ព័ត៌មានជាតិ

មន្ត្រីជាន់ខ្ពស់ធនាគារជាតិ លើកទឹកចិត្ត កុំឲ្យផ្តល់ប្រាក់កម្ចីណាធ្វើឱ្យប៉ះពាល់ដល់បរិស្ថាន

បានផុស

៤ years មុន

នៅ

ថ្ងៃព្រហស្បតិ៍ ១៤ កក្កដា ២០២២

ដោយ

មន្ត្រីជាន់ខ្ពស់នៃធនាគាតជាតិនៃកម្ពុជាបានលើកទឹកចិត្តដល់ធនាគារនិងគ្រឹះស្ថានមីក្រូហិរញ្ញវត្ថុទាំងអស់កុំផ្តល់ប្រាក់កម្ចីណាដែលធ្វើឱ្យប៉ះពាល់ដក់វិស័យបរិស្ថានដើម្បីការពារនិងទប់ស្កាត់ហានិភ័យទៅលើការប្រែប្រួលអាកាសធាតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងពិធីបិទវគ្គបណ្តុះបណ្តាលស្តីពីការគ្រប់គ្រងហានិភ័យបរិស្ថាន សង្គមនិងអភិបាលកិច្ចនៅល្ងាចថ្ងៃទី១៤កក្កដានេះនៅសណ្ឋាគារឡឺរ៉ូយ៉ាល់ លោកស្រី បណ្ឌិត ជា សិរី ឧបការីទេសាភិបាល និងជាអគ្គនាយកបច្ចេកទេសធនាគារជាតិនៃកម្ពុជាបានមានប្រសាសន៍ថា បច្ចុប្បន្ននេះការប្រែប្រួលអាកាសធាតុពិភពលោកមានការចាប់អារម្មណ៍យ៉ាងខ្លាំងព្រោះវាបានធ្វើឱ្យប៉ះពាល់ដល់ការរស់នៅរបស់ប្រជាពលរដ្ឋ។ដូចនេះនៅក្នុងវិស័យធនាគារដែលជាអ្នកផ្តល់ធនគឺយើងចង់ឱ្យពួកគាត់យកចិត្តទុកដាក់ឱ្យបានខ្លាំងបន្ថែមទៀតទៅលើបញ្ហាបម្រែបម្រួលអាកាសធាតុនេះ។

លោកស្រីបានបន្តថា នៅពេលដែលគាត់ឱ្យគេខ្ចីប្រាក់យើងចង់ឱ្យគាត់គិតគូរថា តើអ្នកខ្ចីនោះយកប្រាក់ទាំងនោះទៅប្រើប្រាស់ក្នុងវិស័យអ្វីហើយមានការប៉ះពាល់ដល់បរិស្ថានដែរ ឬទេ។

លោកស្រីបានបន្តទៀតថា «ប្រសិនបើមានការខ្ចីប្រាក់យកទៅអភិវឌ្ឍន៍គម្រោងណាដែលប៉ះពាល់ដល់បរិស្ថានខ្ញុំសូមលើកទឹកចិត្តកុំផ្តល់ឱ្យគាត់ហើយប្រសិនបើការខ្ចីនោះមានការប៉ះពាល់បរិស្ថានខ្លះព្រោះថាជាធម្មតាការអភិវឌ្ឍតែងតែមានការប៉ះពាល់បរិស្ថានដែលមិនអាចចៀសរួចតើធនាគារមានវិធានការយ៉ាងណាដើម្បីកាត់បន្ថយផលប៉ះពាល់នោះ»។

លោកស្រីបានបន្ថែមថា ការបម្រែបម្រួលអាកាសថា តុនេះមិនមែនជាបញ្ហារបស់វិស័យបរិស្ថាននិងវិស័យផ្សេងៗទៀតនោះទេពោលគឺជាបញ្ហាយើងទាំងអស់ដែលមានកាតព្វកិច្ចនិងតួនាទីចូលរួមកាត់បន្ថយការប្រែប្រួលអាកាសធាតុនេះ។

លោកស្រីបានបញ្ជាក់បន្ថែមថា ដូចនេះហើយទើបធនាគារជាតិសហការជាមួយរាជរដ្ឋាភិបាលចក្រភពអង់គ្លេសបណ្តុះបណ្តាលសមត្ថភាពដល់មន្ត្រីមកពីធនាគារជាតិនិងធនាគារនានាដើម្បីកសាងសមត្ថភាពពួកគាត់ឱ្យយល់ពីការប្រែប្រួលអាកាសធាតុនេះហើយតើវាមានឥទ្ធិពលអ្វីខ្លះទៅលើការរស់នៅរបស់ប្រជាពលរដ្ឋដើម្បីឱ្យស្ថាប័នធនាគារមីមួយៗមានវិធានការដើម្បីចូលរួមដោះស្រាយបញ្ហានេះឱ្យបានល្អប្រសើរព្រោះថាបច្ចុប្បន្ននេះធនាគារជាតិនៅមិនទាន់មានគោលការណ៍ណាមួយដើម្បីកំណត់ឱ្យអនុវត្តលើការងារបម្រែបម្រួលអាកាសធាតុនេះនៅឡើយទេព្រោះថាវាជាបញ្ហាថ្មីទាំងអស់គ្នា។

លោកស្រីបានបញ្ជាក់ថា « ប៉ុន្តែថ្ងៃខាងមុខនៅពេលយើងបានដឹងពីពិន័យច្បាស់លាស់ថាតើអ្វីទៅជាហានិភ័យចំពោះបរិស្ថាន ហានិភ័យចំពោះសង្គមនិងហានិភ័យចំពោះអភិបាលកិច្ចយើងនឹងអាចមានវិធានការជាក់លាក់មួយសម្រាប់គ្រឹះស្ថានធនាគារអនុវត្ត»។

យ៉ាងណាក៏ដោយ លោក ស្រីបានឱ្យដឹងទៀតថា គ្រឹះស្ថានធនាគារខ្លួនឯងក៏គាត់បានគិតគូរពីបញ្ហាការបម្រែបម្រួលអាកាសធាតុនេះដែរព្រោះថាប្រសិនបើមិនបានគិតគូរវែងឆ្ងាយទេពេលអតិថិជនមានជួបបញ្ហាអាជីវកម្មគាត់ក៏មិនអាចទៅមុខបានដែរពោលគឺមានតែចូលរួមទាំងអស់គ្នា។

លោកស្រីបានបន្ថែមទៀតថា «ក្នុងនាមជាអាជ្ញាធរយើងធ្វើដូចអ្វីដែលប្រទេសក្នុងតំបន់និងពិភពលោកបានធ្វើដែរដោយមិនឱ្យហួសពេកនិងមិនឱ្យតិចពេកដែរព្រោះវាជាបញ្ហាការប្រែប្រួលអាកាសធាតុនេះជាបញ្ហាថ្មីទាំងអស់គ្នា»៕

ដោយ ៖ សំអឿន