេះ ភាគីកូរ៉េបានពន្យល់ និងបង្ហាញដល់ក្រុមគ្រូពេទ្យកម្ពុជាអំពី ទី១ ការវះកាត់កែកុនក្បាល និងក ទី២ ករណីសំខាន់ៗនៅមជ្ឈមណ្ឌលសាកលវិទ្យាល័យវេជ្ជសាស្ត្រ ស៊ុនជុនយ៉ាង ទាក់ទងទៅនឹង ត្រចៀក ច្រមុះ បំពង់ក ទី៣ ករណីសិក្សា ត្រចៀក ច្រមុះ បំពង់ក (ច្រៀក) និង ការសិក្សា ត្រៀក ច្រមុះ បំពង់ក (ក្បាល និងក) និង ទី៤ ការពិភាក្សាលើបច្ចេកទេសវះកាត់ចុងក្រោយ ទាក់ទងទៅនឹងត្រចៀក ច្រមុះ បំពង់ក។ ចំណែកខាងភាគីកម្ពុជាបានធ្វើបទបង្ហាញអំពី ទី១. ការចែករំលែកចំណេះដឹងផ្នែក ត្រចៀក ច្រមុះ បំពង់ក ក្បាល និងក ទី២ ការចែករំលែកចំណេះដឹងផ្នែកវះកាត់កែសម្ផស្ស ទី៣ ករណីសំខាន់ៗនៅផ្នែកត្រចៀក នៅមន្ទីរពេទ្យព្រះអង្គឌួង និង ទី៤ ករណីសំខាន់ៗនៅផ្នែកក្បាល និង ក នៅមន្ទីរពេទ្យព្រះអង្គឌួង៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)