Connect with us

ព័ត៌មានជាតិ

លោក យ៉ង សាំងកុមារ បណ្ឌិតកសិកម្មមកពីអាល្លឺម៉ង់មានប្រវត្តិយ៉ាងណា?

បានផុស

នៅ

លោក យ៉ង សាំងកុមារ ប្រធានគណៈកម្មាធិការនាយករបស់គណបក្សប្រជាធិបតេយ្យមូលដ្ឋានបានប្រកាសសុំចូលរួមជីវភាពនយោបាយជាមួយគណបក្សប្រជាជនកម្ពុជាកាលពីថ្ងៃទី ២៧ ខែវិច្ឆិកា ឆ្នាំ២០២២ ក្រោមមូលហេតុថា លោកពេញចិត្តទៅនឹងគោលនយោបាយវិស័យកសិកម្មដែលសម្តេចតេជោ ហ៊ុន សែន បានប្រកាសនាពេលកន្លងទៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនក្លាយជាអ្នកនយោបាយលោក យ៉ង សាំងកុមារគឺជាអ្នកជំនាញកសិកម្មមួយរូប និងជាអតីតប្រធានអង្គការ​កសិកម្មសេដាក (CEDAC) ។ តើអ្នកជំនាញផ្នែកកសិកម្មរូបនេះមានប្រវត្តិសិក្សា និងបទពិសោធការងារបែបណា?

កើតឆ្នាំ ១៩៦៦ លោក យ៉ង សាំងកុមារ មានស្រុកកំណើតនៅឃុំពពេល ស្រុកត្រាំកក់ ខេត្តតាកែវ ដែលមានឪពុកជាគ្រូបង្រៀន និងម្តាយជាកសិករ។ ទាក់ទងនឹងប្រវត្តិការសិក្សាលោក យ៉ង សាំងកុមារ បានប្រឡងជាប់សញ្ញាបត្រមធ្យមសិក្សាទុតិយភូមិនៅឆ្នាំ១៩៨៤ និងបានបន្តការសិក្សានៅប្រទេសអាល្លឺម៉ង់ រហូតបានបញ្ចប់សញ្ញាបត្របណ្ឌិតអភិវឌ្ឍន៍កសិកម្មនៅឆ្នាំ១៩៩៥ បន្ទាប់ពីលោកបានចំណាយពេលសិក្សា និងរស់នៅទីនោះអស់រយៈពេលជិត ១១ឆ្នាំ។

ក្រោយរៀនចប់នៅអាល្លឺម៉ង់លោក យ៉ង សាំងកុមារបានត្រឡប់មកមាតុភូមិវិញហើយបានចាប់ផ្ដើមចូលបម្រើការងារនៅអង្គការក្រៅរដ្ឋាភិបាលចំនួនពីរ និងធ្វើជាសាស្ត្រាចារ្យនៅសាកលវិទ្យាល័យភូមិន្ទកសិកម្ម។ ឆ្នាំ១៩៩៧ លោក បានសហការជាមួយស្ថាបនិកចំនួន ៦រូបផ្សេងទៀត ដើម្បីបង្កើតមជ្ឈមណ្ឌលសិក្សា និងអភិវឌ្ឍន៍កសិកម្មកម្ពុជា ដែលហៅកាត់ថាអង្គការសេដាក។

ក្នុងនាមជាស្ថាបនិកអង្គការសេដាក លោក យ៉ង សាំងកុមារ បានចូលរួមយ៉ាងសកម្មជាដៃគូរាជរដ្ឋាភិបាលលើការអភិវឌ្ឍកសិកម្មនៅកម្ពុជា ដោយអនុវត្តតាមគោលការណ៍ធម្មជាតិ។ លោក បានបង្កើតឲ្យមានរោងម៉ាស៊ីនកិនស្រូវសរីរាង្គនៃកសិករសេដាក និងសហគមន៍ទីផ្សារកសិផលធម្មជាតិ រួមទាំងការបណ្ដុះបណ្ដាលបច្ចេកទេសដាំដុះដល់ប្រជាកសិករ ជាដើម។

នៅឆ្នាំ២០១៥ លោក យ៉ង សាំង​កុមារ បានសម្រេចចិត្តលាឈប់​ពីប្រធានអង្គការសេដាក ហើយ​បានចូលប្រឡូកឆាកនយោបាយ តាមរយៈការចូលរួម​បង្កើត​គណបក្ស​​​ប្រជាធិបតេយ្យមូលដ្ឋានជាមួយ​លោក យ៉េង វីរៈ រួមទាំង​អតីតមន្ត្រីនៃអង្គការ​ក្រៅរដ្ឋាភិបាលជាច្រើនរូបទៀត​​។

នៅក្នុងគណបក្សប្រជាធិបតេយ្យមូលដ្ឋានលោក យ៉ង សាំងកុមារមានតួនាទីជាប្រធានគណៈកម្មាធិការនាយក ហើយក៏ជាមេដឹកនាំដ៏សំខាន់ និងមានសក្តានុពលមួយរូបរបស់គណបក្សនេះ។

ប៉ុន្តែនៅថ្ងៃទី ២៧ ខែវិច្ឆិកា ឆ្នាំ២០២២ លោក យ៉ង សាំងកុមារ បានប្រកាសសុំចូលរួមជីវភាពនយោបាយជាមួយគណបក្សប្រជាជនកម្ពុជាវិញ ដែលធ្វើឲ្យមានការចាប់អារម្មណ៍ច្រើនពីមជ្ឈដ្ឋានជាតិលើការដើរចេញរបស់លោក យ៉ង សាំងកុមារពីគណបក្សប្រជាធិបតេយ្យមូលដ្ឋាននាពេលនេះ៕

ដោយ៖ ធឿន វ៉ាន់សុង  

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៨ នាទី មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ២៦ នាទី មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៣៥ នាទី មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

ព័ត៌មានជាតិ៤៣ នាទី មុន

មេបញ្ជាការ​កងទ័ពជើងគោក កម្ពុជា​-​ហ្វីលីពីន ចុះហត្ថលេខា​រួមគ្នាស្តីពី​កិច្ចសហប្រតិបត្តិការ​រ​វាង​កងទ័ពជើងគោក នៃ​ប្រទេស​ទាំងពីរ

ជីវិតកម្សាន្ដ១ ម៉ោង មុន

Dior កើនភាគហ៊ុនខ្ពស់បំផុតមិនធ្លាប់មាន ក្រោយតែងតាំង Jimin ជាទូតសុឆន្ទៈបានពីរថ្ងៃ

Sokha Hotels

ព័ត៌មានពេញនិយម