ព័ត៌មានជាតិ
សម្តេចតេជោ ហ៊ុន សែន ហាមកីឡាករចេញប្រកួត ប្រើប្រាស់សារធាតុ ដែលមានការហាមឃាត់
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានផ្តាំផ្ញើដល់កីឡាដែលនឹងចេញទៅប្រគួតប្រទេសឥណ្ឌូនេស៊ី ធ្វើយ៉ាងណាហាមដាច់ខាតនូវការប្រើប្រាស់សារធាតុ ដែលមានការហាមឃាត់សម្រាប់កីឡា ពីព្រោះវាជាការបំផ្លាញមុខមាត់ប្រទេសជាតិដ៏ធំ។
សម្ដេចតេជោ មានប្រសាសន៍បែបនេះ នៅក្នុងពិធីសំណេះសំណាល និងផ្តល់ដំបូន្មានដល់ប្រតិភូកីឡាអាស៊ានប៉ារ៉ាហ្គេម មុនចេញទៅប្រកួតកីឡាពិការអាស៊ាន ឬអាស៊ានប៉ារ៉ាហ្គេមលើកទី១១ នៅទីក្រុងសូឡូ ប្រទេសឥណ្ឌូនេស៊ី នាព្រឹកថ្ងៃពុធ ទី០៦ ខែកក្កដា ឆ្នាំ២០២២។
សម្តេចតេជោប្រមុខរាជរដ្ឋាភិបាលបានបញ្ជាក់ថា៖ “អ្វីដែលសំខាន់របស់យើង គឺធ្វើយ៉ាងណាធានាក្រឹត្យក្រម នៃការប្រកួតក្បួនខ្នាត នៃការប្រកួត ចៀសវាងការបំពានណាមួយទៅលើលក្ខន្តិកៈ នៃការប្រកួត នេះជាចំណុចទី១។ ចំណុចទី២ គឺហាមដាច់ខាតកុំឱ្យមានការប្រើប្រាស់រឿងអ្វី ដែលហាមឃាត់សារធាតុ ដែលមានការហាមឃាត់សម្រាប់កីឡា ដែលនោះគឺជាការធ្វើឱ្យបាត់បង់កិត្តិយសជាតិ មេដាយមាស ឬមេដាយប្រាក់ ឬអត់មេដាយ មិនសំខាន់ទេ តែការបំផ្លាញដោយការប្រើប្រាស់នូវសារធាតុដែលហាមឃាត់ គឺជាការបំផ្លាញមុខមាត់ប្រទេសជាតិដ៏ធំ។ មេដាយដែលក្រុមទាំងមូលបានទទួលមិនគ្រប់គ្រាន់ ដើម្បីនឹងប៉ះប៉ូវមុខមាត់ដែលខូចខាត ដោយសារការប្រើប្រាស់នូវសាធាតុញៀន ឬសារធាតុដែលហាមឃាត់កីឡានោះទេ”។
ទាក់ទងទៅនឹងការប្រកួតកីឡាអាស៊ានប៉ារ៉ាហ្គេមនេះដែរ សម្តេចតេជោ ហ៊ុន សែន បានមានប្រសាសន៍ថា យើងគួរតែអរគុណប្រទេសឥណ្ឌូនេស៊ី ដែលព្រមទទួលធ្វើជាម្ចាស់ផ្ទះ ដើម្បីបង្កើតឱ្យមានព្រឹត្តិការណ៍នេះ សម្រាប់ជនពិការរបស់យើង ចៀសវាងនូវការខកខាន ពីព្រោះយើងបានខកខាននៅហ្វីលីពីន និងវៀតណាមរួចមកហើយ៕
អត្ថបទ៖ កោះកែវ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ