ព័ត៌មានជាតិ
បិទផ្លូវសាធារណៈជាង 4 គីឡូម៉ែត្រ ជំនាញនឹងចាត់វិធានការតាមផ្លូវច្បាប់
ខេត្តកំពង់ឆ្នាំង៖ លោក កុយ សារ៉ន អនុប្រធានការិយាល័យសុរិយោយដីស្រុកទឹកផុស បានបញ្ជាក់ថា លោក ខូវគាត មានទីលំនៅក្នុងភូមិខ្វិតទួលឃ្លាំង ឃុំក្បាលទឹក ពិតជាបានបិទផ្លូវសាធារណៈក្នុងភូមិខ្វិតទួលឃ្លាំង ដែលមានទទឹង5ម៉ែត្រ និងបណ្តោយជាង 4 គីឡូម៉ែត្រពិតមែន ។ ករណីបិទផ្លូវសាធារណៈនេះ តាមច្បាប់មន្ត្រីជំនាញនឹងឱ្យលោក ខូវ គាត់ បើកផ្លូវនេះឡើងវិញក្នុងពេលខាងមុខនេះ ដោយគ្មានលក្ខខណ្ឌ បើពុំនោះទេមន្ត្រីជំនាញនឹងចាត់វិធានការតាមផ្លូវច្បាប់។
លោក សុខ សុន្ធី អភិបាលរងស្រុកទឹកផុស បានបញ្ជាក់ថា កាលពីថ្ងៃទី 7 ខែធ្នូ ឆ្នាំ 2020 ក្នុងកិច្ចប្រជុំនៅសាលាឃុំក្បាលទឹក លោកមេភូមិទាំងបីនៅឃុំអមលាំង ស្រុកថ្ពងខេត្តកំពង់ស្ពឺ តំណាងប្រជាពលរដ្ឋបីភូមិ ដែលបានដាក់ពាក្យប្តឹងសុំបើកផ្លូវនោះ គឺបានមកសុំបញ្ចប់ដកពាក្យប្តឹងសុំបើកផ្លូវនេះ ក្រោយពីក្រុមការងារចំរុះបានបញ្ជាក់ថា ផ្លូវដែលសុំបើកនោះជាផ្លូវទ័លមិនអាចទំលាយបើកបានទៅកាន់ផ្លូវ53បានទេ ព្រោះតែប៉ះពាល់ដីកម្មសិទ្ធប្រជាពលរដ្ឋ ចំនួន5ប័ណ្ណផ្សេងទៀត។ ដូច្នេះបើចង់បើក ទាល់តែមានការចរចាឬទិញដូរ និងមានការយល់ព្រមពីម្ចាស់ប័ណ្ណក្បាលដី5ទាំងបណ្ណ័ខាងលើនេះ ។ ដូច្នេះបើប្រជាពលរដ្ឋ ដាក់ពាក្យបណ្ដឹងជាថ្មីសុំបើកផ្លូវខាងលើនេះវិញ ដែលលោក ខូវ គាត បានបិទនោះគ្មានបញ្ហាទេ អាជ្ញាធរនិងចាត់ការភ្លាម។
ដោយឡែកលោក ខូវ គាត វិញកាលពីល្ងាចថ្ងៃទី 21 ខែធ្នូនេះ បាននិយាយតាមទូរស័ព្ទឲ្យក្រុមអ្នកយកព័ត៌
មានដឹងថា គាត់ពិតជាបានបិទផ្លូវ 01នៅក្នុងប្លង់ដីរបស់គាត់មែន ប្រមាណពី 500ទៅ 600 ម៉ែត្រតែប៉ុណ្ណោះ ដែលផ្លូវនោះជាផ្លូវទ័លពុំមានផ្លូវបន្តទៅកាន់ផ្លូវ 53 បាននោះឡើយ ដូច្នេះបើពួកគាត់សុំបើកតើបើកទៅណា បើជាផ្លវទ័លនោះ ។
សូមបញ្ជាក់ផងដែរថា តាមបណ្ដឹងចុះថ្ងៃទី 20 ខែមីនាឆ្នាំ 2020 របស់ប្រជាពលរដ្ឋ ចំនួន 3 ភូមិនៅក្នុងឃុំអមលាំង និងតាមការសម្ភាសន៍ ដោយផ្ទាល់ជាមួយក្រុមអ្នកសារព័ត៌មានលោកខូវ គាត បានបិតផ្លូវសាធារណៈក្នុងភូមិខ្វិតទួលឃ្លាំង ជិត 5 គីឡូម៉ែត្រអស់រយៈពេលជាង 5 ឆ្នាំមកហើយ ដែលក្រុមនិសិ្សតបានវាស់វែងទុកអោយ ។ ដូចនេះទើបពួកគាត់សុំអន្តរាគមន៍ ដល់អាជ្ញាធរខេត្តកំពង់ឆ្នាំង ឲ្យបើកផ្លូវខាងលើនេះវិញ នឹងបើបើកមិនបានទេនោះ ពួកគាត់មានតែស្នើសុំទៅថ្នាក់លើបន្តទៀតតែប៉ុណ្ណោះ៕
ឈៀង ថារិទ្ធ
-
ព័ត៌មានជាតិ១៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)