ព័ត៌មានជាតិ
ទឹកស្ទឹងសែនស្រកចុះក្រោមកម្រិតប្រុងប្រយ័ត្ន បន្ទាប់ពីជន់លិចស្រូវពលរដ្ឋជាង ៣ ពាន់ហិកតា
ជំនន់ទឹកភ្លៀងបានធ្វើឱ្យប៉ះពាល់ដល់ហេដ្ឋារចនាសម្ព័ន្ធ លំនៅឋានផ្ទះសម្បែង និងដំណាំស្រូវរបស់ប្រជាពលរដ្ឋជាច្រើន នៅក្នុងក្រុងស្ទឹងសែន ខេត្តកំពង់ធំ ពេលនេះស្ថានភាពទឹកបានស្រកចុះវិញក្រោមកម្រិតប្រកាសឱ្យប្រុងប្រយ័ត្ន។ នេះបើតាមការបញ្ជាក់របស់លោក ចាន់ យុត្ថា រដ្ឋលេខាធិការ និងជាអ្នកនាំពាក្យក្រសួងធនធានទឹក និងឧតុនិយម។
កម្ពស់ទឹកស្ទឹងសែននៅស្ថានីយកំពង់ធំមានកម្ពស់ ១៣,៤០ ម៉ែត្រ នៅថ្ងៃទី ២៤ ខែសីហា ២០២២នេះ ដែលជាកម្រិតស្ថិតក្រោមឱ្យមានការប្រុងប្រយ័ត្ន (កម្ពស់ប្រុងប្រយ័ត្ន ១៣,៥០ ម៉ែត្រ)។
លោក ចាន់ យុត្ថា រដ្ឋលេខាធិការ និងជាអ្នកនាំពាក្យក្រសួងធនធានទឹក និងឧតុនិយមប្រាប់កម្ពុជាថ្មីនៅថ្ងៃទី ២៤ សីហានេះថា ជំនន់ទឹកភ្លៀងដែលនៅលិចយូរជាងគេគឺនៅស្ទឹងសែន ខេត្តកំពង់ធំ ដោយសារទឹកដែលឡើងមកគឺឈានដល់កម្រិតប្រកាសឱ្យមានការប្រុងប្រយ័ត្នជាពិសេសនៅចំណុចក្រុងស្ទឹងសែន។
លោកថាពេលដែលកម្ពស់ទឹកឡើងមកដល់លើសពីកម្រិតប្រកាសឱ្យមានការប្រុងប្រយ័ត្នគឺវាបានហូរចូលទៅតំបន់ទំនាបនានា ដែលធ្វើឱ្យប៉ះពាល់ដល់ហេដ្ឋារចនាសម្ព័ន្ធ ឬផ្ទះសម្បែងបងប្អូនប្រជាពលរដ្ឋខ្លះ និងផ្ទៃដីបង្កបង្កើនផលខ្លះ។
នៅកំឡុងពេលប៉ុន្មានថ្ងៃនេះទឹកចាប់ផ្ដើមស្រកចុះវិញមកកម្រិតនៅក្រោមការប្រកាសឱ្យមានការប្រុងប្រយ័ត្ន ខណៈកន្លែងទំនាបខ្លះ ទឹកដែលចូលទៅមិនអាចហូរចេញមកវិញបាន។
ដំណាំស្រូវចំនួន ៣ ៦០០ ហិកតា រងការបំផ្លាញទាំងស្រុងដោយសារជំនន់ទឹកភ្លៀងនៅក្រុងស្ទឹងសែន ប៉ុន្មានថ្ងៃមកនេះ ខណៈដំណាំស្រូវជាង ១ ម៉ឺនហិកតា ទៀត (១ ១០០០) រងផលប៉ះពាល់តែមិនខូចខាតនោះទេ៕
អត្ថបទ៖ ឈាង មករា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង