មន្ត្រីក្រសួងសង្គមកិច្ច ជំរុញឲ្យមានការរួមគ្នាបន្ថែមទៀតដើម្បីការពារ និងបញ្ឈប់អំពីករណីហិង្សាលើកុមារ

លោក តូច ចាន់នី អគ្គនាយក នៃអគ្គនាយកដ្ឋានសេវាសង្គមកិច្ច ក្រសួងសង្គមកិច្ច អតីតយុទ្ធជន និងយុវនីតិសម្បទា បានជំរុញឲ្យអង្គភាពពាក់ព័ន្ធ មានការរួមគ្នាបន្ថែមទៀតដើម្បីការពារ និងបញ្ឈប់អំពីករណីហិង្សាលើកុមារ។ លោក តូច ចាន់នី បានជំរុញបែបនេះ ខណៈចុះទស្សនៈកិច្ចការអនុវត្តគម្រោងកម្មវិធីរបស់អង្គការតំណក់ទឹក ដែលមានអាសយដ្ឋាននៅសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ និងបានចុះពិនិត្យមើលករណីហិង្សាលើកុមារចំនួន ២ករណី នៅថ្ងៃទី ២០ ខែកក្កដា ឆ្នាំ ២០២២ ដែលទទួលបានការគាំទ្រពីអង្គការតំណក់ទឹក។

លោក តូច ចាន់នី បានថ្លែងថា ដោយមានការអនុញ្ញាតពីលោករដ្ឋមន្រ្តី ក្រសួងសង្គមកិច្ច អតីតយុទ្ធជន និងយុវនីតិសម្បទារួចមក លោកបានដឹកនាំមន្ត្រីជំនាញព័ន្ធព័ន្ធ អមដំណើរដោយលោក ភី ណូ ប្រធាននាយកដ្ឋានកិច្ចការពារកុមារ និងក្រុមការងារ បានចុះទស្សនៈកិច្ចការអនុវត្តគម្រោងកម្មវិធីរបស់អង្គការតំណក់ទឹក ដែលមានអាសយដ្ឋាននៅសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ និងបានចុះពិនិត្យមើលករណីហិង្សាលើកុមារចំនួន ២ករណី ដែលទទួលបានការគាំទ្រពីអង្គការតំណក់ទឹកផងដែរ។ លោកបានជំរុញឲ្យមានការរួមគ្នាបន្ថែមទៀត ដើម្បីការពារ និងបញ្ឈប់អំពីករណីហិង្សាលើកុមារនៅកម្ពុជា។

សូមបញ្ជាក់ផងដែរថា អង្គការតំណក់ទឹក មានកម្មវិធីអប់រំសិក្សា ជូនដល់កុមារពីថ្នាក់ទី ១ ដល់ទី ៦ ដោយមានបន្ថែមថ្នាក់ ភាសាអង់គ្លេស ថ្នាក់កុំព្យូទ័រ និងថ្នាក់កាត់ដេរផងដែរ៕

អត្ថបទ៖ វិមាន