ព័ត៌មានជាតិ

ស្វែងយល់ប្រាក់ឧបត្ថម្ភផ្សេងៗរបស់គ្រូបង្រៀន

បានផុស

៤ years មុន

នៅ

ថ្ងៃសុក្រ ១៨ វិច្ឆិកា ២០២២

ដោយ

គ្រូបង្រៀនត្រូវបានចាត់ទុកជាឪពុកម្តាយទីពីរ ជាអ្នកបណ្តុះបណ្តាលកសាងធនធានមនុស្សសម្រាប់អភិវឌ្ឍជាតិ ហើយក៏ជាអាជីពដែលទទួលការឲ្យតម្លៃក្នុងសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាក់ទងអាជីពជាគ្រូបង្រៀនេះ ក៏ទទួលបានការយកចិត្តទុកដាក់តាមរយៈការដំឡើងប្រាក់បៀវត្ស និងការផ្តល់ប្រាក់ឧបត្ថម្ភផ្សេងៗដើម្បីទ្រទ្រង់និងសម្រួលដល់ជីវភាពរស់នៅប្រចាំថ្ងៃឲ្យបានសមរម្យ។

–ប្រាក់បៀវត្សមូលដ្ឋាន

ប្រាក់បៀវត្សមូលដ្ឋាន គឺជាប្រាក់ប្រចាំខែដែលផ្តល់ដល់គ្រូបង្រៀន ហើយបែងចែកទៅតាមប្រភេទក្របខ័ណ្ឌ ឋានន្តរស័ក្តិ និងថ្នាក់។

-ប្រាក់បំណាច់មុខងារ

ប្រាក់បំណាច់មុខងារ គឺជាប្រាក់បន្ថែមលើប្រាក់បៀវត្សមូលដ្ឋាន។

-ប្រាក់ហានិភ័យ

ប្រាក់ហានិភ័យសម្រាប់លើកទឹកចិត្តដល់គ្រូបង្រៀន ដែលចេញទៅបម្រើការងារនៅតំបន់ជួបការលំបាក និងតំបន់ដាច់ស្រយាល។ ប្រាក់ឧបត្ថម្ភនេះពុំមានលក្ខណៈជាអចិន្ត្រៃយ៍ឡើយ។

-ប្រាក់វិភាជន៍គ្រួសារ

ប្រាក់វិភាជន៍គ្រួសារ ផ្ដល់ជូនដល់មេគ្រួសារជាគ្រូបង្រៀនសម្រាប់ឧបត្ថម្ភ ប្រពន្ធ កូន និងកូនចិញ្ចឹមស្របច្បាប់នៅក្នុងបន្ទុក។

-ប្រាក់ម៉ោងបន្ថែម

ប្រាក់ម៉ោងបន្ថែម ផ្ដល់ជូនគ្រូបង្រៀនដែលបង្រៀនលើសម៉ោងកំណត់របស់រដ្ឋទៅតាមប្រភេទក្របខ័ណ្ឌ។

-ប្រាក់របបបេសកកម្ម

ប្រាក់របបបេសកកម្ម គឺជាប្រាក់ដែលរដ្ឋផ្ដល់ជូនមន្ត្រីរាជការឬគ្រូបង្រៀន នៅពេលដែលចុះបំពេញបេសកកម្មនៅក្នុងប្រទេសនិងក្រៅប្រទេស។