ព័ត៌មានជាតិ
ទឹកហក់ឡើងខ្លាំងតាមដងស្ទឹងមង្គលបូរី លោក អ៊ុំ រាត្រី ដាស់តឿនពលរដ្ឋ សូមប្រុងប្រយ័ត្នខ្ពស់
លោក អ៊ុំ រាត្រី អភិបាលលខេត្តបន្ទាយមានជ័យ បានឱ្យដឹងថា ខេត្តបន្ទាយមានជ័យ មានភ្លៀងធ្លាក់ជាប់ៗគ្នាជាច្រើនថ្ងៃ ធ្វើឱ្យទឹកហក់ឡើងខ្លាំង នៅ ឃុំសឿ និង ឃុំតាមបណ្តោយដងស្ទឹងមង្គលបូរី។ នៅល្ងាច ថ្ងៃ១៨ ខែកញ្ញាឆ្នាំ២០២២នេះ លោកបានផ្ដាំផ្ញើឱ្យប្រជាពលរដ្ឋប្រុងប្រយ័ត្នខ្ពស់បំផុត ជាពិសេសកូនក្មេងតូចៗ មនុស្សចាស់ ជនពិការភាពជាដើម។
លោក អ៊ុំ រាត្រី បានបញ្ជាក់ឱ្យដឹងបន្តទៀតថា តាមការចុះពិនិត្យរបស់លោក នៅតាមបណ្តោយមាត់ស្ទឹងមង្គលបូរី ឃើញថា ស្ថានភាពជាក់ស្តែង ទឹកកំពុងធ្លាក់ពីស្រុកបវេល នៃខេត្តបាត់ដំបង ធ្លាក់ពីស្រុកម៉ាឡៃ ព្រមទាំងភ្លៀងធ្លាក់ជាបន្តបន្ទាប់ធ្វើឱ្យទឹកស្ទឹងហក់ឡើងយ៉ាងគំហុកនៅ ឃុំសឿនិង ឃុំដទៃទៀតនៅបណ្តោយដងស្ទឹងមង្គលបូរី។
ក្នុងនោះ លោកបានជូនដំណឹង ដល់គណៈកម្មាធិការគ្រប់គ្រងគ្រោះមហន្តរាយ ខេត្ត ស្រុក សូមត្រៀមលក្ខណៈឱ្យក្រុមការជួយសង្រ្គោះ ដូចជាទូក កាណូត អាវពោង និងយកទៅដាក់ទីទួលសុវត្ថិភាព។
លោកបានបញ្ជាក់ឱ្យដឹងបន្តទៀតថា ទន្ទឹមនេះដែរ មានក្រុមការងារកំពុងញាប់ដៃធ្វើស្ពានឈើបណ្តោះអាសន្នមួយទៀតនៅប្រឡាយព្រែកឃុំសឿ ស្រុកមង្គលបូរី ដើម្បីសម្រួលដល់ពលរដ្ឋការធ្វើដំណើរស្រាលឆ្លងទឹកជំនន់។
សូមរំលឹកថា កាលពីល្ងាចថ្ងៃទី១៧ ខែកញ្ញានេះ លោកឧបនាយករដ្ឋមន្ត្រី កែ គឹមយ៉ាន ប្រធានក្រុមការងាររាជ រដ្ឋាភិបាលចុះមូលដ្ឋានខេត្តបន្ទាយមានជ័យ អមដំណើរដោយ លោក ខេង ស៊ុម ប្រធានក្រុមប្រឹក្សាខេត្ត លោក អ៊ុំ រាត្រី អភិបាលខេត្ត បានចុះពិនិត្យស្ថានភាពជំនន់ទឹកភ្លៀង នៅប្រឡាយព្រែកសឿ ឃុំសឿ នៅភូមិ ប្រឡាយចារ៍ ឃុំចំណោម ស្រុកមង្គលបូរី សំណង់ស្ទាក់ទឹកពោធិ៏ពីរដើម នៅឃុំរហាត់ទឹក។ ជារួម ស្ថានភាពទឹកកាលណោះគ្រប់គ្រងបាន ពោលគឺមិនមានទឹកហក់ឡើងបន្ថែមទេ តែក៏មិនទាន់ស្រកពីព្រែកប្រឡាយ តែពេលនេះទឹកបែរជាហក់ឡើងសារជាថ្មីឡើងវិញ៕
អត្ថបទ៖ វ៉ាន់ ណាង
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៨ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore