ព័ត៌មានអន្ដរជាតិ

ប្រទេសអាស៊ានចំនួន ៥ មានបើកហាងអាហារប្រ៊េនរបស់ កូរ៉េខាងជើង ប៉ុន្តែជាប់សង្ស័យបម្រើទិសដៅផ្សេង

បានផុស

៣ years មុន

នៅ

ថ្ងៃសុក្រ ៥ មករា ២០២៤

ដោយ

យោងតាមសារព័ត៌មាន NK News របស់សហរដ្ឋអាមេរិក ដែលផ្តោតសំខាន់លើទិន្នន័យ និងព័ត៌មានពីប្រទេសកូរ៉េខាងជើង បានបង្ហាញថា កូរ៉េខាងជើងដែលគ្រប់គ្នាស្គាល់ថាជាប្រទេសកុម្មុយនីស្តផ្តាច់ការ ពុំសូវមានប្រជាប្រិយភាពលើទំនាក់ទំនង ប៉ុន្តែផ្ទុយទៅវិញ ប្រទេសនេះមានបណ្តាញអាជីវកម្មរបស់ខ្លួន ប្រមាណជាង ១០០ កន្លែងនៅទូទាំងតំបន់អាស៊ី ក្នុងនោះក៏មានទាំងបើកដំណើរការនៅបណ្តាប្រទេសតំបន់អាស៊ានផងដែរ ។

ផ្តោតទៅលើតែតំបន់អាស៊ាន ទិន្នន័យពីសារព័ត៌មានដដែលបានបង្ហាញថា បណ្តាញអាជីវកម្មដែលមកពីប្រទេសរបបផ្តាច់ការល្បីនឹងអាវុធនុយក្លេអ៊ែរនោះ មានវត្តមាន និងបើកដំណើរការសុទ្ធសឹងនៅទីតាំងលំដាប់ទីក្រុងប៉ូលសេដ្ឋកិច្ចធំៗ និងទីក្រុងទេសចរណ៍ ។ ក្នុងនោះ ករណីបណ្តាញអាជីវកម្មគឺជាទម្រង់ហាងអាហារ និងភោជនីយដ្ឋានប្រ៊េនកូរ៉េខាងជើង ហើយបានឈរជើងក្នុងទីក្រុងនៃប្រទេសតំបន់អាស៊ីអាគ្នេយ៍ដែលមានដូចជា៖

១- រដ្ឋធានីវៀងចន្ទន៍ និងទីក្រុងវ៉ាងវៀង, ខេត្តហ្លួងព្រះបាង ប្រទេសឡាវ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២-រដ្ឋធានីហាណូយ ទីក្រុងហូជីមិញ ទីក្រុងដាណាង ប្រទេសវៀតណាម

៣-រាជធានីបាងកក ទីក្រុងប៉ាតាយ៉ា ប្រទេសថៃ

៤-រដ្ឋធានីហ្សាកាតា ប្រទេសឥណ្ឌូណេស៊ី

៥- រដ្ឋធានីគូឡាឡាំពួ ប្រទេសម៉ាឡេស៊ី

គួរកត់សម្គាល់ដែរថា ប្រភេទភោជនីយដ្ឋានរបស់កូរ៉េខាងជើងដែលបើកក្នុងតំបន់អាស៊ីទាំងមូល ត្រូវបានអ្នកសង្កេតការណ៍ និងជាអតីតអ្នករស់នៅប្រទេសកូរ៉េខាងជើងបង្ហើបប្រាប់ថា គឺជាកន្លែងសម្រាប់លាងលុយកខ្វក់ ហើយក៏ជាកន្លែងរកប្រភពលុយបន្ថែមសម្រាប់យកទៅផ្គត់ផ្គង់រដ្ឋាភិបាលកូរ៉េខាងជើងទៅតាមកាលកំណត់។ ក្នុងមួយឆ្នាំៗគិតជាទឹកប្រាក់គឺត្រូវមានពី ១ ម៉ឺនទៅ ៣ ម៉ឺនដុល្លារអាមេរិក ទៅកាន់រដ្ឋាភិបាលព្យុងយ៉ាង។

បន្ថែមពីនោះ អ្នកជំនាញស៊ើបការណ៍អន្តរជាតិក៏បានលើកបង្ហាញត្រួសៗពីទិដ្ឋភាពពិតនៃហាងអាហារ ឬភោជនីយដ្ឋានរបស់កូរ៉េខាងជើង គឺជាជម្រកប្រតិបត្តិការក្រៅប្រទេសរបស់ខ្លួន ដែលមានបុគ្គលិកលាយឡំ និងអ្នកបច្ចេកវិទ្យាសម្រាប់ប្រតិបត្តិការជាបណ្តាញផ្សេងៗ ក៏ដូចជាអ្នកមេការចាំត្រួតពិនិត្យសកម្មភាពរបស់បុគ្គលិកបម្រើការក្នុងហាង ដែលត្រូវផ្លាស់ប្តូររៀងរាល់ ៣ ឆ្នាំម្តងសម្រាប់បម្រើឱ្យនយោបាយរដ្ឋាភិបាលរបបកុម្មុយនីស្តមួយនេះ៕

ប្រែសម្រួល៖ មាន រតនា

ប្រភព៖ NK news, Slate