ព័ត៌មានជាតិ
ធនាគារជាតិ បើកសន្និសីទលើកទី៩ ស្តីពីដំណើរឆ្ពោះទៅការស្តារសេដ្ឋកិច្ចឡើងវិញ និងភាពធន់ក្រោយវិបត្តិជំងឺកូវីដ-១៩
ធនាគារជាតិនៃកម្ពុជា បានបើកសន្និសីទស្តីពីម៉ាក្រូសេដ្ឋកិច្ចប្រចាំឆ្នាំលើកទី៩ស្តីពីដំណើរឆ្ពោះទៅកាន់ការស្តារសេដ្ឋកិច្ចឡើងវិញ និងភាពធន់ក្រោយវិបត្តិជំងឺកូវីដ-១៩ នៅព្រឹកថ្ងៃទី២៤ ខែវិច្ឆិកា ឆ្នាំ២០២២ នៅសណ្ឋាគារសូហ្វីតែភូគីត្រាភ្នំពេញ ដើម្បីប្រមូលធាតុចូលបន្ថែមសម្រាប់អ្នកសិក្សាស្រាវជ្រាវ និងអ្នករៀបចំគោលនយោបាយក្នុងការពិចារណាដាក់ចេញនូវគោលនយោបាយអភិវឌ្ឍន៍សមស្របសម្រាប់ការស្តារសេដ្ឋកិច្ចកម្ពុជាឡើងវិញ ក្រោយវិបត្តិជំងឺកូវីដ-១៩។
![](https://www.kampucheathmey.com/wp-content/uploads/2022/11/photo_2022-11-24_11-53-52-1024x768.jpg)
ថ្លែងបើកសន្និសីទស្តីពីម៉ាក្រូសេដ្ឋកិច្ចប្រចាំឆ្នាំលើកទី៩ ស្តីពីដំណើរឆ្ពោះទៅកាន់ការស្តារសេដ្ឋកិច្ចឡើងវិញ និងភាពធន់ក្រោយវិបត្តិជំងឺកូវីដ-១៩ លោកស្រី ជា សិរី ឧបការីទេសាភិបាល និងជាអគ្គនាយកបច្ចេកទេសធនាគារជាតិនៃកម្ពុជា បានមានប្រសាសន៍ថា ឆ្នាំនេះគឺជាឆ្នាំទី៩ហើយដែលធនាគារជាតិនៃកម្ពុជាបានរៀបចំសន្និសីទម៉ាក្រូសេដ្ឋកិច្ច ក្នុងគោលបំណងពង្រឹងនិងកសាងវប្បធម៌នៃការស្រាវជ្រាវនៅកម្ពុជានិងផ្ដល់ជាវេទិកាកិច្ចពិភាក្សារវាងអ្នកស្រាវជ្រាវអ្នករៀបចំគោលនយោបាយអ្នកជំនាញនិងភាគីពាក់ព័ន្ធនានាលើប្រធានបទសំខាន់ៗទាក់ទងទៅនឹងការអភិវឌ្ឍសេដ្ឋកិច្ចកម្ពុជា។
លោកស្រីបានបន្តថា ចាប់តាំងសន្និសីទលើកទី១មកធនាគារជាតិនៃកម្ពុជាបានផ្សព្វផ្សាយនិងស្នើសុំឲ្យមានការចូលរួមពីអ្នកស្រាវជ្រាវលើប្រធានបទផ្សេងៗដែលកាលពីឆ្នាំមុនប្រធានបទផ្ដោតលើបញ្ហាប្រឈមនឹងគោលនយោបាយអភិវឌ្ឍសហគ្រាសធុនតូចនិងមធ្យមនៅកម្ពុជាដែលពេលនោះលទ្ធផលស្រាវជ្រាវនិងអនុសាសន៍ជាច្រើនត្រូវបានផ្ដល់ដើម្បីដោះស្រាយបញ្ហាប្រឈមរបស់សហគ្រាសធុនតូចនិងមធ្យមក្នុងអំឡុងវិបត្តិជំងឺកូវីដ១៩ស្របពេលដែលសក្តានុពលរបស់វិស័យនេះក្នុងការស្ដារកំណើនឡើងវិញក៏ត្រូវបានលើកយកមកពិភាក្សា។
![](https://www.kampucheathmey.com/wp-content/uploads/2022/11/photo_2022-11-24_11-53-51-768x1024.jpg)
លោកាស្រីបានបន្តទៀតថា ដើម្បីស្ដារសេដ្ឋកិច្ចឡើងវិញប្រកបដោយចីរភាពនិងបរិយាបន្នទាមទារឲ្យមានការដោះស្រាយមិនត្រឹមតែបញ្ហានៅសល់ពីវិបត្តិកូវីដ១៩ប៉ុណ្ណោះទេប៉ុន្តែបញ្ហាប្រឈមថ្មីៗដែលកំពុងកើតមានដូចជាបញ្ហាអតិផរណាខ្ពស់ការថមថយកំណើនសេដ្ឋកិច្ចពិភពលោកនិងការប្រែប្រួលអាកាសធាតុជាដើម។ជាមួយនឹងបញ្ហាប្រឈមដែលមានលក្ខណៈពហុវិស័យបែបនេះការបង្កើតវេទិកាពិភាក្សាដើម្បីប្រមូលមតិពីគ្រប់មជ្ឈដ្ឋានទាំងអស់ក៏ដូចជាដើម្បីចែករំលែកបទពិសោធន៍ឲ្យគ្នាទៅវិញទៅមកមានភាពចាំបាច់ជាទីបំផុត។
![](https://www.kampucheathmey.com/wp-content/uploads/2022/11/photo_2022-11-24_11-53-51-2-1024x768.jpg)
លោកស្រីសង្ឃឹមជឿជាក់ថា សន្និសីទនេះនឹងមានការចូលរួមយ៉ាងសកម្មពីអ្នកចូលរួមទាំងអស់ដើម្បីផ្លាស់ប្ដូរទស្សនៈនិងបទពិសោធន៏ក៏ដូចជាផ្តល់ធាតុចូលដ៏មានតម្លៃសម្រាប់អ្នករៀបចំគោនយោបាយក្នុងការពិចារណា។ ជាមួយគ្នានេះដែរលោកស្រីសូមលើកទឹកចិត្តដល់អ្នកដែលបានចូលរួមទាំងអស់ទាំងអ្នកចូលរួមផ្ទាល់ និងតាមប្រព័ន្ធអនឡាញសូមបញ្ចេញមតិលើកជាសំណួរនិងចែករំលែកទស្សនឱ្យបានផុលផុសដើម្បីផ្ដល់ជាធាតុចូលបន្ថែមសម្រាប់អ្នកសិក្សាស្រាវជ្រាវអ្នករៀបចំគោលនយោបាយក្នុងការពិចារណាដាក់ចេញគោលនយោបាយអភិវឌ្ឍសមស្របសម្រាប់ការស្តារសេដ្ឋកិច្ចកម្ពុជាឡើងវិញក្រោយវិបត្តិកូវីដ១៩៕
អត្ថបទ៖ សំអឿន
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ