ព័ត៌មានជាតិ
ចំណេះដឹងផ្នែកគីមី ផ្តល់ផលប្រយោជន៍ដល់គ្រូបង្រៀនសិស្ស ក៏ដូចជាសហគមន៍
លោកស្រី សឿ សុជាតា អនុរដ្ឋលេខាធិការក្រសួងអប់រំ យុវជន និងកីឡា បានគូសបញ្ជាក់ថា ចំណេះដឹងផ្នែកគីមី មិនត្រឹមតែផ្ដល់ផលប្រយោជន៍សម្បទាដល់គ្រូបង្រៀន និងសិស្សានុសិស្សប៉ុណ្ណោះទេ តែក៏អាចជួយដល់សហគមន៍ឱ្យមានលទ្ធភាពថែទាំ អភិវឌ្ឍសុខភាព អាយុជីវិត និងបរិស្ថានថែមទៀត។ លោកស្រីបានអះអាងបែបនេះ នៅក្នុងសន្និសីទជាតិលើកទី១៣ ឆ្នាំ២០២២ ស្ដីពី “គីមី និងជីវិត” ។
លើកឡើងនៅក្នុងសន្និសីទជាតិលើកទី១៣ ដែលរៀបចំដោយសមាគមគីមីកម្ពុជានៅវិទ្យាស្ថានគរុកោសល្យរាជធានីភ្នំពេញ លោកស្រីមានប្រសាសន៍ថា សមាគមគីមីបានចូលរួមអភិវឌ្ឍធនធានគ្រូបង្រៀនកម្ពុជា ដែលឆ្លើយតបទៅនឹងគោលដៅកំណែទម្រង់វិស័យអប់រំ ដែលមានសសរស្ដម្ភកំណែទម្រង់គ្រូបង្រៀនជាអាទិភាពទី១។ មិនតែប៉ុណ្ណោះ គ្រូបង្រៀនជាអមត នៅតែជាចលករគន្លឹះក្នុងដំណើរសម្រេចគោលដៅកសាង និងផ្ដល់សម្បទាទាំង ៥ដ៏រឹងមាំជូនដល់ធនធានមនុស្ស គឺចំណេះដឹងសម្បទា បំណិនសម្បទា ចរិយាសម្បទា គុណធម៌សម្បទា និងស្មារតីស្នេហាជាតិសម្បទា។
លោកស្រីអនុរដ្ឋលេខាធិការបានសង្កត់ធ្ងន់ និងសំណូមពរដល់សមាគម ត្រូវបន្តការសិក្សាឱ្យកាន់តែជម្រៅលើប្រធានបទ«គីមី និងជីវិត» ដើម្បីចែករំលែកឱ្យកាន់តែមានប្រសិទ្ធភាព សុវត្ថិភាព និងផាសុកភាពសហគមន៍ក្នុងប្រទេស។
គួរបញ្ជាក់ថា សន្និសីទជាតិលើកទី១៣ ឆ្នាំ២០២២ ស្តីពី« គីមី និងជីវិត» ប្រព្រឹត្តទៅរយៈពេល ២ថ្ងៃ គឺថ្ងៃទី ១១-១២ ខែវិច្ឆិកា ឆ្នាំ២០២២នេះ នៅវិទ្យាស្ថានគរុកោសល្យរាជធានីភ្នំពេញ៕
ដោយ៖ ថារី
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ