លោកស្រី Harris ប្រកាសផ្តល់មូលនិធិថាមពលស្អាតថ្មីក្នុងទំហំទឹកប្រាក់២០លានដុល្លារ សម្រាប់តំបន់មេគង្គ

អនុប្រធានាធិបតីសហរដ្ឋអាមេរិកលោកស្រី Kamala Harris បានប្រកាសផ្តល់ថវិកាចំនួន ២០ លានដុល្លារថ្មី សម្រាប់គម្រោងថាមពលស្អាតនៅក្នុងតំបន់មេគង្គ អំឡុងថ្ងៃចុងក្រោយនៃដំណើរទស្សនកិច្ចទៅកាន់ប្រទេសថៃ នៅថ្ងៃអាទិត្យទី២០ខែវិច្ឆិកានេះ បន្ទាប់ពីកិច្ចប្រជុំកំពូលថ្នាក់តំបន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីបានថ្លែងបែបនេះ ទៅកាន់មេដឹកនាំអង្គការសង្គមស៊ីវិល និងមេដឹកនាំធុរកិច្ចនៅទីក្រុងបាងកក បន្ទាប់ពីបិទកិច្ចប្រជុំនៃប្លុក APEC ដែលមានសមាជិកចំនួន ២១ ប្រទេស។

លោកស្រីនិយាយថា “សកម្មភាពអាកាសធាតុដ៏ក្លាហាន គឺមិនត្រឹមតែចាំបាច់ដើម្បីការពារប្រជាជននៃភពផែនដីរបស់យើង និងធនធានធម្មជាតិរបស់យើងប៉ុណ្ណោះទេ ប៉ុន្តែវាក៏ជាកត្តាជំរុញដ៏មានឥទ្ធិពលនៃកំណើនសេដ្ឋកិច្ចផងដែរ”។

នៅក្នុងសេចក្តីប្រកាសព័ត៌មានមុននេះ លោកស្រីនិយាយថា រដ្ឋបាលអាមេរិក នឹងស្នើសុំមូលនិធិពីសភា សម្រាប់ភាពជាដៃគូថាមពលជប៉ុន-អាមេរិក-មេគង្គ (JUMPP) ដែលតាមរយៈនោះ ប្រទេសទាំងពីរនឹងធ្វើជាដៃគូជាមួយប្រទេសក្នុងតំបន់ ដើម្បីលើកកម្ពស់ថាមពលប្រកបដោយនិរន្តរភាព៕

ប្រែសម្រួល៖ Vann Vann

ប្រភព៖ Reuters

ចុចអាន៖ អាមេរិក ប្រកាសជួយ ថៃ អភិវឌ្ឍម៉ាស៊ីនរ៉េអាក់ទ័រ នុយក្លេអ៊ែរ