ព័ត៌មានជាតិ
ហុង ប៉ាវ ភោជនីយដ្ឋានចិនកាតាំងដ៏ល្បីបំផុតនៅប្រទេសថៃ មានវត្តមាននៅប្រទេសកម្ពុជា
ហុងប៉ាវ (Hong Bao) ដែលជាភោជនីយដ្ឋានចិនកាតាំងដ៏ល្បីបំផុតមួយ មានសាខាជាង ១០ទីតាំង នៅក្នុងប្រទេសថៃ ឥឡូវនេះបានមានវត្តមាននៅរាជធានីភ្នំពេញ នៃប្រទេសកម្ពុជាហើយ។
ភោជនីដ្ឋានហុងប៉ាវនេះ មានទីតាំងស្ថិតនៅក្នុងសណ្ឋាគារ ត្រែប (Tribe) (អតីតសណ្ឋាគារឆ្នេរទន្លេ) វិថីស៊ីសុវត្ថិ សង្កាត់វត្តភ្នំ ខណ្ឌដូនពេញ ក្បែរខាងជើងរបងខាងត្បូងក្រុមប្រឹក្សាអភិវឌ្ឍន៍កម្ពូជា (CDC ) ឬចម្ងាយត្រឹមតែមួយនាទី ពីទីតាំងរមណីដ្ឋានប្រវត្តិសាស្ត្រវត្តភ្នំ ហើយត្រូវបានបើកសម្ពោធជាផ្លូវការ កាលពីថ្ងៃទី០៥ ខែសីហា ឆ្នាំ២០២២។
លោក ឡូ សុគន្ធ ដែលជាម្ចាស់ហាង ហុងប៉ាវ នៅកម្ពុជា បានឱ្យដឹងថា ភោជនីយដ្ឋានចិនកាតាំង យីហោ ហុងប៉ាវ គឺមានភាពល្បីល្បាញ និងបានបើកសាខាជាង ១០ទីតាំង នៅប្រទេសថៃ។ លោកបានបន្តថានៅកម្ពុជាលោកបានជ្រើសរើសរាជធានីភ្នំពេញសម្រាប់បើកភោជនីដ្ឋានហុងប៉ាវ ពោលគឺនៅក្នុងសណ្ឋាគារត្រែប ដោយសារវាជាទីតាំងអំណោយផលប្លែកជាមួយបរិយាកាសល្អបរិសុទ្ធជាប់មាត់ទន្លេ ដែលលាយបញ្ចូលគ្នាយ៉ាងល្អឥតខ្ចោះ ជាមួយរចនាបទបែបចិន រួមជាមួយនឹងមុខម្ហូបចិនផ្សេងៗ និងឌីមសាំថ្មីៗ ដែលនិងចាប់ផ្តើមបើកបំរើអតិថិជន ជាផ្លូវការ ចាប់ពីខែសីហាឆ្នាំ២០២២នេះតទៅ។
លោក ឡូ សុគន្ធ បានបន្តទៀតថា ជាងនេះទៀតរាជធានីភ្នំពេញជាទីតាំងល្អបំផុត ទាំងវប្បធម៌ នយោបាយ និងទេសចរណ៍ ដែលជាចំណុចប្រមូលផ្តុំ និងប្រជុំដោយអ្នវិនិយោគិនជាតិ អន្តរជាតិ ពិសេសវិនិយោគិនចិន បោះទុនរកស៊ីច្រើន ហើយពិតណាស់ អ្នកទាំងនោះ ប្រាកដជាចូលចិត្ត មុខម្ហូបចិន ហើយនិងមកកាន់ភោជនីយដ្ឋាន ហុងប៉ាវ ដែលជាភោជនីយដ្ឋានចិនកាតាំងដ៏ល្បី ដែលមានឈ្មោះ បោះសំលេងជាយូរមកហើយ នៅប្រទេសថៃ។
លោកបានបន្ថែមថា «មិនទាន់ទាំងបើកដំណើរការស្រួលបួលផង ហុងប៉ាវ មានអ្នកគាំទ្រយ៉ាងច្រើន ដូច្នេះខ្ញុំមានសុទិដ្ឋិនិយមថា ភោជនីយដ្ឋានចិនកាតាំង ហុងប៉ាវ នៅទីនេះ (ប្រទេសកម្ពុជា) និងទទួលបានភាពជោគជ័យ និងការគាំទ្រច្រើនពីអតិថិជន ជាជនជាតិចិន រួមទាំងខ្មែរខ្សែស្រឡាយចិន និងប្រជាពលរដ្ឋខ្មែរទូទៅផងដែរ»។
ដោយឡែក លោក ណុបប៉ាដុន ណារិទ្ធតាគុម (Noppadon Narittakurn) មកពីភោជនីដ្ឋាន ហុងប៉ាវ សាខាប្រចាំនៅប្រទេសថៃ ក៏បានបង្ហាញសុទិដ្ឋិនិយមផងដែរថា ហុងប៉ាវ នៅរាជធានីភ្នំពេញ អាចទទូលបានជោគជ័យ និងការគាំទ្រច្រើនពីអតិថិជន ហើយថាអាចនិងមានអំណោយផលល្អជាងប្រទេសថៃទៀតផង។ បើតាម លោក ណុបប៉ាដុន, ហុង ប៉ាវ (Hong Bao) គឺជាភោជនីយដ្ឋានមួយ ក្នុងចំណោមភោជនីយដ្ឋានបែប Cantonese-Style ដ៏ល្អបំផុត នៅក្នុងប្រទេសថៃ ដែលផ្តល់នូវមុខម្ហូបផ្សេងៗនៅក្នុងបរិយាកាស ទទួលទានអាហារទំនើប និងប្រណិតភាព ព្រោះហុង ប៉ាវ (Hong Bao) ប្រើប្រាស់គ្រឿងផ្សំស្រស់ៗ និងតាមរដូវកាល ដើម្បីបង្ហាញនូវម្ហូបឆ្ងាញ់ៗ ខណៈមុខម្ហូបនីមួយៗ មានរសជាតិឈ្ងុយឆ្ងាញ់ ដែលបង្កើតឡើងដោយក្រុមចុងភៅ ដែលមាន បទពិសោធន៍មកពីប្រទេសចិន។ លើសពីនេះ ហុង ប៉ាវ (Hong Bao) ផ្តល់ជូននូវ ឌីមសាំ ដែលធ្វើដោយមេចុងភៅជាប្រចាំថ្ងៃ ជាមួយនឹងពាក្យស្លោក “The Best Dim Sum in Town” ដែល ធានានូវបទពិសោធន៍ទទួលទានអាហារដ៏អស្ចារ្យ និងមិនអាចបំភ្លេចបាន ដែលលោកអ្នកមិនធ្លាប់មានពីមុនមក។
គួរបញ្ជាក់ថា ប្រភពដើមនៃឈ្មោះ “ហុង បាវ” មកពីពាក្យចិន ដែលមានន័យថា “ស្រោមសំបុត្រក្រហម” (ដែលប្រជាជនថៃល្បីថាជា ‘អាំងប៉ាវ’)។ ស្រោមសំបុត្រក្រហមនេះ ជាធម្មតាមានលុយនៅខាងក្នុង ដែលជាអំណោយប្រពៃណី ក្នុងឱកាសបុណ្យចូលឆ្នាំចិន ហើយពណ៌ក្រហម ក៏តំណាងឱ្យសុភមង្គល និងសំណាងល្អផងដែរ។ ហុងប៉ាវ (Hong Bao) ចែកចេញជាពីរទម្រង់ ទីមួយគឺ ‘ភោជនីយដ្ឋានដើម ហុងប៉ាវ (Hong Bao) ដែលបម្រើទាំងមុខម្ហូបតាមលំដាប់ និង Dim Sum ផ្សេងៗដូចជា ‘ទាប៉េកាំង’, និងម្ហូបពិសេសផ្សេងៗទៀត។ ចំណែកមួយទៀតគឺ ‘ហុង ប៉ាវ (Hong Bao) Dim Sum House’ មានលក់តែ Dim Sum និងម្ហូបចិនដែលងាយស្រួលញ៉ាំផ្សេងទៀតដូចជា; ម្ហូបអាហារសម្រន់ បបរ និងមុខម្ហូបផ្សេងទៀត៕
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម១០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ