ព័ត៌មានជាតិ
ពលករខ្មែរមកពីប្រទេសថៃ ៤០នាក់ កំពុងធ្វើចត្តាឡីស័កតាមវិធានការរបស់ក្រសួងសុខាភិបាលនៅខេត្តកំពង់ឆ្នាំង
លោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំងនៅព្រឹកថ្ងៃទី២៨ ខែធ្នូ ឆ្នាំ២០២០ នេះ បានថ្លែងឲ្យដឹងថា គិតត្រឹមថ្ងៃទី២៧ ខែធ្នូ ឆ្នាំ២០២០នេះ មន្ទីរសុខាភិបាល កំពុងគ្រប់គ្រងពលករខ្មែរ ដែលត្រឡប់មកពីប្រទេសថៃ ធ្វើចត្តាឡីស័កចំនួន៤០នាក់ ។ ក្នុងនោះចំនួន៣៧នាក់ កំពុងធ្វើចត្តាឡីស័កនៅក្នុងមណ្ឌលកម្រិត២ សាលាគំរូក្រុងបាវិតក្នុងក្រុងកំពង់ឆ្នាំងខេត្តកំពង់ឆ្នាំង ដោយឡែកចំនួន៣នាក់ទៀត ធ្វើចត្តាឡីស័កតាមផ្ទះ នៅក្នុងស្រុកបរិបូណ៌។
លោកប្រធានមន្ទីរសុខាភិបាលខេត្តកំពង់ឆ្នាំង ក៏សូមអំពាវនាវផងដែរដល់ពលករទាំងអស់ ដែលត្រឡប់មកពីប្រទេសថៃ សូមចូលរួមធ្វើចត្តាឡីស័ក ឱ្យបានត្រឹមត្រូវទៅតាមវិធានការរបស់ក្រសួងសុខាភិបាល ដើម្បីរួមគ្នាទប់ស្កាត់ជំងឺកូវី១៩ កុំឲ្យរាលដាលឆ្លងចូលក្នុងសហគមន៍យើង ។
ដោយឡែកលោក ស៊ិន ចាន់សារ៉េត ប្រធានមណ្ឌលចត្តាឡីស័ក កម្រិត២សាលាគំរូក្រុងបានអោយឲ្យដឹងថា នៅក្នុងមណ្ឌលចត្តាឡីស័កកម្រិត២សាលាគំរូក្រុង គិតត្រឹមថ្ងៃទី២៧ ខែធ្នូនេះ កំពុងគ្រប់គ្រងពលករដែលធ្វើចត្តាឡីស័កសរុបចំនួន៣៦នាក់ ក្នុងនោះមានស្រី៧នាក់ ហើយក៏មានកុមារពីរនាក់ផងដែរ គឺប្រុសម្នាក់ ស្រីម្នាក់ ។ប៉ុន្តែពលករទាំងអស់ខាងលើនេះ ពុំមែនជាពលករដែលមកពីខេត្តសាមុតសាខនប្រទេសថៃនោះទេ គឺមកពីខេត្តផ្សេងទៀតក្នុងប្រទេសថៃ។
មណ្ឌលចត្តាឡីស័កកម្រិត២នេះមានបន្ទប់សរុបចំនួន១០បន្ទប់ ហើយក៏កំពុងរៀបចំបន្ទប់បន្ថែម១០ទៀត ដើម្បីត្រៀមទទួលអ្នកធ្វើចត្តាឡីស័ក ។
លោកប្រធានមណ្ឌលចត្តាឡីស័ក បានបញ្ជាក់ឲ្យដឹងទៀតថា គ្រូពេទ្យដែលកំពុង ប្រចាំការពិនិត្យនិងព្យាបាលអ្នកធ្វើចត្តាឡីស័កក្នុងមណ្ឌលសាលាគំរូក្រុងនេះ សរុបមានចំនួន៣ក្រុម ដែលក្នុងមួយក្រុម២មានពី៣នាក់ទៅ៤នាក់ ក្នុងនោះដែរ ក៏មានអ្នកស្ម័គ្រចិត្ត ដែលជាគ្រូពេទ្យចូលនិវត្តន៍ចំនួន១១ នាក់ផងដែរ។
ដោយឡែកចំពោះពលករដែលកំពុងធ្វើចត្តាឡីស័កនេះ គឺបានធ្វើតេស្តអវិជ្ជមានម្ដងរួចហើយពីព្រំដែន។ ដូច្នេះគម្រប់១៤ថ្ងៃ ក្រុមគ្រូពេទ្យនឹងយកសំណាកទៅពិនិត្យជាលើកទី២ម្ដងទៀត បើពិនិត្យទៅអវិជ្ជមានកូវី១៩ នោះយើងនឹងអនុញ្ញាតឲ្យពួកគាត់ត្រឡប់ទៅមូលដ្ឋានវិញ។ ប៉ុន្តែបើមានវិជ្ជមានវីត១៩វិញនោះ យើងនឹងបន្តឲ្យពួកគាត់ធ្វើចត្តាឡីស័កយ៉ាងត្រឹមត្រូវនៅក្នុងមណ្ឌលនេះជាបន្តទៀត។
ដោយឡែកពលករ២នាក់ ដែលកំពុងធ្វើ ចត្តាឡីស័កនៅក្នុងមណ្ឌលសាលាគំរូក្រុងបានបញ្ជាក់ឲ្យដឹងថា ពួកគាត់មកស្នាក់នៅធ្វើចត្តាឡីស័កនេះ ពុំមានផលលំបាកអ្វីទេ គឺត្រូវបានគ្រូពេទ្យឧបត្ថម្ភអាហារ៣ពេល យ៉ាងត្រឹមត្រូវ ហើយក៏មានកន្លែងសម្រាក កន្លែងមុជទឹកនិងកន្លែងបត់ជើងយ៉ាងត្រឹមត្រូវផងដែរ។
ពួកគាត់ក៏សូមថ្លែងអំណរគុណផងដែរ ដល់គ្រូពេទ្យក៏ដូចជាប្រមុខរាជរដ្ឋាភិបាលដែលបានជួយឧបត្ថម្ភថវិកាសម្រាប់ទិញអាហារដល់ពួកគាត់ ដែលកំពុងធ្វើចត្តាស័កតាមវិធានការក្រសួងសុខាភិបាល៕
អត្ថបទ ៖ ឈៀងថារិទ្ធ
អគ្គនាយកអន្តោប្រវេសន៍ ប្រាប់មន្ត្រីជួយសម្រួលដល់ពលករដែលត្រឡប់ពីថៃឱ្យបានល្អ នាឱកាសចូលឆ្នាំខ្មែរ
គ្រូពេទ្យភ្ញាក់ផ្អើល ក្រោយវះកាត់ឃើញដូងមួយផ្លែក្នុងរន្ធគូថបុរស តៃវ៉ាន់
ការដាក់ឱ្យដំណើរការរបបសន្តិសុខសង្គម ជាប្រវត្តិសាស្ត្រថ្មីមួយបន្ថែមទៀតសម្រាប់កម្ពុជា
អ្នកសារព័ត៌មានដើរតួនាទីសំខាន់ ចូលរួមបញ្ជ្រាបគោលនយោបាយរបបសន្តិសុខសង្គមដល់សាធារណៈជន
ប្រធានរដ្ឋសភាថៃ អះអាងថា នឹងជួយជំរុញអ្នកវិនិយោគថៃឲ្យមកបណ្ដាក់ទុនកាន់តែច្រើននៅកម្ពុជា
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៦ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ