ព័ត៌មានជាតិ
អាជ្ញាធរស្រុកសេសានរៀបចំឲ្យមានពីធីប្រណាំងទូកងអបអរសាទរថ្ងៃចេញវស្សា
អាជ្ញាធរស្រុកសេសានខេត្តស្ទឹងត្រែងរៀបចំពិធីប្រណាំងទូកង ដើម្បីអបអរសាទរនៅថ្ងៃចេញព្រះវស្សាផង និងបានបង្កលក្ខណៈឲ្យបងប្អូនប្រជាពលរដ្ឋមានភាពសប្បាយរីករាយ និងបានលក់ដូរចំណីអាហារដែលផលិតបានទៅតាមគ្រួសារនិមួយៗផងដែរ។
ក្នុងពិធីប្រណាំងទូកងនៅស្រុកសេសានខេត្តស្ទឹងត្រែងនៅថ្ងៃម្សិលមិញនេះលោក សុវណ្ណ ពិសេដ្ឋ អភិបាលស្រុកសេសាន្តមានប្រសាសន៍ថា៖ ពិធីអុំទូកនេះយើងរៀបចំផ្សាភ្ជាប់ទៅនិងការលក់ដូរកសិផលរបស់កសិករដែលពួកគាត់ផលិតបាននៅតាមមូលដ្ឋាន ដើម្បីបើកផ្លូវឱ្យមានទីផ្សារក្នុងពេលដែលភ្ញៀវទេសចរនៅក្នុងស្រុកជាច្រើនពាន់នាក់បានមកទស្សនាពិធីប្រណាំងទូកនេះ។
លោកអភិបាលស្រុកមានប្រសាសន៍បន្ថែមថា៖ ពិធីអ៊ុទូកនេះបានប្រព្រឹត្តទៅយ៉ាងល្អប្រសើរនិងបង្កឲ្យមានភាពសប្បាយរីករាយក្នុងពេលដែលអាជ្ញាធរ ភូមិ ឃុំបានរៀបចំទូកមួងចំនួន១០ក្នុងនោះមាន មកពីឃុំក្បាលរមាស ឃុំ ភ្លុក ឃុំកំភុន និងឃុំសាមឃួយ រួមនិងទូកងខ្លាតខ្លី ចំណុះ១៨ នាក់ ចំនួន២ទូក របស់ស្រុកសេសាន យកមកចូលរួមប្រណាំងផងដែរ។
លោកបញ្ជាក់ទៀតថា៖ក្តីសប្បាយរីករាយរបស់ប្រជាពលរដ្ឋបានបង្ហាញឱ្យឃើញពីជីវភាពរីកចម្រើនក្នុងពេលដែលប្រទេសកម្ពុជាយើងកាន់តែមានការអភិវឌ្ឍ ក្រោមការដឹកនាំរបស់រាជរដ្ឋាភិបាលដែលមានសម្តេចអគ្គមហាសេនាបតីតេជោហ៊ុនសែនជានាយករដ្ឋមន្ត្រីនៃព្រះរាជាណាចក្រកម្ពុជា។
លោកស៊ុនណារិន កីឡាកទូកមកពីឃុំ ភ្លុក បានគាំទ្រដល់ការរៀបចំរបស់អាជ្ញាធរស្រុក ព្រោះការរៀបចំប្រណាំងទូកបានរម្លឹកឡើងវិញ ហើយប្រជាពលរដ្ឋយើងបានសប្បាយរីករាយផងដែរ បន្ទាប់ពីកម្មពិធីនេះត្រូវបានផ្អាក៣បួនឆ្នាំមកហើយ ដោយសារតែវិបត្តិជំងឺកូវីដ១៩។
លោកស្រី យែម ស៊ីណារេត អាជីវករលក់ដូរនៅភូមិកំភុនបានបញ្ជាក់ថា ការប្រណាំងទូកនេះមានភ្ញៀវមកទស្សនាច្រើន និងបានមើលឃើញពីការអភិវឌ្ឍន៍រីចម្រើននៅក្នុងស្រុកសេសាននេះ ធ្វើឲ្យប្រជាពលរដ្ឋយើងស្រឡាញ់ពេញចិត្ត ចំណែកអ្នកផលិតករ លក់ដូរបានប្រាក់ចំណូលសម្រាប់ដោះស្រាយជីវភាពក្នុងគ្រួសារ។
សូមបញ្ជាក់ថា៖ ក្នុងចំណោមទូកមួងចំនូន១០ដែលបានមកចូលរួមប្រណាំងនេះ ទូកឈ្នះ បានលេខមួយទទួលបានថវិកាឧបត្ថម្ភលើកទឹកចិត្តចំនួន៤០ម៉ឺនរៀល លេខពី៣០ម៉ឺនរៀល លេខបី២០ម៉ឺនរៀល ក្រៅពីនោះទទួលថវិកាលើកទឹកចិត្ត១០រៀល រួមនិងសម្ភារផ្សេងជាច្រើនទៀត៕
អត្ថបទ៖ ងិនលីម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ