ព័ត៌មានជាតិ
រដ្ឋបាលខេត្តបន្ទាយមានជ័យពង្រឹងវិស័យ SME ផ្នែកចំណីអាហារត្រៀមផលិតផ្គត់ផ្គង់ក្នុងស្រុក និងនាំចេញ
រដ្ឋបាលខេត្តបន្ទាយមានជ័យ មន្ទីរពាណិជ្ជកម្មខេត្ត និងមន្រ្តីពាក់ព័ន្ធ បានសហការ ជាមួយ អង្គការទីភ្នាក់ងារកិច្ចសហប្រតិបត្តិការ អន្តរជាតិអាល្លឺម៉ង់ ស្វីស(GIZ) ក្រុមហ៊ុន Laber និងក្រុមហ៊ុន ទីភ្នាក់ងារ ដៃគូនានា រៀបចំសិក្ខាសាលា ស្តីពីការកែលម្អផលិតកម្ម សហគ្រាសធុនតូច និងមធ្យម នៅកម្ពុជា សម្រាប់តម្រូវការទីផ្សារក្នុងស្រុក និងអន្តរជាតិ។
លោក ប៉ុក ឡាជី ប្រធានមន្ទីរពាណិជ្ជកម្មខេត្ត បានមានប្រសាសន៍ថា គោលបំណងនៃសិក្ខាសាលានេះ គឺចែករំលែកចំណេះដឹងពាក់ព័ន្ធនឹងផលិតកម្ម ម្ហូបអាហារបច្ចុប្បន្ន នៅក្នុងប្រទេស អភិវឌ្ឍន៍ តម្រូវការនៅពេលអនាគត សម្រាប់ការពង្រឹងទីផ្សារក្នុងស្រុក និងទីផ្សារនាំចេញ នៃផលិតផលកសិកម្ម និងម្ហូបអាហារ ដើម្បីលើកកម្ពស់ ការយល់ដឹងអំពីសារៈសំខាន់នៃការវិនិយោគ ការស្រាវជ្រាវ និងអភិវឌ្ឍន៍ RនិងD និងនវានុវត្ត សម្រាប់កែលម្អគុណភាព ផលិតផល ម្ហូបអាហារ ការដឹកជញ្ជូន និងកំណើនប្រកបដោយចីរភាព និងនិរន្តរភាព នៃអាជីវកម្មម្ហូបអាហារសម្រាប់ប្រើប្រាស់ជាដើម។
លើសពីនេះទៀត លោក ប៉ុក ឡាជី ជំរុញអនុវត្តតាមផែនការយុទ្ធសាស្ត្រអភិវឌ្ឍន៍ ឬពាណិជ្ជកម្មឆ្នាំ២០២២ ដល់ឆ្នាំ២០២៤ ស្របតាមកំណែទម្រង់ គោលនយោបាយស៊ីជម្រៅ របស់រាជរដ្ឋាភិបាលកម្ពុជា ក្រសួងពាណិជ្ជកម្ម និងបញ្ជូនផលិតផលសកក្តានុពលកម្ពុជា សម្រាប់ទីផ្សារក្នុង និងក្រៅប្រទេស ដោយផលិតផលគំរូ និងគោលបំណងបង្កើតការលក់ផលិតផលខ្មែរតាមបណ្ដាទីផ្សារនានា ជាពិសេសផ្សារទំនើបក្នុងស្រុក។
លោក អ៊ុំ រាត្រី អភិបាលខេត្តបន្ទាយមានជ័យ បានគូសបញ្ជាក់ថា តាមរយៈសិក្ខាសាលានេះ គឺជាផ្នែកមួយជួយពង្រឹងវិស័យ SME បន្ថែមទៀត ដើម្បីរួមចំណែកក្នុងការផលិតផលិតផលឱ្យមានគុណភាព ងាយស្រួលក្នុងបញ្ចូលក្នុងទីផ្សារ។ លោកថា ផលិតផលសកក្តានុពលក្នុងស្រុក ដែលជាស្នាដៃរបស់ខ្មែរ នឹងដាក់បង្ហាញដល់ភ្ញៀវជាតិ និងអន្តរជាតិ ឱ្យបានស្គាល់ និងស្វែងរកទីផ្សារជូនប្រជាកសិករខ្មែរ។
លោកអភិបាលខេត្ត ក៏ជំរុញ ដល់ប្រជាពលរដ្ឋទាំងអស់ ជួយគាំទ្រផលិតផលដែលជាស្នាដៃកូនខ្មែរ កាត់បន្ថយការគាំទ្រផលិតផលនាំចូលពីបរទេស ដែលផលិតផលទាំងនោះ គ្មានប្រភពច្បាស់លាស់ មិនមានគុណភាព អាចបង្កគ្រោះថ្នាក់ដល់សុខភាពជាដើម។
តាមរយៈសិក្ខាសាលានេះ លោក អ៊ុំ រាត្រី រំពឹងថា មន្រ្តីពាក់ព័ន្ធ នឹងកំណត់បាននូវបញ្ហាប្រឈម ប្រតិបត្តិការបច្ចេកទេស និងហានិភ័យ ដែលអាចជះឥទ្ធិពលដល់គោលដៅអភិវឌ្ឍន៍គម្រោងការផលិតសកក្តានុពល ដើម្បីជំរុញទីផ្សារទាំងក្នុងស្រុក និងក្រៅស្រុក៕ វ៉ាន់ ណាង
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ